İLK TƏHSİL SƏRGİMİZ

“Təhsil, zaman və biz” adlı baxış sərgidə bölmələr üzrə təqdim olunan işlər

Bölmə: 1 – 3

Məktəbəqədər təhsil - təhsilin təməlidir

“Təhsil, zaman və biz” sərgisinin ilk bölmələrində bağçayaşlı uşaqların hazırladığı əl işləri, son illər bağçalara verilən 24 metodik vəsait, şəkillər üzrə testlər və stendlər nümayiş olunur. Uşaq bağçalarının riyazi məşğələlərində istifadə edilən paylayıcı və nümayişetdirici vəsaitlər, 5 yaşlıların məktəbə-hazırlığı sahəsində görülən işlər baxış sərginin bu bölməsində təqdim olunan işlər sırasındadır.

Bölmə: 4

İbtidai təhsil -

məktəb həyatının ilk pilləsi

Bu bölmədə şagirdlərin əl işlərindən ibarət vinildə işlənmiş stendlər, o cümlədən müəllimlərin açıq dərs nümunələrindən fotostendlər də təqdim olunur. Azərbaycan haqqında açıq dərslərdən vatman kağızı üzərində işlənən nümunələr, müxtəlif istiqamətli stendlər arasında metodiki guşə, qiymət göstəricilərinə görə günün qalibləri olan şagirdlərin fotoşəkilləri, o cümlədən şagirdlərin özünüqiymətləndirmə cədvəli, 15 may Ailə Günü münasibətilə ümummilli lider Heydər Əliyevin ailə şəkillərindən ibarət fotostendlər də nümayiş etdirilir. Bölmədə Azərbaycan təbiətinə həsr olunan slaydlar, bukletlər, həndəsi fiqurlar da sərgilənəcək.

Bölmə: 5 - 6

Kurikulum milli təhsil sisteminin əsasıdır

Kurikulumun tərkib hissələrini özündə əks etdirən stendlər, kurikulum əsasında keçilən nümunəvi dərslərdən fotostendlər, kurikulum sistemi üzrə dərs icmalları, kiçik summativ yoxlama, formativ və diaqnostik qiymətləndirmə nümunələri bu bölmədə nümayiş olunur. Şagird portfoliyaları, müəllimlərin metodiki tövsiyələri, kurikulum haqqında təqvim, buklet və slayerlər də təqdim edilən işlər sıra-sındadır.

Bölmə: 7 - 8

Sağlam həyat sağlam gələcək deməkdir

Bu bölmə üzrə AİDS və narkomaniyaya aid nəfis tərtibatlı 4 stend sərgilənir. Rəsm işləri, AİDS və narkomaniyaya həsr olunan dərslərdən fotostendlər, nümunəvi açıq dərslərin icmalları, şagirdlərin fantaziyalarına uyğun əl işləri, hazırlanan referatlar, 1 dəfəlik istifadə üçün nəzərdə tutulan gigiyenik ləvazimatlar, ədəbiyyatlar, buklet, slayer və sorğu anketləri bu bölmənin işləridir.

Bölmə: 9 - 10

“Ekologiya ili” çərçivəsində

Sözügedən bölmədə hava və suyun təmizlənməsi üzrə sxemlər, referatlar sərgilənir. Mövzu üzrə “Gəlin, planetimizi qoruyaq!” başlığı altında rolik və slaydlar da nümayiş edilir. Azərbaycanın gözəl guşələrini əks etdirən fotostendlər, rəsm əsərləri, canlı bitkilər, güllər, qoruqların qorunması və “Qırmızı kitab şagirdlərin gözü ilə” başlığı altında bir sıra işlər bu bölmədə yer alır.

Bölmə: 11

İnteraktiv təlim keyfiyyətli təhsilin əsasıdır

Bu bölmə üzrə “Açılan pəncərə” başlığı altında stendlər nümayiş edilir. Burada riyaziyyat, biologiya, tarix, əmək təlimi və coğrafiya fənləri arasındakı əlaqələrdən bəhs olunur. Həmçinin metrik ölçü siste-minə tabe olmayan vahidlər haqqında jurnallar, zərərverici böcəklərin törətdikləri mənfi təsirlərdən bəhs edən bukletlər, stend və kitablar sərgilənir. Bundan əlavə, Maxaon kəpənəyi haqqında nümayiş edilən stenddə ədəbiyyat, riyaziyyat və biologiya fənləri arasındakı əlaqədən bəhs olunur.

