UĞURLAR QAZANDIQ

Nəticələr sevindirici olsa da son deyil

Əsası ümummilli liderimiz Heydər Əliyev tərəfindən qoyulan təhsil islahatının həyata keçməsi, daha da inkişaf edərək dünya təhsil sisteminə inteqrasiya olunma tempi göz qabağındadır. “... Biz maddi kapitalı insan kapitalına çevirməliyik” - deyən Azərbaycan Respublikasının Prezidenti cənab İlham Əliyevin təhsilə xüsusi önəm verməsi, onun maddi - texniki bazasının daha da yaxşılaşdırılması sahə-sində həyata keçirdiyi tədbirlər, təhsil sisteminin inkişafına yönələn 16 Dövlət Proqramı bunun üçün ciddi zəmin yaradıb.

Uzun müddət çoxpilləli idarəetmə strukturuna malik olan Bakı təhsilinin inkişafı üçün vacib islahatla-rın keçirilməsini dövr, zaman diqtə edirdi. Məhz real tələbatı həyata keçirməyi, təhsilin, milli - mənəvi dəyərlərin inkişafını prioritet sahə elan edən dövlət, onun rəhbəri cənab Prezident İlham Əliyevin sərəncamı ilə 2006-cı il mart ayının 31-də Bakı şəhərindəki Rayon Təhsil Şöbələri ləğv edildi. Bakı şəhərində təhsilin idarə olunması bir strukturda - Bakı Şəhəri üzrə Təhsil İdarəsində birləşdirildi. Təx-minən dörd il keçdikdən sonra cəmiyyət də, təhsil işçiləri də bu addımın nə qədər düzgün, nə qədər əhəmiyyətli olduğunu qəbul etdilər. Çünki bu müddətdə idarəetmənin vahid mərkəzdən koordinasiya edilməsi, vahid təhsil siyasətinin həyata keçirilməsi öz müsbət təsirini göstərdi.

İstər hökumət təşkilatlarının, istərsə də ictimai təşkilatların bizə dəstəyi, təhsilə qayğısı qarşıya çıxan problemlərin aradan qaldırılmasında mühüm rol oynayır. Bu mənada Heydər Əliyev Fondunun, onun prezidenti, millət vəkili Mehriban xanım Əliyevanın təhsilimizə, Azərbaycan elminə, gənc nəslin inkişafına yönəlmiş qayğısı və dəstəyi biz təhsil işçiləri üçün mühüm əhəmiyyət kəsb edir.

Təhsil sisteminin inkişafı üçün başlıca şərt olan təhsil mühitinin yaradılması sahəsində həyata keçirilən tədbirlər öz bəhrəsini verməyə başlayıb. Qazanılan uğurlar, sevindirici nəticələr onu deməyə əsas verir ki, Bakı şəhərində təhsil mühiti inkişaf edir, dünya təhsil sisteminə inteqrasiya prosesi sürətlənir. Bu proseslərin nəticəsi olan nailiyyətlərin qısa xülasəsinə diqqət yetirək:

Məktəbəqədər təhsil sisteminin inkişafına yönələn dövlət siyasətinin tərkib hissəsi kimi Bakı şəhərində 14 yeni məktəbəqədər təhsil müəssisəsi istifadəyə verildi. 2009 - cu ildə 19 məktəbəqədər müəssi-sədə əsaslı təmir işləri aparıldı, müəssisələrin maddi - texniki bazası tam yeniləşdirildi. Ötən il Bakı Şəhəri üzrə Təhsil İdarəsinin müvafiq tədbirlər planına əsasən 14 müəssisədə cari təmir işləri görülüb, istilik sistemləri, dam örtükləri, hasar, təmirə böyük ehtiyacı olan müəssisələrin mətbəxləri, sanitar qovşaqları təmir edilib.

Son illər 25 yeni məktəb binasının istifadəyə verilməsi, 161 məktəb üçün əlavə korpus binasının tikilməsi, 129 məktəbin əsaslı təmir edilməsi, 350 məktəbin istilik sisteminin bərpası, 180 məktəbin mü-asir avadanlıqlarla təchiz edilməsi təhsil mühitinin yaxşılaşdırılması istiqamətində ən mühüm addımlardan hesab edilməlidir.

