Daşnak hay
silahlılarının etnik azlıqlara qarşı qanlı qətliamları
- soyqırım qırğınları...
Oğuz türkləri ilə
bütöv Vətən hüdudlarını bölüşən
bir sıra milli-etnik icmaların yaşam tərzini və
münasibətini minilliklər boyu tənzimləyən Azərbaycan
dövlətinə və Azərbaycan dilinə qarşı
uzanan hay kilsəsinin və daşnak xislətinin qanlı izləri keçən əsrin ilk onilliklərində daha
geniş miqyasda yayılaraq soyqırım faciəsinə
çatmışdı.Çoxəsrlik hay kilsə siyasətinin
və beynəlxalq quldur daşnak şəbəkəsinin hədəfində
olan müsəlman-türk əhalisinin qətliamları ölkəmizin
ayrı-ayrı bölgələrində yaşayan bir sıra
etnik azlıqların həyatından da yan keçməyib.
Onlar bu faciələri həyatları bahasına -
bütöv Azərbaycan naminə yaşayıb, eləcə
də birləşmiş düşmən qüvvələrinə
qarşı yerli özünümüdafiə dəstələrinin,
Azərbaycan Milli Ordusu və Osmanlı Türkiyəsinin 5-ci
Qafqaz İslam Ordusunun tərkibində qəhrəmanlıqla döyüşüb,
doğma vətən bildikləri yurdu canları bahasına
qoruyublar. Hay kilsə siyasətinin
icraçıları kimi mənfur daşnak silahlıları
həmin etnik-milli icma üzvlərinə qarşı da eyni amansızlığı törədib,
digər müsəlman-türk ailələrinə yönəlik
vəhşilklərini onlara da yaşadıblar.Bakı
quberniyası ərazisində yəhudilərə, tatlara,
talışlara, avarlara, ləzgilərə
qarşı, Lənkəran qəzasında talışlara və
həmşəhərlilərə yönəlik, Zəngəzur
qəzasında kürdlərə,
Şamaxı-Göyçay-Nuxa qəzalarında yəhudilərə,
tatlara, ləzgilərə, udinlərə, avarlara, laklara
qarşı hay və rus-bolşevik nizami ordu dəstələrinin
həyata keçirdikləri kütləvi
qırğınlar ilk növbədə onların etnik, dini və milli mənsubiyyətlərinə
və Azərbaycan vətəndaşı olmaları ilə
bağlı olub.Bu barədə
Azərbaycan xalqına qarşı bu düşmənlər tərəfindən
Bakı, Şamaxı, Göyçay, Nuxa, Cavad, Quba, Lənkəran, Naxçıvan, Zəngəzur, Şuşa,
Cavanşir, Cəbrayıl qəzalarında törədilmiş
soyqırım faciələrinin araşdırılması və
bu qətliamlara inzibati-hüquqi qiymət verilməsi məqsədilə
1918-ci ilin iyul ayından 1920-ci ilin aprel ayınadək fəaliyyət
göstərmiş Fövqəladə Təhqiqat Komissiyasının üzvlərindən
A.F.Novatskinin, N.M.Mixaylovun, A.A.Litovskinin, Ç.B.Klossovskinin və
başqalarının araşdırma-təhqiqat məruzələrində
təkzibedilməz şahid faktlarına əsaslanan cinayət
halları göstərilir.1918-1919-cu illər ərzində bu
soyqırım faciələrinin təhqiqatlarını ümumən yekunlaşdıran Komissiyanın
sədri Ə.H.Xacməmmədovun (1870-1925) Azərbaycan Xalq
Cumhuriyyətnin xarici işlər naziri M.C.Hacınskiyə
(1875-1931) yazdığı rəsmi məktubda bildirilir ki,
araşdırmaları (şahid ifadələrinin
toplanması, təhlili və yelunlaşdırılması) yalnız ermənilər yaşayan
Lənkəran və Cavad qəzalarında aparmaq
mümkün olmayıb, çünki ermənilər buna imkan
vermir. Lakin Lənkəran qəzasında yerli
etnik əhaliyə (talışlara, tatlara, yəhudilərə) qarşı hay-daşnak və
rus-bolşevik silahlılarının (polkovnik Avetisov və
İllarionoviç başda olmaqla) yaşatdığı
qırğın faciələri barədə “Azərbaycan” qəzetinin 18 may 1919-cu il tarixli 103-cü
sayında “Lənkəranlıların fəryadı”
adlı məqalədə yazılmışdı: “Artıq
bir ildən çoxdur ki, Lənkəranın əsasən
müsəlmanlardan ibarət olan əhalisi hakimiyyət
uğrunda mübarizə aparanların əlində yanır.
