DÖVLƏTİN VƏ MİLLƏTİN
GÜVƏNC YERİ
92 yaşlı Azərbaycan Ordusu
26 iyun Azərbaycanda Milli Ordu Günü kimi qeyd olunur.
Tarixi 92 il öncəyə dayanan milli ordu əslində qədim
ənənələri olan Azərbaycan hərb sənətinin daha peşəkar
müstəvidə davamı idi. Məhz bu səbəbdəndir
ki, yarandığı və mövcud olduğu dövrdə də,
ondan sonrakı zamanlarda da Azərbaycan müstəqilliyinə yenidən
qovuşduqdan sonra da dövlətin və millətin güvənc
yerinə çevrildi. Azərbaycan Demokratik
Respublikasının milli ordusunun yaranma tarixinə nəzər
saldıqda həmin dövrü şərtləndirən bir
çox mühüm amilin ordunun yaranmasına təkan verdiyi
ortaya çıxır. Milli ordu 1918 - ci ildə Azərbaycana
qarşı hərbi təcavüz təhlükəsinin
qarşısının alınması məqsədilə
yaradılmışdı. Ermənistan vəziyyətdən
istifadə edərək Zəngəzuru, Qarabağı və
Naxçıvanı işğal etməyə
çalışırdı ki, bunun da qarşısını
yalnız peşəkar silahlı qüvvələr ala bilərdi.
Mayın 28 - də qəbul edilən İstiqlal Bəyannaməsində
xarici müdaxilələrdən müdafiə olunmaq, daxili
düşmən qüvvələri zərərsizləşdirmək
üçün nizami ordunun yaradılması zəruriliyi
vurğulanırdı. İlk dəfə olaraq 1918 - ci il iyunun
26 - da Gəncə şəhərində yerləşən
parlament tərəfindən Azərbaycan Silahlı Qüvvələrinin
yaradıması haqqında qərar qəbul olundu. ADR-in ilk
müdafiə naziri vəzifəsinə general Xosrov bəy
Sultanov təyin edildi. Ordu quruculuğu haqqında tədbirlər
planına əsasən 1919 - cu il noyabr ayının 1-nə qədər
ordunun ən mühüm struktur bölmələri və hissələri,
həmçinin üç polkdan ibarət iki piyada
diviziyası, artilleriya diviziyası, xüsusi hissələrin
daxil olduğu teleqraf, atlı, pulemyotçu dəstələri,
tərkibində üç polk olan süvari diviziyası, hava
dəstəsi, dəmiryol batolyonu yaradılmalı idi. Ordu
quruculuğunda qarşıya çıxan problemlər
arasında təchizat və kadrlar məsələsi öndə
gedirdi. Həmin dövrdə azərbaycanlılar əksəriyyət
olaraq hərbi məktəblərə qəbul edilmir, ordu
sıralarına çağırılmır, yalnız hərbi
vergi ödəyirdilər. Belə bir şəraitdə
peşəkar hərbi kadr tapmaq ciddi problem kimi qarşıda
dururdu. Üstəlik Azərbaycanın müstəqilliyinə,
ərazi bütövlüyünə qarşı erməni
terroru bütün silahını işə
salmışdı, Qubada, Bakıda, Şamaxıda
soyqırım törədilirdi. Bunun qarşısını
almaq üçün Azərbaycana qardaş yardımı ilə
gələn türk ordusundan sonra da durum ağır olaraq
qalırdı. Çıxış yolu ancaq Milli ordu
quruculuğunu sürətləndirməkdən keçirdi. Bu
məqsədlə general Əliağa Şıx-linskinin
köməyindən istifadə olundu. Onun
hazırladığı plana əsasən 1919-cu ildə 25,
1920 - ci ildə 40 minlik ordu
yaradılmalı, hərbi nazirliyin strukturu formalaşdırılmalı
idi. Qeyd edək ki, hərbi nazir vəzifəsini 1918 - ci ilin 28
mayından 11 iyununa qədər Xosrov bəy Sultanov icra
etmişdi. Oktyabrın 6-dan dekabrın 26-dək isə hərbi
işlər üzrə müvəkkil İ.Ziyadxanov
olmuşdu. Hökumət oktyabrın 23 - də Hərbi
Nazirliyin yaradılması haqqında qərar qəbul etdi.
