Azərbaycan Prezidenti İlham Əliyev Avropa İttifaqının xarici əlaqələr və Avropa qonşuluq siyasəti üzrə komissarı xanım Benita Ferrero-Valdnerin başçılıq etdiyi nümayəndə heyətini qəbul etmişdir

Azərbaycan Respublikasının Prezidenti İlham Əliyev Avropa İttifaqının xarici əlaqələr və Avropa qonşuluq siyasəti üzrə komissarı xanım Benita Ferrero-Valdnerin başçılıq etdiyi nümayəndə heyətini qəbul etmişdir.

Görüşdə ölkəmizlə Avropa İttifaqı arasında müxtəlif sahələrdə uğurla inkişaf edən əməkdaşlığın bundan sonra da yaxşı perspektivləri olduğu vurğulandı. Azərbaycanın Avropa qonşuluq siyasətində fəal iştirakı yüksək qiymətləndirildi, Azərbaycanla Avropa İttifaqı arasında əlaqələrin gələcək inkişafına dair geniş fikir mübadiləsi aparıldı.

AzərTAc

Azərbaycan.-2009.-22 yanvar.-S.2.