Son günlərdə hakimiyyət bolşeviklərin əlinə
keçmişdir. Ərazidə həbslər və Denikinin
havadarlarına qarşı təqiblər
başlanmışdır. Lənkəranda bolşeviklər
partiyası ilə denikinçilər arasında böyük
toqquşmalar baş verdiyindən bazarda alış-veriş
dayandırılmış, yerli tacirlərin – müsəlmanların
malları yandırılmışdır”. Beləliklə,
iki ilə yaxın bir müddət ərzində Lənkəran
qəzasında ermənilərin törətdiyi
qırğınlara 1919-cu ilin yayında Camal Paşanın
komandanlığı ilə Osmanlı Türk və
Azərbaycan Milli Ordusunun Lənkəran
qəzasına daxil olduğu vaxtdan son qoyuldu. Nəticədə,
qəzanın milli qüvvələrin əlinə keçməsi
ilə yerli əhali qırğından, talanlardan xilas olub və
Azərbaycanın ərazi bütövlüyü bərpa
edilib. Lənkəran qəzasında soyqırıma məruz
qalan əhalinin sayı ilə bağlı dəqiq rəqəm
olmasa da, müqayisə aparmaq üçün Lənkəran
şəhərində müxtəlif illərə görə
əhali sayına nəzər salmaq olar.
Belə ki, “Qafqaz təqvimi”nin
1916-cı il 1 yanvar tarixinə olan məlumatına görə,
Lənkəran şəhərinin 17.801 nəfər əhalisi
vardı. Şəhər əhalisinin əksəriyyətini də
müsəlmanlar təşkil edirdi. 8700 nəfəri kişi,
6529 nəfəri qadın olmaqla şəhərdə 15.229 nəfər
müsəlman əhali yaşayırdı.
Şəhərdə qeyri-müsəlmanlardan başqa 1874 nəfər
rus, 550 nəfər erməni, 99 nəfər yəhudi, 49 nəfər
digər avropalı xalqlardan olan əhali vardı. 1926-cı il
ümumittifaq
siyahıyaalınmasıa görə, Lənkəran qəzasının
şəhər əhalisinin sayının
azaldığı qeydə alınıb (şəhər əhalisinin
sayında ötən 9 il ərzində 4966 nəfər). Halbuki,
1908-ci ildə şəhər əhalisinin sayı 10.463
nəfərdən 1917-ci ildə 17.801 nəfərə çatıb. Hətta
birinci dünya müharibəsi illərində əhali
sayı 7338 nəfərə qədər artıb.Əsasən
talışlar və tatlar yaşayan Gərmətük və
Sütəmurdov kəndlərində 1918-ci ilin 26 aprelində
yerli qaçaqlar tərəfindən
öldürülmüş 2 quldur əsgərin əvəzinə
hay-daşnak və denikinçi silahlı dəstələr
140 nəfər dinc sakini ağır işkəncələrlə
qətlə yetiriblər. Belə ki, Yusif Fərzulla
oğlu, Abuzər Ağababa oğlu (onun meyitinin üstünə
sərilən həyat yoldaşını də güllələyiblər),
Kərbəlayi Səfərəli Cabbar oğlu, Mirəbdülvahab
Mirtağı oğlu (atası oğlunu qucaqlayarkən o da
öldürülüb), Mirmusa Mirmustafa oğlu, Sadıq
Nəzərəli oğlu... amansızlığın
qurbanı olublar. Kənd sakini Balasən Lələyevin
evində gizlənən və Lənkəran şəhərində
təhsil alan 4 cavanı evin qabağına düzüb
güllələyiblər. Ümumilikdə, Lənkəran qəzasının
40 kəndi və 6 minə qədər dinc sakini milli-etnik mənsubiyyətinə
görə quldur hay-daşnakların və denikinçilərin
soyqırım əməllərinin qurbanına çevrilib. Bu barədə Hacı Mirhaşım
Talışlının və Hacı Etibar Əhədovun “Lənkəran
faciəsi və ya azərbaycanlıların
soyqırımı” məqaləsində (“Aşkarlıq” qəzeti,