Dekabrın 26-da general - leytenant
Səməd bəy Mehmandarov hərbi nazir , general - leytenant Əliağa
Şixlinski müavin təyin olundu. Azərbaycan Demokratik
Respublikası hökumətinin pullu hərbi mükəlləfiyyət
haqqında sərəncamına müvafiq olaraq sıravilərə
50 rubl, yefreytorlara 60 rubl, kiçik unter zabitə 70 rubl, unter
zabitə 90 rubl, fvedfebelə 120 rubl maaş müəyyən
edildi. 1918 - ci ilin iyul ayının 11 - də milli orduya
çağırış haqqında əmr verildi və 1894
- 1899 -cu illərdə anadan olmuş 24 - 29 yaşlı
oğlanlar səfərbər edildi. Milli zabitlər
hazırlamaq məqsədi ilə Gəncədə hərbi məktəb
yaradıldı. Qısa zamanda 40 minə yaxın əsgəri
olan milli ordu quruculuğu vüsət aldı. Orduda hərbi
intizamı möhkəmləndirmək məqsədi ilə hərbi
məhkəmə də yaradıldı. Azərbaycan Demokratik
Respublikasının hərbi quruculuq siyasətində, millilik
ön sırada idi. Səməd bəy Mehmandarov orduda
danışıq və dəftərxana dilinin Azərbaycan
türkcəsin-də olması əmrini verdi. 1918 - 1920 - ci illərdə
türk və rus zabitlərinin köməkliyi ilə piyada və
atlı polklar, artilleriya briqadası, diviziyası
yaradıldı. 1919 - cu ilin sonunda milli ordunun tərkibində
2 piyada diviziyası, bir kavaleriya diviziyası var idi.
1920 - ci ilin fevralında parlament Gəncədə hərbi
zavodun tikintisinə 670 milyon vəsaitin ayrılması
haqqında qanun qəbul etdi. Hökumət Antantanın Ali
Şurasına memorandum göndərərək hərbi zavodun
müasir texnologiya ilə təminini xahiş etdi. Ancaq Azərbaycanın
müstəqilliyi uzun sürmədiyi kimi milli ordunun də varlığı
qısa oldu. Azərbaycan Sovet Rusiyası tərəfindən
işğal edildikdən sonra Hərbi Nazirlik ləğv
edildi. Azərbaycan ordusunun 21 generalından 15 - i bolşeviklər
tərəfindən güllələn-di. Azərbaycan müstəqilliyini
olduğu kimi dəyərli ziyalıları, dövlət xadimləri,
hərbçilərini də itirdi.
Azərbaycanın müstəqilliyinin ikinci dönəmində
milli ordu quruculuğu ümummilli lider Heydər Əliyevin
adı ilə bağlıdır. Dahiliyi, uzaqgörənliyi və
siyasi dünyagörüşü ilə Azərbaycana birinci rəhbərliyi
dönəmində milli hərbi kadrların
hazırlanmasının əsasını qoydu. 1971 - ci ildə
Azərbaycanda hərbi kadrlar hazırlayan məktəb - Cəmşid
Naxçıvanskinin adını daşıyan hərbi liseyin
yaradılması xüsusi diqqət doğurdu. Bu elə bir
dövr idi ki, azərbaycanlıları orduda inşaat
batalyonlarına göndərirdilər. Heydər Əliyevin səyi
ilə azərbaycanlı gənclər Bakı Ali Birləşmiş
Komandanlıq və Bakı Ali Hərbi Dənizçilik Məktəblərinə,
SSRİ - nin digər hərbi məktəblərinə güzəştli
şərtlərlə qəbul olundu.
Azərbaycan yenidən müstəqilliyə
qovuşduqdan sonra 1991 - ci il sentyabrın 5- də Müdafiə
Nazirliyinin, oktyabrın 9 - da Azərbaycan Respublikasının
Silahlı Qüvvələrinin yaradılması haqqında
qanun qəbul edildi. Ancaq faktiki olaraq ordu quruculuğu 1993 -
cü ildə Heydər Əliyev yenidən hakimiyyə-tə
qayıtdıqdan sonra başladı. Heydər Əliyev
Silahlı Qüvvələrin Ali Baş Komandanı kimi ordu
quru-culuğunun əhəmiyyətini yüksək qiymətləndirərək
bu sahədə ciddi irəliləyişə nail oldu. Yerli
özünümüdafiə və könüllü
batalyonlar adı altında fəaliyyət göstərən
silahlı birləşmələri ləğv edərək,
vahid komandanlıq sistemində təşkil olunan nizami ordu
yaradıldı. Ali Baş Komandan cəbhə bölgələrinə
səfər edərək döyüşçülərimizlə
görüşdü, bu görüşlər ordunun əhval
- ruhiyyəsində özünü büruzə verdiyi kimi
xalqın da öz ordusuna güvənini artırdı.1994 -
cü ilin əvvəllərində Füzuli rayonunun Horadiz qəsəbəsi