“Azərbaycan Republikasının Təhsil haqqında Qanunu”na müvafiq olaraq 5 yaşlı uşaqların məktəbə-qədər təhsilə cəlb olunmasının zəruriliyi nəzərə alınaraq bu sahədə də müəyyən addımlar atılıb. Belə ki, 2006 - 2007-ci tədris ilində 4380, 2007 - 2008 - ci tədris ilində 4480, 2008 - 2009 - cu tədris ilin-də 5600, 2009 - 2010 - cu tədris ilində isə 6700 uşaq təlim - tərbiyə prosesinə cəlb olunub. İnkişaf di-namikasının göstəricilərinə əsaslanıb demək olar ki, məktəbəhazırlıq qruplarının şəbəkəsi genişlənib. Hazırda Bakı şəhəri üzrə məktəbəqədər müəssisələrdə 335 məktəbəhazırlıq qrupu fəaliyyət göstərir. Həmçinin cari tədris ilində 7682 nəfər məktəbyaşlı uşaq I sinfə yola salınıb.

Bu dövrdə “Məktəblərin informasiya-kommunikasiya texnologiyaları ilə təminatına dair Dövlət Proqramı”nın icrası da uğurla başa çatıb. Bakı şəhərinin ümumtəhsil məktəblərində dövlət xətti ilə 8342 ədəd, digər qurumların xətti ilə 1208 ədəd, cəmi 9550 ədəd kompüter verilmişdir. 23 saylı məktəbdə uğurla sınaqdan çıxan “Elektron məktəb” layihəsində indi 20 və 220 nömrəli məktəb - liseylər, 7, 8, 60, 134, 160, 245 saylı məktəblər iştirak edir.

İKT-nin təhsil sisteminə tətbiqi sahəsində elektron dərsliklər layihəsi də uğurlu olub. İndi bizim mək-təblərdə Azərbaycan tarixi, kimya, biologiya və fizika dərsləri elektron dərslikər əsasında tədris olu-nur.

Təhsil dinamik inkişaf edən sosial hadisədir. Bunu TQDK-nın statistik hesabatları bir daha təsdiq edir. Belə ki, son 7 ildə respublikanın ali məktəblərinə qəbul olunan tələbələrin orta balı 150 - 200 bal artıb. Bu, ilk növbədə təhsilin keyfiyyətinin artım səviyyəsinin göstəricisidir.

2009 - 2010 - cu dərs ili üçün ali məktəblərə tələbə qəbulunda hər il olduğu kimi Bakı məktəbləri məzunlarının xüsusi çəkisi artıb, nəticədə builki məzunlarımızın 42.17 faizi tələbə adını qazanıb. Nə-zərinizə çatdırmaq istəyirəm ki, bu rəqəm keçən il 39.50-yə bərabər olub. Bakı Şəhəri üzrə Təhsil İda-rəsi yarandığı 2006-cı ildən 2009-cu ilə qədər bu parametr üzrə artım təqribən 8 faizdir. Sevindirici haldır ki, son 3 ildə respublika üzrə ən yüksək göstəricilər də Bakı şəhərinə məxsusdur. Bakı şəhəri məzunlarının orta balı da respublika üzrə orta göstəricidən 30 bal yuxarıdır. Tələbə adına 2006-cı il-də 8335 məzun layiq görülmüşdürsə, 2009-cu ildə bu rəqəm 9068 nəfər olub.

Testlə qəbul imtahanları tarixində ilk dəfə 4 şagirdimiz maksimum 700 bal toplayaraq ən yüksək nəticə qazanıb.

Orta balı 250-dən yuxarı olan məktəblərin sayı son iki ildə 72-dən 160-a, orta balı 300-dən yuxarı olan məktəblərin sayı isə 17-dən 49-a yüksəlib.

Bakı şəhəri məzunlarının orta bal göstəriciləri də xeyli yaxşılaşıb. Bu rəqəm 2006-cı ildə 232.537, 2009-cu ildə isə 241,043 olub.

Bu illər ərzində fənn olimpiadaları yüksək səviyyədə keçirilir. Bunu olimpiadanın respublika turunda şagirdlərimizin göstərdiyi yüksək nəticələr sübut edir. Belə ki, 2006-cı ildə qalib şagirdlərimizin sayı 48, 2007-ci ildə 69 nəfər olduğu halda, 2008-ci ildə bu rəqəm 92-yə, 2009-cu ildə 105-ə, 2010-cu il-də isə 106-ya çatıb. Belə müsbət dinamika aparılan məqsədyönlü və ardıcıl işin nəticəsidir.