11-14 saylı, 2006-cı ıl tarixli) məlumat verilir.Lənkəran
qəzasında yerli müsəlman-türk və talış,
tat, yəhudi və digər etnik ailələrinə qanlı divan
tutan hay quldurları denikinçilərlə birləşərək
Lənkəran şəhərində, Gərmətük,
Mamusta, Sütəmurdov, Aşağı Nüvədi, Girdəni,
Veravul, Vilvan, Cil kəndlərini,
Astara nahiyəsinin Pensər obasını (ümumilikdə 40
yaşayış məntəqəsində) top atəşinə
tutaraq qırğınlarını davam etdiriblər. Bu barədə
Ə.Nurullayevin “Gərmətük” əsərində (2007) məlumat
verilir. Həmin kitabda o da bildirilir ki, Lənkəran
qəzasının igid oğullarından Abbasqulu Aslanov (iki dəfə
Sovet İttifaqı Qəhrəmanı Həzi Aslanovun
böyük qardaşı), Murad Rzayev, Sərdar Məmmədov,
Abutalıb Cavadov, Nəhmət Abbasov, Rəhim Cəfərov
1919-1920-ci illərdə Zəngəzur qəzası
hüdudlarında A.Ozanyanın və Q.Nijdenin quldur dəstələrinə
qarşı yerli özünümüdafiə dəstələrinin,
Azərbaycan Milli və Osmanlı
Türkiyəsi Ordusunun tərkibində düşmənə
qarşı vuruşub.Xalqımıza qarşı qanlı
tarixi hadisələrin ardıcıllığı və
amansız qətliamların üsulları çox
hallarda eyni olduğundan, bu soyqırım faciələrinin hay
kilsəsi və daşnak quldurlarının xislətindən
yarandığı şübhə doğurmur. Eləcə də
bunun əsrlər boyu davam etməsi də fikrimizin
doğruluğuna sübut ola bilər. Azğın hay
quldurlarının qəzalarda eyni cəza üsulu ilə ilə
törətdiyi qətliamlar-qırğınlar barədə,
tarixi sənədlərlə yanaşı, həmin faciələrin
şahidlərinin də söhbətləri unudulmayıb.
Bütün bölgələrimizdə bu hadisələr barədə
kifayət qədər tarixi faktlar var. Bu
baxımdan Zəngəzur qəzası istisnalıq təşkil
etmir.Qəzanın Zilanlı kəndinin (indiki Qubadlı
rayonunun) kürd mənşəli sakinlərinin ulu babaları
XVII-XVIII əsrlərdə Türkiyənin Van bölgəsindən
köçüb gələn
6-7 ailə olub, bu kənddə 30-40 evdən ibarət Seləli
məhəlləsi yaradıblar. Sonrakı
dövrlərdə köç edənlərin hesabına
Ağdam nahiyəsinin Şotlanlı kəndinin əsasını
da bu ailələr qoyub. 1918-1919-cu illərdə A.Ozanyanın,
Q.Nijdenin və D.Kananyanın quldur dəstələri tərəfindən
Zilanlı və qonşu Sümbəli, Xocahan kəndlərinin
kürd mənşəli ailələrinə
qarşı “Yazı düzü”ndə, “Əyri dərə”də
törədilən qətliamlardan
həmin hadisələrin şahidləri Cahan
Tağı qızı
(1886-1986), Əbdülhüseyn Cabbar oğlu (1886-1961), Səkinə
Məmməd qızı Cabbarova (1885-1985) ürək ağrısı ilə danışıb.Laçın
nahiyəsinin Həkəri çayı
sahillərində yerləşən Səfiyan, Güləbird,
Qazıdərə, Cicimli və başqa kəndlərinin müsəlman-türk
ailələri ilə birlikdə kürd camaatı da 1918-ci
ilin iyun-iyul aylarında “Aralıq düzü”ndə kütləvi
halda qətlə yetiriliblər. Bu vəhşilklərə
tab gətirməyən Cəfərabad (əski adı Haral
olub) kənd sakini Tavat Kərbəlayi Məhəmməd
qızı (1898-1976) sonrakı həyatını
doğmalarının və ellilərinin intiqamını
almağa həsr edib.
