“Bakı Xəbər” qəzeti - Azərbaycan mətbuatının
“Şah əsəri”
Əgər mən hər hansı bir ail məktəbin
jurnalistika fakültəsinin
tələbəsi olsaydım,
təcrübə keçmək
üçün mütləq
“Bakı Xəbər”
qəzetini seçərdim.
Çünki…
İdeal ailə,
mehriban kollektiv, peşəkar komanda və …
Mənim üçün
“Bakı Xəbər”
qəzetini digər mətbuat orqanlarından, yazılı və elektron KİV-lərdən
fərqləndirən və
üstün edən yetərli qədər səbəblər var. Həmin səbəblər
barədə qısa xronoloji məlumatları yazmağı özümə
şərəf borcu sayıram.
Mən həmişə
demişəm ki, hər bir redaksiya,
hər bir kollektiv bir ailə
olmalı, baş redaktor bu ailənin
başçısı, qadın
baş redaktor bu ailənin üzvlərinin anası, kişi baş redaktor isə atası sayılmalıdır.
Və sözügedən
ailənin bütün
məsuliyyəti, ağırlığı
və sair həmin mənəvi valideynin üzərinə
düşməlidir. Həqiqətən
də sadaladıqlarım
baxımından “Bakı
Xəbər” qəzetinin
kollektivi mükəmməl,
ideal və mehriban bir ailədir.
Və mən deyərdim ki, adıçəkilən
qəzetin təsisiçisi
və baş redaktoru, mənim ömürlük baş redaktorum, Azərbaycanda ən çox sevdiyim baş redaktorların siyahısına
10 ildən artıq müddətdir ki liderlik edən hörmətli həmkarım,
istedadlı qələm
sahibi, dəyərli və əziz dostum Aydın Quliyev ölkəmizdə fəaliyyət
göstərən KİV-lərin
kollektivlərinin baş
redaktorları, media ailələrinin valideynləri
arasında öndə
gedən bir valideyndir, “Bakı Xəbər” ailəsinin sevimli və istəkli atasıdır. Uzaqdan döyüş adama asan gəlir.
Amma Aydın müəllim başçısı olduğu
ideal ailəni, rəhbəri olduğu mükəmməl kollektivi,
baş redaktoru olduğu peşəkar komandanı formalaşdırmaq
üçün uzun illər ərzində bütün potensialını
səfərbər edib,
yuxusuz gecələr, ac-susuz günlər keçirib. Necə deyərlər, öz əllərinin qabarı, alın təri ilə ağır zəhmətinin qarşılığını
alıb.
“Bakı Xəbər” qəzetnin digər KİV-lərdən
fərqləndirən və
mənim üçün
özəl olan səbəblər arasında
kollektivçiliyin düzgün
təşkili, redaksiya
üzvləri arasında
mehribançılığın qorunub saxlanılması və kollektivdə hər kəsin öz işi ilə məşğul olmasıdır. Yəni, bu kollektivdə kimsə başqa həmkarının, iş
yoldaşının işinə
müdaxilə etmir, hər hansı bir yazı ilə
və ya hər hansı bir qurumla əməkdaşlıq
məsələsi ilə
bağlı mübahisələrə
yol açmır. Çünki Aydın Quliyev peşəkar təşkilatçı
və baş redaktor kimi redaksiyanın
işini düzgün
qurub.
Azərbaycan mətbuatında çox az sayda qəzet
və sayt var ki, orada
xəbərçilik, iş
yoldaşlarından baş
redaktora xəbər daşıyan yoxdur. “Bakı Xəbər”
qəzeti bu KİV-lərin siyahısında birinci yeri tutur
və bu redaksiyada kimsə öz iş yoldaşı, onun gördüyü işlər
barədə Aydın
müəllimə xəbərçilik
edə bilməz. Çünki baş redaktorun nifrət etdiyi məsələlərdən
biri də məhz xəbərçilik, satqınçılıq
və iş yoldaşına xəyanətdir.
“Bakı Xəbər”
qəzetini digər
KİV-lərdən fərqləndirən
üstün cəhətlərindən
biri də bu redaksiyada jurnalistlərin sərbəstliyinin
onların əllərindən
alınmamasıdır. Başqa
sözlə, Aydın
müəllim üçün
yazının keyfiyyəti
birinci yerdə, kəmiyyəti ikinci yerdə gəlir. Amma əksər redaksiyalarda mövzu verilir və onun konkret neçə
min işarə yazılacağı əvvədcədən
bildirilməklə jurnalistlərin
sərbəst fikir ifadə etməsinə, peşəkar yazı hazırlamasına süni
əngəllər törədilir.
Bəzi baş redaktorlardan
fərqli olaraq Aydın Quliyev həmişə öz iş yerində sevimli əməkdaşlarının
yanında olmağa üstünlük verir və iş gününün böyük
hissəsini məhz doğma kollektivin üzvləri ilə birlikdə keçirir. Üstəlik, əməkdaşların
əksər yazılarını şəxsən
oxuyub redaktə edir.
Əksər baş redaktorlardan
fərqli olaraq Aydın Quliyev öz əməkdaşlarını
bütün müsabiqələrə
qatılmağa həvəsləndirir,
onlara lazımi informasiya dəstəyini göstərir və müsabiqə yazılarının
“Bakı Xəbər”
qəzetində dərcində
hər hansı bir problem yaşanmır.
