Ölkəni
bürümüş antikorrupsiya hərəkatının xalq
üçün mümkün nəticələri müzakirəyə
çıxdı
İctimaiyyətin
özünün də hərəkatda fəal iştiraka cəlb
edilməsi barədə maraqlı ideya gündəmə gəlib
Ölkədə korrupsiya və
rüşvətxorluğa, məmur
özbaşınalığına qarşı geniş bir
mübarizənin başlaması aydın müşahidə
olunmaqdadır. Məsələ cəmiyyətin də
xüsusi diqqət mərkəzindədir. Xatırladaq ki,
bütün bunlar Prezident Administrasiyasının rəhbəri
Ramiz Mehdiyevin sədrliyilə yanvarın 27-də korrupsiyaya
qarşı mübarizə üzrə Dövlət Komissiyasının
iclasından sonra baş verir. Məhz həmin iclasdan sonra bir
sıra dövlət qurumları konkret addımlar atmağa
başlayıb.
Əmək və əhalinin sosial
müdafiəsi naziri Füzuli Ələkbərov bildirib ki, təqribən
200 vətəndaş rüşvətlə
qarşılaşması iddiası ilə nazirliyə
müraciət edib: "Bu məsələyə fövqəladə
hal kimi baxılacaq. Çox ciddi araşdırılaraq qərar
qəbul olunacaq". Tabeliyində olan qurumlarda rüşvət
və süründürməçiliklə bağlı
faktların olması, o cümlədən baş porokuror Zakir
Qaralov, səhiyyə naziri Oqtay Şirəliyev və digər
nazirlik və komitə rəhbərlərinin də dilindən
etiraf olunub.
Qeyd edək ki, korrupsiya
faktlarını aradan qaldırmaq üçün ciddi tədbirlərin
həyat keçirilməsi qərara alınıb. İlk
"təmizləmə" işini Dövlət Əmlak
Komitəsi görüb. Burada 15 nəfər işdən
uzaqlaşdırılıb, 40 nəfər barəsində isə
müxtəlif tənbeh tədbirləri görülüb. Ekologiya
və Təbii Sərvətlər Nazirliyi 136, Ədliyyə
Nazirliyi, Əmək və Əhalinin Sosial Müdafiəsi
Nazirliyi 2, Baş Prokurorluq isə 5 əməkdaşını
vəzifəsindən azad edib. Bunun ardınca Azərbaycanda səhiyyə
müəssisələrinin 21 rəhbər işçisi vəzifədən
çıxarılıb. Səhiyyə Nazirliyinin rəsmi
saytında yer alan məlumata görə, işçilər
nazirlikdə yanvarın 31-də keçirilmiş geniş
kollegiya iclasının nəticəsi olaraq işdən azad
edilib. Xəstəxana, doğum evi, gigiyena və epidemiologiya mərkəzlərinin
21 nəfər rəhbər və struktur bölmə rəhbərləri
əhaliyə göstərilən tibbi yardımın təşkilində
yol verilən ciddi nöqsanlara görə işdən
çıxarılıb.
Bütün bunlar korrupsiyaya
qarşı ciddi mübarizəyə start verildiyini aydın
göstərir. Ekspertlər hesab edir ki, korrupsiyanın aradan
qaldırılmasında vətəndaşlar özləri də
maraqlı olmalıdır. Rüşvətə qarşı
mübarizə ictimailəşməlidir. Hesab edilir ki,
yaranmış indiki vəziyyətdən ictimaiyyət
çox yaxşı istifadə edə bilər, yəni onlar
öz hüquqlarını qorumaq istiqamətində
addımlar atmalıdır. Vətəndaş korrupsiya ilə
üzləşərkən ayrı-ayrı dövlət
qurumlarına, qaynar xətlər, kütləvi informasiya vasitələrinə
məlumat verməlidir. Beləliklə, korrupsiya ictimailəşməlidir,
yəni vətəndaşlar buna biganə qalmamalıdır.
Hələlik isə rəsmi səviyyədə
korrupsiyaya qarşı başlanan mübarizə davam etməkdədir.
İndii sual doğuran məqam isə bu islahatların istehlak,
eləcə də bazarın digər seqmentlərinə təsirlərinin
nədən ibarət olacağıdır.
Onu da qeyd edək ki, son bir ildə
ölkədə inflyasiyanın tempi artmağa başlayıb.