Nuxa qəzasının
İsmayıllı nahiyəsinədək yerləşən kəndlərinin
udin, yəhudi, avar, ləzgi etnik icma üzvlərinin
yaşadığı Nic, Nohurqışlaq, Yengicə, Vəndam,
Mollaisaqlı kəndlərində törədilən qırğınlar
əsasən Göyçay və Türyançay
çayları hövzələrini əhatə edib.Şamaxı qəzasının tat,
talış, ləzgi, ərəb mənşəli etnik qrupları yaşayan Əngəxaran,
Zarat-Xeybəri, Dəmirçi, Ərəbqədim, Ərəbşalbaş,
Keyvəndi, Tircan, Kürdmaşı, Qubaxəllili, Quşencə
kəndlərinin əhalisinə qarşı A.Srvantsyanın,
Lalayanın, Amiryanın nizami dəstələri hücum
edərək kəndləri
yandırıb-dağıtmaqla bərabər mal-mülkü də
qarət edib, qiymətli tarixi-maddi nümunələri
yağmalayıb aparıblar.Bir cəhəti qeyd etmək
lazımdır ki, milli-etnik icma üzvlərinin 1905-1920-ci illərdə
Azərbaycanın bütün ərazilərinə
paylanması səbəblərindən biri də sırf
təsərrüfat sistemi ilə bağlı olub. Belə ki, istər ticarətlə, istər
heyvandarlıqla, istərsə də digər əmək məşğulluğu
ilə fərqlənən müxtəlif sosial qruplar
ayrı-ayrı qəzalarda həm daimi, həm də müvəqqəti
məskunlaşdıqlarından, hay silahlılarının qətliamına
mövsümi və ardıcıl dövr ərzində
məruz qalıb, nəticədə çox zaman dədə-baba
yurdlarına qayıda bilməyiblər.
Bu hal daha çox Zəngəzur,
Şuşa və Quba qəzalarında
müşahidə edilib.
Quba
qəzasının dağ kəndlərindən aran
Şirvanda tərəkəməçiliklə məşğul
olan ailələrin xeylisi həmin illərdə doğma
yurdlarını tərk edərək yeni obalarda binələnib, yeni toponimlər
yaradıblar (hazırda Hacıqabul rayonunun
Qubalı-Baloğlan kəndi, İsmayıllı rayonunun Qubaxəlilli
kəndi). O dövrün hadisələrini
yaddaşında saxlayan Qubaxəlilli kənd sakini Firudin
Ağakərim oğlu Hüseynovun (1938) məlumatına
görə, bu cür məcburi yerdəyişmələr (hay
quldurlarının təqibi nəticəsində) ən
çox ləzgi, avar və tat
ailələrinin başına gəlib. Bu ailələr sırf heyvandarlıq təsərrüfatı
ilə (yay yaylağa, qış qışlağa) məşğul
olduqlarından və bu cür silahlı təhdidlərə
dövri olaraq məruz qaldıqlarından, sonralar geri qayıda
bilməyib, başqa yerlərdə məskunlaşaraq yeni
obalar yaradıblar. Nəticədə hay kilsə siyasətinə
uyğun olaraq xalqımıza qarşı yönəldilmiş
həm də tarixi-coğrafi
soyqırımla neçə-neçə dağ kəndlərimiz
yer üzündən silinib.
1918-ci ilin aprel-may aylarında Quba qəzasının
(Quba,Xaçmaz, Qusar, Dəvəçi nahiyələrinin) kəndlərində
yaşayan ləzgilər, tatlar, xınalıqlılar, avarlar,
yəhudilər... də qətliama məruz qalıblar. Milli
etnik xüsusiyyətləri ilə yanaşı, həm də
müsəlman-türk əhalisi ilə birgə mübarizə
aparmaları, eyni səngərlərdə olmaları bu etnik icmalara ağır günlər
yaşadıb. Bu faciələrə həmin illərdə
Cənubi Azərbaycandan bu qəzaya iş dalınca gələn
soydaşlarımız (həmşəhərlilər)
da, Dərbənd nahiyəsindən ticarət məqsədi ilə
gələn laklar, avarlar, kumıklar da düçar olublar.