Aydın Quliyev
bəlkə də Azərbaycanda yeganə baş redaktordur ki, “Bakı Xəbər"çiləri öz
hesabına kontur və taksi ilə
təmin edir. Aydın müəllim deyir ki, müəyyən vaxtlarda media mənsublarının öz
peşə fəaliyyətlərini
normal və layiqincə yerinə yetirmələri üçün
baş redaktorların
atacağı addımlar
mütləq olmalıdır.
Çünki bəzi
məqamlarda jurnalistlərin
baş redaktorların
təmənnasız qayğısına
ehtiyacları var:
“Məsələn, bizim
qəzetin 4 əməkdaşı
redaksiyada gecə saat 2-3-ə qədər işləyirlər. Həmin
vaxtlarda metro və avtobuslar işləmədyi üçün
əməkdaşlarımız evlərinə taksi ilə getmək məcburiyyətindədirlər. Bu, onların deyil, mənim problemimdir. Ona görə də onların evlərinə taksi ilə getmələri üçün
əlavə maliyyə
vəsaitləri ayırıram.
Bu, baş redaktor kimi mənim
vəzifəmdir. Hətta
bəzi jurnalistlərimiz
var ki, onlar
saat 19:00-dək işləyirlər.
Ancaq onlar işə uzun yoldan və tək gəlib gedirlər. Ağır hava şəraiti,
yağışlı-qarlı və soyuq havalarda,
eləcə də qaralnıq düşəndə
təkbaşına getmək
çox çətin
olduğu üçün
onların təhlükəsizliyini
və rahatlığını
təmin etmək üçün də həmin əməkdaşlarımızı
evlərinə taksi və ya digər
maşınlarla yola salıram. Bunlardan əlavə, “Bakı Xəbər”də
çalışan əməkdaşların
mobil telefonları işlətmələri üçün
onları konturla təmin edirəm ki, jurnalistlərimiz müsahibləri ilə rahat və arxayın
danışa və yazılarını normal qaydada yaza bilsinlər”.
Və Aydın Quliyev
Azərbaycanda yeganə
baş redaktordur ki, “Bakı Xəbər”in əməkdaşı
üzrlü səbəbdən,
məsələn, hər
hansı bir xəstəlikdən müalicə
olunduğu ərəfədə,
hətta bu müddət bir neçə ay olsa belə, baş redaktor şəxsən özü
onun maaşını, aylıq zəhmət haqqını
əməkdaşının evinə çatdırır.
Səbəbləri sadalamaqla bitməz…
Mətbuatımızın
15 yaşlı “ağsaqqalı”
Bu gün
Azərbaycan mətbuat
aləminin ağsaqqal
üzvlərindən və
el dili ilə
desək, mediamızın
qaymaqlarından biri olan “Bakı Xəbər” qəzetinin yaranmasının 15-ci ildönümü
tamam olur.
Öz dəsti-xəttinə, yazı üslübüna,
Azərbaycanda və dünyada baş verən siyasi, iqtisadi, sosial, mədəni və digər sahələrdəki
hadisələrə yanaşma
tərzinə, peşəkar
jurnalistikanın bütün
davranış qaydalarına
əməl etməsinə,
fəaliyyət göstərdiyi
15 il ərzində
100-lərcə peşəkar
jurnalistin yetişməsində
mühüm rol oynamasına, Azərbaycanın
siyasi, mədəni və ictimai həyatında özünəməsus
yer tutmasına və sadalamaqla bitməyən digər müsbət keyfiyyətlərinə
görə “Bakı Xəbər” qəzetinin ölkə mediası tarixində rolu misilsiz, əvəzedilməz və danılmazdır. Adıçəkilən
qəzet fəaliyyət
göstərdiyi illər
ərzində qazandığı
çoxsaylı uğurlara
görə Azərbaycan
mətbuatı tarixində
özünəməxsus çəkiyə
malikdir. Buna görə də “Bakı xəbər” qəzeti - Azərbaycan mətbuatının “Şah
əsəri”dir.
Hörmətli dostum, sevimli
həmkarım və ömürlük baş redaktorum Aydın Quliyev başda olmaqla “Bakı Xəbər”in indiki kollektivi ilə bu qəzetin 15 il yaşamasında, dirçəlməsində və
çoxsaylı titullara
və nailiyyətlərə
sahib olmasında xidmətləri olan hər kəsi ad günü və yubiley münasibətilə
təbrik edir, hər birinizə uzun ömür, cansağlığı və
bol-bol müvəffəqiyyətlər
arzu edirəm. Qələminiz qılıncdan
kəsərli, qələminizdən
ağ-ağ varaqlara süzülən sözləriniz
daşdan keçərli
olsun. O gün olsun ki 50 illik,
100 illik yubileylərinizi
keçirəsiniz. Amin!
Təbriz VƏFALI
Azərbaycan İnformasiya Mərkəzinin
rəhbəri və
www.azim.az internet portalının
baş redaktoru
Bakı
xəbər.- 2018.- 7 sentyabr.- S.4.