Bölmə: 12 - 13

Biologiya - canlı aləm

Sərgidə nümayiş olunan işlər adıçəkilən fənnin tədrisi üzrə canlı guşə, nadir bitkilər, dərs zamanı aparılan ən yaxşı təcrübələrdən ibarət səsli slaydlar vasitəsilə fraqmentlərdir. Bu bölməyə cəlb olunan şagirdlər qan analizləri götürür, təzyiq ölçürlər. İnformasiya - kommunikasiya texnologiyalarından isti-fadə edərək innovativ tədris sxemi, öyrənməyi öyrətmək layihəsi, ölkəmizdə yetişən dərman bitkilə-rindən nümunələr, yerli heyvan cinslərinin çoxaldılması, qoruqlar, biologiya fənninin digər fənlərlə əlaqəsini öyrənən materiallar da bu bölmədə nümayiş edilir.

Bölmə: 14

Coğrafiya - ətraf mühit və biz

Bölmə üzrə sərgilənən işlər əsasən hidrosferin qorunması, içməli suyun təmizlənməsi, torpaq sürüşmsi və onun qarşısının alınması yolları ilə əlaqədar kompüter layihələri, “İpək yolu”na həsr olunan refe-ratlar, stendlərdir. Bundan başqa, Azərbaycanın milli yeraltı sərvətləri - mineral suları, faydalı qazıntıları, o cümlədən Gədəbəy qızıl mədəni ilə əlaqədar nəfis tərtibatlı stendlər, referatlar da baxış - sərginin bu bölməsində nümayiş edilir.

Bölmə: 15

Aerokosmik fəza uşaqların gözü ilə

Sərginin bu bölməsində şagirdlər tərəfindən teleskopla yerdə müşahidə olunan obyektlərdən ibarət stendlər, bukletlər və elmi - tədqiqat işləri, piramida üzrə ən nadir çiçəklər layihəsi, tort üzərində kos-mos, torpaq və bitki örtüyünün müşahidəsi kimi layihələr sərgilənir. Qeyd edək ki, bu layihələr pro-yektor vasitəsilə nümayiş edilir.

Bölmə: 16

Fizika müasir məktəbdə

Bu bölmə üzrə həm təcrübələr, həm də stendlər sərgilənir. Nümayiş olunan təcrübələrdə əsasən mexaniki rəqslər və dalğalar, atmosfer təzyiqi, təzyiqin təsiri, bitkilərdə boyun böyüməsinin müşahidəsi, stendlərdə isə açıq dərslər, müasir fizika dərsinin sxemi, XXI əsrin müəllimi necə olmalıdır, fizika fənni üzrə innovasiya prosesi modeli, müəllim və şagird yaradıcılığı öz əksini tapır. Bununla yanaşı, fizikanın tədrisi ilə bağlı roliklər, buklet və kitabçalar da nümayiş olunur.

Bölmə: 17

Kimya möcüzələr yaradır

Qara barıtın, oksigenin alınması, vulkanın yaranması səbəbləri isə “Kimya möcüzələr yaradır” bölməsində təqdim olunur. Həmçinin mövzu üzrə müəllimlərin elmi -tədqiqat işləri, IX sinif şagirdinin oksi-genin alınması istiqamətində kompüter layihəsi, proqram müəllifi olan müəllimlərin tədris vəsaitləri, təcrübə və düsturlar, kimya üzrə yeniliklər, bu yeniliklərdən bəhs edən məqalələr də bölmədə nümayiş edilir.

Bölmə: 18

Riyaziyyat elmin açarıdır

Riyazi mövzuda müxtəlif materiallar, şagird və müəllimlər tərəfindən hazırlanan referatlar, şagirdlərin yeni kompüter layihələri, stendlər, riyazi formullar əsasında yaranan həndəsi fiqurlar, şəkillər və şa-girdlərin işlədikləri rəsmlər bu bölmədə təqdim olunur.

Bölmə: 19

İnformatika - müasir dünyaya açılan pəncərə

Adıçəkilən bölmə üzrə “Uşaq ili” çərçivəsində slaydlar, kompüter layihələri, müxtəlif plakatlar, informatika fənninə aid zəngin materiallar sərgilənir.