istiqamətində düşmənə qarşı uğurlu
hərbi əməliyyat həyata keçirildi. 1994 - cü il
mayın 12-də atəşkəs elan olundu. Ancaq bu ordu
quruculuğu prosesinin dayanması yox, əksinə daha da sürətlənməsi
ilə şərtləndi. Heydər Əliyevin 22 may 1998 - ci
il tarixli sərəncamı ilə 26 iyun Silahlı Qüvvələr
Günü kimi, 16 avqust 2000 - ci il tarixli sərəncamı ilə
isə 18 avqust Sərhəd Qoşunları əməkdaşları-nın
peşə bayramı kimi qeyd olunmağa başladı. Ordu
quruculuğunun əsas tərkib hissəsi olan hərbi təhsil,
ixtisaslı hərbi kadrların hazırlanması prosesi də
daim diqqət mərkəzində idi. Əsası
Naxçıvanski adına hərbi liseylə qoyulan hərbi təhsil
müəssisələrimizin sayı nüfuzlu ali hərbi təhsil
ocaqları hesabına daha da genişləndi. 1997-ci ildə Azərbaycan
Ali Hərbi Məktəbi yaradıldı. Heydər Əliyev hərbi
təhsil sisteminin daha da inkişaf etdirilməsi məqsədi
ilə 1999-cu il yanvarın 20-də Hərbi Akademiya-nın
yaradılması haqqında fərman imzaladı. Prezidentin 20 avqust
2001 - ci il tarixli fərmanı ilə Silahlı Qüvvələr
üçün kadr hazırlığının təkmilləşdirilməsi
məqsədilə Müdafiə Nazirliyinin Təlim-Tədris
Mər-kəzi təşkil edildi. Müdafiə Nazirliyi
sistemində fəaliyyət göstərən Azərbaycan Hərbi
Dənizçilik Məktəbi və Azərbaycan Ali Hərbi
Təyyarəçilik Məktəbinin də ölkəmizin
müdafiə qüdrətinin artırılmasında
xüsusi rolu var. Yüksək kadr potensialı və geniş
maddi - texniki bazası olan yerli hərbi məktəblərlə
yanaşı, hərbçilərimiz bir sıra vacib hərbi
ixtisaslar üzrə təhsil almaq üçün Türkiyə,
Rusiya, Ukrayna, Pakistan, Çinə və digər ölkələrə
göndərilirdi. Eyni zamanda Azərbaycan hərbçiləri
NATO-nun “Sülh Naminə Tərəfdaşlıq” proqramı
çərçivəsində təşkil olunan müxtəlif
ixtisasartırma və təlim kurslarında da yaxından
iştirak edirlər. Azərbaycanın NATO ilə əlaqələri
artıq “Fərdi Tərəfdaşlığın Fəaliyyət
Planı” çərçivəsində inkişaf edir.
Müstəqilliyin ən çətin dövrlərindən
başlayan ordu quruculuğu prosesində əldə edilən
uğurlar Azərbaycan Milli Ordusunun gücünü hərbi
paradla dünyanın gözü qarşısında sərgilədi. Erməni işğalının və
müharibə vəziyyətinin davam etdiyini nəzərə
alan Azərbaycan dövləti öz ordusunun gücünü,
hərbi kadrların peşəkarlıq səviyyəsini
durmadan artırır, hərbi qüdrətini yüksəldir.
Ordumuzun gücünü artıran, hərbçilərimizin
döyüş əhval - ruhiyyəsini yüksəldən əsas
amillərdən biri də ölkə Prezidenti, Silahlı
Qüvvələrin Ali Baş Komandanı İlham Əliyevin
hərbi hissələrə, xüsusən cəbhə xəttinə
ardıcıl səfərlər etməsidir. Ali Baş Komandan İlham Əliyev
orduya dövlət diqqət və qayğısının
davam edəcəyini vurğulayıb və Azərbaycan
Silahlı qüvvələrinin torpaqlarımızı hərb
yolu ilə düşmən işğalından azad etməyə
hərtərəfli hazır olduğunu bildirib:" ... Biz bütün sahələrdə
or-duda gedən proseslərin inkişafına
çalışırıq... Son illər ərzində maddi
- texniki bazanın möhkəmdirilməsində böyük
işlər görülmüşdür, çoxlu texniki
avadanlıq, müasir silahlar alınmışdır və beləliklə,
Azərbaycan ordusu xeyli dərəcədə güclənmişdir.
Biz bu prosesi davam etdirəcəyik. Azərbaycan müharibə
şəraitində yaşayır və belə olan halda ilk
növbədə ordu quruculuğuna böyük diqqət
göstərilməlidir".
Azərbaycan Milli Ordusunun təyinatı Azərbaycan
dövlətinin müstəqilliyini və ərazi
bütövlüyünü qorumaqdır. Ordumuz təyinatını
olduğu kimi, xalqın və dövlətin inamını da
doğruldur.
Bakı
təhsili.- 2010.- 25
iyun.- S. 3.