Bir cəhəti qeyd edək ki, Dağıstandan
gələn könüllü döyüşçü dəstələri
Nəcməddin Qotçinskinin
başçılığı ilə Quba qəzasında
düşmənə qarşı vuruşmaqla bakı şəhəri
uğrunda döyüşlərdə iştirak ediblər.
Yuxarıda qeyd etdiyimiz kimi, Quba qəzasında
çoxsaylı etnik qrupların mesəlman-türk əhalisi
ilə birlikdə hay-daşnak və rus-bolşevik silahlı dəstələrinə
qarşı müqavimət hərəkatında birləşməsi
düşmən cəbhəsinin azğınlaşmasına,
qətliamların artmasına (qəzanın 130 kəndi dağıdılmış, 65 kənd yer
üzündən silinmiş, 19 rus kəndi isə salamat
qalmışdır- Bladumurovka, Alekseyevka...) səbəb olub, rəsmi
rəqəmlərlə 20 min dinc sakin (əslində 30 min nəfər)
milli-etnik əlamətlərinə görə menşevik-eser
D.A.Gelovanının və Sturuanın 5 minlik,
sonralar isə quldur A.Srvantsyanın, Ağacanyanın və
Muradyanın 2 min nəfərlik silahlı dəstələri
tərəfindən (Azərbaycan türkü, ləzgi. tat,
avar, yəhudi, xınalıqlı, ərəb mənşəli
ailələr...) soyqırım qurbanı olublar.
Belə kütləvi qırğınlardan biri
Quba şəhərindən 5 km aralıda, Qudyalçay
çayının yaxınlığında Digah kəndi ərazisində
baş verib ki, sonralar ora “Qanlı dərə” adlanıb
(Quba-Qusar yolu üstündə).
Qəzanın dağlıq ərazilərindəki bir sıra kəndlərin (Cek,
Haput, Qırız, Xınalıq...) etnik əhalisi (ləzgilər,
xınalıqlılar, tatlar) XIX
əsrin ortalarında Xəzər dənizi sahillərinə
Xaçmaz nahiyəsi ərazisinə köçərək
orada məskunlaşmış və bir sıra kəndlərin
– Hacıəhmədoba, Əhmədoba,
Palçıqlıoba, Şərifoba, Tikanoba, Hacıqurbanoba,
Məcidoba, Niyazoba... əsasını qoyublar. Bu kəndlərin
əhalisi 1918-ci ilin mart-iyun ayları ərzində quldur
düşmən dəstələrinin hücumuna məruz
qalıb, evləri-obaları yandırılıb, mal-mülkləri
qarət edilib.
Ümumilikdə, Quba qəzasında keşən
əsrin əvvəllərində 12 min nəfər ləzgi,
2 min tat və digər etnik ailələr qətlə yetirilib.
Ərəb mənşəli ailələrin
sıx yaşadığı Xaçmaz nahiyəsinin Ərəb,
Şıxlar kəndlərinin yerli əhalisinin müdafisəsinə
Bakı qubernatorunun köməkçisi, polkovnik Əli bəy
Harun bəy oğlu Ziziksi (1876-1929) öz dəstəsi ilə
qoşulub. Bu mənşəli etnik əhali
qruplarının yaşadığı Şamaxı qəzasının
Ərəbqədim, Ərəbşalbaş, Ərəbşahvedi,
Göyçay qəzasının Ərəb Mehdibəy,
Ərəbcəbirli, Ərəb kəndlərinin canlı
itkiləri ilə yanaşı, maddi-tarixi sərvətləri
də düşmən qüvvələrinin qurbanı
olub.
Beləliklə, 1905-1920-ci illər
ərzində mənfur hay düşmənlərimizin Azərbaycan
xalqına qarşı yürütdüyü soyqırım
siyasətinin həm də alt qatında güdülən bir
çox milli-etnik qrupların da qətliamları nəticəsində
ümumilikdə Azərbaycan dövlətçiliyinə
qarşı inamçızlığın və
etibarsızlığın yardılması məqsədi alt-üst
olub, göründüyü kimi, bu müdhiş düşmən
niyyəti öz nəticəsini verməyib.
Tarixin və zamanın haqqın tərəfində
olduğu bu faciələrlə bir daha sübut olunub.
Qismət YUNUSOĞLU
Bakı Dövlət
Universitetinin müəllimi
Bakı
xəbər.- 2018.- 22 noyabr.- S.-11.