Bölmə: 20 - 21

Məktəb və iqtisadi biliklər

Bu bölmədə nümayiş etdirilən işlər əsasən şagirdlərin hazırladıqları heykəllər, biznesdə qazandıqları uğurlar, biznes-plan, iş prosesində alıcılara təqdim edilən bukletlər, anket sorğular, referatlardan iba-rətdir.

Bölmə: 22

Demokratik cəmiyyət - demokratik məktəb

Sərgidə sözügedən bölmə üzrə Şagird Özünüidarəetmə Orqanının fəaliyyət prosesi, bu orqanın fəaliyyətini əks etdirən rolik və slaydlar, şagirdlərin platformaları təqdim edilir.

Bölmə: 23

Demokratik idarəetmə günün tələbidir

Adıçəkilən bölmədə məktəbin demokratik idarə olunmasında Şagird - Valideyn - Müəllim Özünüida-rə Orqanlarının rolundan bəhs edən materiallar, ikimərhələli tədrisin təşkili üzrə eksperimentlər stend və kompüter vasitəsilə sərgilənir. Bölmədə “Canlı hüquq” layihəsi əsasında stendlər və fotostendlər də yer alıb.

Bölmə: 24

İstedadlar axtarışında

Bölmə üzrə “İstedadlı şagirdlərin potensial imkanlarının üzə çıxarılması və inkişaf etdirilməsinin optimal yolları” məqaləsi ekranda nümayiş etdirilir. Gənc rəssam Cavid Məmmədovun rəsm əsərləri, onun “Şankar” beynəlxalq müsabiqəsində qazandığı bürünc medal, Nəzrin Babazadənin spiroqrofik rəsmləri, o cümlədən TOEFL imtahanından 100 bal toplayan və Kanada universitetində oxumağa vəsiqə qazanan Nəsrəddin Əfəndinin həyat yolunu əks etdirən sujetlər göstərilir. Bundan başqa gənc kimyaçı, riyaziyyatçı və bioloqların yaradıcılıqları təcrübələrlə təqdim edilir.

Bölmə: 25

İnnovativ məktəb

Bu, bir ümumdünya layihəsidir. Sərginin innovativ məktəb bölməsində müxtəlif ölkələrin məktəbləri ilə yaradılan, virtual əlaqələri özündə əks etdirən 9 beynəlxalq layihə haqqında 7 dəqiqəlik videoçarx, həmçinin Azərbaycan və xarici ölkələrin təhsil sahəsindəki təcrübə mübadiləsini özündə əks etdirən referatlar, slaydlar nümayiş olunur.

Bölmə: 26 - 27

ƏSR

YENİ - NƏSİL

TƏHSİL

Sərginin bu bölməsinə uyğun olaraq maketlər, slaydlar, əl işləri, rəsm əsərləri nümayiş olunur. İbtidai sinif bölməsində müəllim interaktiv lövhə ilə elektron dərs keçir. Bundan başqa V sinif şagirdləri ilə 1 şagird - 1 kompüter layihəsi əsasında dərs təqdim olunur, şagirdlərin nailiyyətləri, müəllimlərin layi-hələri, müxtəlif mövzularda olan elektron resurslar ekran vasitəsilə nümayiş edilir.

Bölmə: 28 - 29

Dünya və biz (Elektron bağlantı)

Bu bölmədə beynəlxalq əlaqələri və beynəlxalq əməkdaşlığı özündə əks etdirən layihələr nümayiş edilir. Telekörpü vasitəsilə xaricdəki dostlarla əlaqələr yaradılır. Eyni zamanda 2009-cu ildə həyata keçirilən “DOTKOM” layihəsinin nəticəsi olaraq şagirdlərin jurnalistlik fəaliyyəti nümayiş olunur.

Bölmə: 30 - 31

Azərbaycan tarixi - keçmişimiz, bu günümüz

Bu bölmə üzrə daş dövründən bu günə kimi Azərbaycanın keçdiyi inkişaf yolunu özündə əks etdirən maketlər təqdim edilir, keçmişlə müasir dövrün müqayisəsinin bariz nümunələri göstərilir. “Əsrin müqaviləsi” ilə bağlı stend, o cümlədən Azərbaycanın tarixinə aid eksponantlar nümayiş edilir.