Bu ilin yanvar ayında istehlak mallarının qiymətləri və
xidmət tarifləri 2010-cu ilin dekabr ayı ilə müqayisədə
0,8 faiz bahalaşıb. Dövlət Statistika Komitəsinin
açıqlamasına əsasən, ay ərzində ərzaq
məhsullarının qiymətləri 1,5 faiz qalxıb. Bu
arada nəzərə alsaq ki, dünya bazarında taxıl, ət,
süd, yağ və digər ərzaq məhsullarının
qiyməti bahalaşıb və təkcə şəkərin
qiyməti son 30 ildə rekord həddə çatıb, o zaman
düşünmək olar ki, antikorrupsiya tədbirləri
gücləndirilməzsə, Azərbaycanda istehlak qiymətləri
daha yüksək ola bilər.
İqtisadçı ekspert
Vüqar Bayramov bildirir ki, korrupsiyaya qarşı mübarizənin
aparılması Azərbaycanın prioritet məsələlərindən
hesab edilir. O qeyd edir ki, antikorrupsiya tədbirləri, eləcə
də bu sahədə atılan addımlar iqtisadiyyatın
sağlamlaşdırılmasına xidmət edə bilər. O
ki qaldı korrupsiyaya qarşı mübarizənin
istehlakçıların sosial rifahına təsirlərinə,
iqtisadçı deyir ki, korrupsiya, rüşvətxorluq birmənalı
şəkildə vətəndaşların sosial vəziyyətinə
təsir göstərir: "Bu yalnız onunla bağlı
deyil ki, vətəndaşlardan bir sıra hallarda ödənişlər
tələb edilir və ya korrupsiya əlavə xərclər
yaradır. Korrupsiya iqtisadiyyatın, xüsusilə kiçik
biznesin inkişafını tormozlayır. Eyni zamanda, korrupsiya
real sektorda istehsal edilən məhsulların maya dəyərinin
süni şəkildə yüksəlməsinə gətirib
çıxarır. Azərbaycanda korrupsiyanın və ya
qeyri-rəsmi ödənişlərin, eləcə də
inhisar səviyyəsinin çox olmas nəticəsində
istehlak bazarında qiymətlər nəinki qonşu ölkələr,
hətta Mərkəzi və Şərqi Avropa ölkələrilə
müqayisədə yüksəkdir".
Mütəxəssisin fikrincə,
korrupsiyaya qarşı mübarizənin aparılması təkcə
iqtisadiyyatın sağlamlaşdırılması deyil, istehlak
bazarında qiymətlərin aşağı salınması
baxımından da əhəmiyyətlidir: "Antikorrupsiya tədbirləri
davam edərsə və bu proses sistemli şəkildə
aparılarsa, o zaman istehlak bazarında qiymətlər kəskin
azalacaq. Tədqiqatlar göstərir ki, korrupsiya, qeyri-rəsmi
ödənişlər istehsal edilən ərzaq və qeyri ərzaq
məhsullarının dəyərinin süni şəkildə
kəskin yüksəlməsinə gətirib
çıxarır. Konkret olaraq, pomidor istehsal edən rayonlarda
apardığımız tədqiqat bu məhsulun maya dəyərinin
təxminən 30 faizini, yəni 3/1-ni qeyri-rəsmi ödənişlərin
təşkil etdiyini deməyə əsas verir".
Ekspertin sözlərinə görə,
bir sıra məhsulların istehsalında korrupsiya və
rüşvətin payı 50 faizə yaxındır:
"Korrupsiyaya qarşı mübarizənin gücləndirilməsi,
qeyri-rəsmi ödənişlərin aradan
qaldırılması istehsal edilən məhsulların maya dəyərinin
azalmasına, süni şəkildə yaranan xərclərin
aradan qalxmasına gətirib çıxarar. Nəticədə
ölkə daxilində qiymətlər azalar. Eyni problem idxal
edilən məhsullarla da bağlıdır.
İdxal edilən məhsullarda
qeyri-rəsmi ödənişlərin payı kifayət qədər
yüksəkdir. Bu da istehlak bazarında xaricdən gətirilən
məhsulların qiymətinin baha olmasını əsaslandırır".
V.Bayramov bildirir ki, korrupsiyaya qarşı mübarizə həm
idxal, həm də yerli istehsal məhsullarının qiymətinin
30 faiz azalmasına səbəb olacaq.
Tahir
TAĞIYEV
Bakı
xəbər.- 2011.- 9 fevral.- S. 7.