Cənab Prezidentimiz İlham Əliyevin Sərəncamı ilə Bakı şəhərinin 24 məktəbi “Ən yaxşı ümumtəhsil məktəbi”, 41 nəfər müəllim isə “Ən yaxşı müəllim” adına layiq görülmüşlər. 2008-ci ildə isə bu rəqəmlər müvafiq olaraq 42 və 14 olub.

Son illər məktəblilərin vətənpərvərlik ruhunda tərbiyə edilməsinin nümunəsi olaraq ümummilli liderimiz Heydər Əliyevin anadan olmasının ildönümlərinə həsr olunub, “Biz Heydər Əliyev irsini öyrənirik” (2008-ci il) “Azərbaycan - dünyam mənim” (2009-cu il), “Heydər Əliyev zəkasının işığında” (2010-cu il), adlı müsabiqələr" keçirilib. Ümummilli liderin siyasi fəaliyyətinə hərtərəfli nəzər salan müsabiqə iştirakçıları bu böyük tarixi şəxsiyyətin milli tərbiyə sisteminə verdiyi töhfələri tədqiq edərək vətənə, xalqa məhəbbət və sədaqət ruhlu yaradıcılıq nümunələri ilə çıxış ediblər.

Bu illər ərzində hərbi vətənpərvərlik tərbiyəsi sahəsində məktəblərimizin fəaliyyəti də qənaətbəxş səviyyəsi ilə fərqlənib. “Şahin” və “Cəsurlar” hərbi-idman-turizm oyunlarının məktəb, rayon və şəhər mərhələsində yüksək nəticələr göstərən gənclərimizin hər il Respublika turunda I yeri tutması təqdirəlayiqdir.

Təhsil sistemində özünəməxsus yeri olan məktəbdənkənar təhsil müəssisələrinin tərbiyə prosesində mühüm rolunu nəzərə alan Təhsil İdarəsi bu sahənin inkişafına diqqət yetirir. Azərbaycan Respubli-kasının Prezidenti cənab İlham Əliyevin “Azərbaycanda şahmatın inkişaf etdirilməsi haqqında”, “Azərbaycan Respublikasında 2005-2015-ci illərdə futbolun inkişafına dair Dövlət proqramı” sərən-camlarının yerinə yetirilməsi sahəsində də xeyli iş görülüb müəyyən uğurlar qazanılıb. Təhsil Nazirli-yinin keçirdiyi “İlin ən yaxşı Şahmat Məktəbi” müsabiqəsində 1 №-li İxtisaslaşdırılmış Olimpiya Ey-tiyatları Şahmat - Dama İdman Məktəbi I, “İlin ən yaxşı məşqçisi” nominasiyasında 13 №-li İxtisa-laşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rəşad Həsənov I, “İlin ən yaxşı idmançısı” nominasiyasında 1 №-li İOEŞDİM-in gənc şahmatçıları Günay Məmmədza-də I, Nərmin Kazımova isə II yerə layiq görülüblər.

Əvvəlki illərlə müqayisədə 2009-cu ildə idman məktəblərində yüksək dərəcəli idmançıların hazırlan-ması səviyyəsi də artıb. Belə ki, 7 nəfər idman ustası, 113 nəfər idman ustalığına namizəd hazırlanıb. 252 idmançıya I, 2627 idmançıya isə II və III idman dərəcələri verilib.

Təhsilin bütün sahələri üzrə qazanılan nailiyyətlər sevindirici olsa da son deyil. İlk növbədə təhsilin inkişafı üçün əlimizdən gələni etməyi bir vəzifə kimi qarşıya qoymuşuq. Bu vəzifəni yerinə yetirmək üçün bütün imkanları və qüvvələri səfərbər etməli, gənc nəslin təlim-tərbiyəsi sahəsində daha yaxşı nəticələr qazanmalıyıq.

“Təhsil əsri” elan edilən XXI əsrdə Bakının təhsil işçiləri tarixi ənənəni davam etdirəcək, keyfiyyətli təhsil sahəsində daha böyük uğurlara imza atacaqlar!

Nailə Rzaquliyeva

Bakı təhsili.- 2010.- 19 may.- S. 2.