Bölmə: 32

İrs - milli sərvətimiz

“İrs” fənninin təlimi üçün lazım olan və Solmaz Amanova tərəfindən yazılan kitablar, hazırlanan plakatlar, disklər, vəsaitlər, şagirdlərin iş dəftərləri, dərslərin və sinifdənkənar tədbirlərin fotoşəkilləri, şagirdlərin milli ənənələr mövzusunda hazırladıqları əl işləri (taxtadan kəsilmiş fiqurlar, milli geyim-lərdə olan gəlinciklər və s.) sərgilənir. Eyni zamanda elektron şəkildə “İrs” proqramı üzrə dərslər və resurslar da təqdim edilir.

Bölmə - 33

Milli - mənəvi dəyərlərimiz

Azərbaycanın rayonları, görkəmli şəxsiyyətləri, təbiət və məişətini, miniatürləri, şifahi xalq ədəbiyyatını, o cümlədən milli - mənəvi dəyərlərimizi qorumağın vacibliyini özündə əks etdirən slaydlar, referat işləri, stendlər nümayiş olunur.

Bölmə: 34 - 35

Dilimiz, mənəvi dünyamız

Ana dilinə dair ulu öndərimiz Heydər Əliyevin sözlərindən ibarət stendlər, Azərbaycanda istifadə edilən əlifbalara (Orxon-Yenisey, Alban, Ərəb, Latın, Kiril əlifbaları) dair plakatlar bu bölmədə sərgilənən işlər sırasındadır. Heydər Əliyevin ana dili ilə bağlı sərəncam və fərmanları, həmçinin söylədiyi fikirlərin toplusundan ibarət buklet, o cümlədən ana dili haqqında görkəmli şəxsiyyətlərin aforizmlərindən ibarət bukletlər, “Gənc yazarlar” bölməsində məktəblilərin şeir və hekayələrinin toplumu sözü-gedən bölmənin işləridir. Məktəblərdə ədəbi - bədii gecələrdən fraqmentlər, şair və yazıçıların yaradıcılığından bəhs edən çarx, şagirdlər tərəfindən çəkilmiş şairlərin portretləri də bu bölmədə təqdim olunur.

Bölmə: 36 - 37

Dünya ilə danışırıq

Azərbaycan məktəbləri ilə xarici məktəblər arasında mövcud olan əlaqələr, o cümlədən FLEKS proqramına aid stendlər, Azərbaycan məktəblərində xarici dillərin tədrisinə, tədris proqramını əhatə edən mövzulara dair referatlar, əl işləri, didaktik materiallar bu bölmədə nümayiş olunur. Bundan başqa “Mənim birinci addımlarım”, “Bizim tarix”, “Sağlam həyat tərzi” başlıqları altında hazırlanan albomlar, təhsil ocaqlarında ingilis və ərəb dillərinin tədrisinə həsr edilən referatlar, stendlər, əl işləri, ərəb dili müəllimi Nailə Cəlilovanın kitabları təqdim edilir.

Bölmə: 38

Həyati bacarıqlara əsaslanan təhsil (HBƏT)

“HBƏT - fəal təlimə əsaslanır, fəal təlimin prinsipləri, yolları, fəal dərsin quruluşu”, “HBƏT-in fənlə-rarası inteqrasiyası” başlıqları altında HBƏT-in məqsədi və prinsiplərini özündə birləşdirən stendlər, fərdi inkişaf, fərdlərarası inkişaf, sağlamlıq və sosial inkişaf təzahürlərinin məcmusu olan HBƏT fa-kültətiv kursuna aid təhsil naziri Misir Mərdanovun söylədiyi fikirləri təcəssüm etdirən stend, o cüm-lədən Heydər Əliyev Fondunun prezidenti Mehriban Əliyevanın uşaqlara diqqət və qayğısını ifadə edən HBƏT-in dərs nümunəsi bu bölmədə nümayiş edilir. Həmçinin sağlam qida haqqında sərgiyə də baxış keçirilir.

