Nailə Rzaquliyeva “Gənclərin dostu” seçildi

Azərbaycanda "Gənclər günü" kimi qeyd olunduğu hamıya bəllidir. Həmin günlə bağlı Azərbaycan Respublikası Gənclər Mərkəzi tərəfindən təməli bu ildən qoyulan təsisat barədə məlumat aldıq. Məlumatda deyilirdi ki, bu günlərdə Mərkəz tərəfindən təsis olunan “Gənclərin dostu” mükafatının təqdim olunma mərasimi keçirilib. Mükafatın təsis olunmasında əsas məqsəd hər zaman gənclərə diqqət və qayğı göstərən insanları, o cümlədən təşkilat və qurumların fəaliyyətini qiymətləndirməkdir. Respublika Gənclər Mərkəzinin bu il elan etdiyi qaliblər sırasında Bakı Şəhəri üzrə Təhsil İdarəsinin müdiri Nailə Rzaquliyeva da var. Mükafat Nailə xanıma paytaxt şəhərdə təhsilin hərtərəfli inkişafına yaratdığı şəraitə görə verilib. Əlbəttə ki, Nailə xanımı “Gənclərin dostu” seçilməsi münasibətilə təbrik edirik.

Bu il Nailə xanımla yanaşı “Gənclərin dostu” mükafatı Azərbaycan Respublikasının gənclər və idman naziri Azad Rəhimova, millət vəkilləri Fəttah Heydərov, Ziyad Səmədzadə, Qənirə Paşayeva və Aydın Mirzəzadəyə, eyni zamanda hər zaman gənclərə maddi və mənəvi dəstək olan “Gilan Holding” və “Ata Holding”ə, gənclərlə birgə çalışan dövlət və qeyr-hökumət strukturlarına, Azərbaycan Respublikası Prezidenti yanında QHT-lərə Dövlət Dəstəyi Şurasının sədri Azər Quliyev və QHT forumunun prezidenti Rauf Hüseynova təqdim edilib. Respublika Gənclər Mərkəzindən onu da öyrəndik ki, “Gənclərin dostu” mükafatının təqdim olunma mərasimləri növbəti illərdə də davam edəcək“.

Vəfa BƏKİRQIZI

Bakı təhsili.- 2010.- 19 fevral.- S. 2.