Bölmə: 39

Psixoloji xidmət zamanın tələbidir

Bu bölmədə təhsil müəssisələrindəki psixoloji xidmətin fəaliyyət sxemi, psixoloqun sənədləri, qovluqları, diplomları, KİV - də psixoloji xidmət haqqında yazılan məqalələr, rəngarəng fotoşəkillər, “Gənc müəllim məktəbi”nin fəaliyyəti, psixoloji treninqlər və 6 yaşlı uşaqlarla aparılan işlərin nəticələri təqdim olunur. Sərgi zamanı psixoloji köməyin vacibliyini əks etdirən işlər, o cümlədən İKT vasitəsilə keçirilən müxtəlif psixoloji oyunlar da nümayiş edilir.

Bölmə: 40

İnklüziv təhsil

İnklüziv təhsil barədə məlumat, inklüziv təhsilin keyfiyyətinin kriteriyaları, pilot siniflərdə qiymətləndirmə, məktəb praktikası, rəhbərlər üçün tövsiyələr, müəllim və müəllim köməkçiləri ilə işin təşkili mövzularını əhatə edən stendlər bu bölmədə sərgilənir. İnklüziv təhsilə cəlb olunan uşaqların əl işləri, inklüziv təhsil ilə bağlı roliklər, bukletlər nümayiş edilir. II sinif şagirdi Adil Kərimlinin inklüziv təh-sillə bağlı kompüterdə yaratdığı təqdimat sərgi iştirakçılarına göstərilir. I sinif şagirdi Ayxan Məm-mədov isə adıçəkilən mövzuya dair rəsm çəkir.

Bölmə: 41

Valideyn - Müəllim Assosiasiyası (VMA)

“VMA - nın valideyn - potensial bankı təhsil sistemində islahatları dəstəkləyirik”, “VMA - şagirdlə-rin inkişafına doğru görülən işlər”, “VMA - nın qiyabi məktəbi”, “Valideynlərin sinifdənxaric işlərdə iştirakı” başlıqları altında hazırlanan stendlər, həmçinin 2003 - 2009-cu illər ərzində VMA-nın gördü-yü işləri özündə əks etdirən slaydlar, albomlar, uşaqların əl işləri bu bölmədə nümayiş olunur.

Bölmə: 42

Vətən mənə oğul desə ...

Bu bölmədə “Cəsurlar” və “Şahinlər” hərbi idman oyunlarında iştirak edən qruplar hərbi vətənpərvərlik tərbiyəsi, hərbi biliklərin sirlərinə yiyələnmək, hərbi idman oyunlarına şagirdlərin marağı mövzuları ətrafında çıxışlar edir. Mini futbol, Spartakiada, “Cəsurlar” və “Şahinlər” kimi hərbi idman yarışlarında respublika səviyyəsində qalib gələnlərin diplom və kubokları nümayiş olunur. “Vətən mənə oğul desə...” mövzusu ilə bağlı Məmməd Arazla keçirilən görüşdən fraqmentlər verilir.

Bölmə: 43

Yol hərəkəti təhlükəsizliyini öyrənirik

Bölmədə məktəb, məktəbəqədər və məktəbdənkənar təhsil müəssisələri arasında 1990 - cı ildən bəri həyata keçirilən “Uşaqlar və yol təhlükəsizliyi” adlı layihə sayəsində ölüm hallarının, xəsarət alanların sayının azaldığını əks etdirən interaktiv göstərici diaqramla nümayiş olunur. Mövzu ilə bağlı metodiki təcrübələr, metodiki vəsaitlər - test tapşırıqları, işçi vərəqələri, öyrədici oyunlar, interaktiv çalışmalar, “Yol hərəkəti təhlükəsizliyini öyrənirik” mövzusu ilə bağlı keçirilən beynəlxalq yarışlarda qalib gələn şagirdlərin diplom və medalları nümayiş edilir.

Bölmə: 44

İdmançılarımız dünya arenasında

Bakı şəhər idman məktəblərinin dünya arenasında qələbə qazanan yetirmələrinin diplom, sertifikat, kubok və medalları, “Müasir gənclik və idman” başlığı ilə hazırlanan plakat bu bölmədə nümayiş olunur. Məktəbdənkənar təhsil müəssisələrinin dərnək üzvlərinin bədii, texniki, təsviri və tətbiqi sənət üzrə yaradıcılıq işləri də bu bölmədə sərgilənir.

Bakı təhsil.- 2010.- 19 may.- S. 4-5.