Regionların ümumi inkişaf prosesində strateji rolu artır
Bu gün Azərbaycan
üçün prioritet
məsələlərdən biri də regionların
hərtərəfli dinamik
inkişafının təmin
olunmasıdır. Qeyd edilən məqsədlə bu vaxta qədər dövlət tərəfindən
genişmiqyaslı işlər
görülüb, müxtəlif
dövlət proqramları
qəbul edilərək
icraya yönləndirilib.
Elə bundan irəli gəlir ki, son 17 il
ərzində regionlarda
əhəmiyyətli inkişaf
qeydə alınır.
Azad edilmiş ərazilər Azərbaycanın iqtisadi tərəqqisini daha da sürətləndirəcək
44 gün
davam edən Vətən müharibəsindən
sonra Azərbaycan regionların inkişafı
məsələsində siyasətini
artıq yenidən nəzərədən keçirməkdədir. Çünki artıq inkişaf üçün cəlb edilən ərazilərin miqyası böyüyüb.
Azad edilmiş ərazilər də ümumi inkişaf dövriyyəsinə cəlb
edilməkdədir. Təbii ki,
bu da öz
növbəsində, ilk olaraq
ümumi iqtisadiyyatın
böyüməsinə ciddi
təsir edəcək.
Əslində, qeyd edilən xüsusda indidən müvafiq addımlar atılır. Belə ki, işğaldan azad edilmiş ərazilərdə məsələlərin
mərkəzləşdirilmiş qaydada həlli məqsədilə yaradılmış
Əlaqələndirmə Qərargahının
nəzdində fəaliyyət
göstərən İdarələrarası
Mərkəzin İqtisadi
məsələlər üzrə
İşçi qrupunun
məlumatına görə,
44 günlük Vətən
müharibəsindən sonra
Füzuli rayonunun azad olunmuş 600 hektar kənd təsərrüfatı təyinatlı
torpaq sahəsində taxıl becərilib və məhsul tədarük edilib. Həmçinin, cari ildə rayonun 288.8 hektar ərazisində şəkər çuğunduru
əkilib və həmin torpaqların 78,8 hektarı işğaldan azad edilmiş əraziləri əhatə edir. Füzuli rayonunun işğaldan azad edilmiş Seyidmahmudlu kəndi ərazisindəki
minalardan təmizlənmiş
həmin torpaqlarda şəkər çuğunduru
ilk dəfədir becərilir
və yüksək məhsuldarlığa nail olunub.
Belə ki, şəkərlilik faizi
15-16 faiz göstərici
ilə hər hektardan 55-60 ton məhsul yığılıb və
bugünə kimi 1800 tona yaxın məhsul tədarük edilib. Rayon üzrə
bu göstərici 3600
tondur. Sahələrdə şəkər çuğunduru
yığımı davam
edir. Məhsulun itkisiz və
optimal müddətdə tam yığılıb tədarük
edilməsi üçün
müasir tipli çuğundur yığan
kombayndan istifadə olunur. Əkin sahələrinə suvarma suyu Köndələnçay
üzərində yerləşən
su anbarından verilir. Artıq bu faktın
özü azad edilən ərazilərin Azərbaycanın ərzaq
təhlükəsizlyinin təmin
edilməsində hansı
mühüm rol oynayacağını bəri
başdan təsəvvür
etməyə imkan verir.
Göründüyü kimi, azad edilən
ərazilər hesabına
ölkəmizdə aqrar
sektorun dinamik inkişafı üçün
əlavə münbit
zəmin yaranıb. Bu sahədə indi yeni köklü dəyişikliklər başlanır.
Aqrar sektora dövlət dəstəyinin gücləndirilməsi,
müvafiq institusional dəyişikliklər, yeni
çağırışlara uyğun strateji hədəflərin müəyyən
edilməsi sayəsində
qeyd edilən müstəvidə həm
də keyfiyyətcə
yeni mərhələyə
keçid başlanıb.
Regionların inkişaf
siyasətinin uğurlu
icrasının daha bir təzahürü…
Təbii ki, azad olunan
ərazilər təkcə
aqrar sektor baxımından inkişaf
prosesinə təsir etməyəcək. Burada digər mühüm
istiqamətlər də
mövcuddur. Sözügedən yerlər innovativ texnologiyaların tətbiqi
baxımından da xüsusi diqqət cəlb edir. Azərbaycanda ilk olaraq məhz
bu yerlərdə “Ağıllı kənd” və “Ağıllı şəhər” konsepsiyası
tətbiq olunur.
Qeyd edək ki, “Ağıllı kənd” və “Ağıllı şəhər” layihələri bir çox ölkələrdə icra olunur. Onların tətbiq edildiyi yerlər həm də turizm mərkəzlərindən biridir. Bu da o deməkdir ki, “Ağıllı kənd” və “Ağıllı şəhər” layihələri gələcəkdə Qarabağın və Şərqi Zəngəzurun gözəl guşələrinin dünyada daha çox tanıdılmasına kömək edəcək. Daha bir vacib məqam budur ki, “Ağıllı kənd” və “Ağıllı şəhər” layihələri həmçinin texnologiyalara əsaslandığı üçün texnoloji investorların da bölgəyə cəlb edilməsinə, startapların yaradılmasına və ən əsası, burada yaradılacaq aqroparkların və texnoparkların inteqrasiya olunmasına gətirib çıxaracaq. Bu gün dünya miqyasında nəqliyyat sistemi iqtisadiyyatın əsas aparıcı sektorlarından biri kimi özünü göstərir. Dünyanın inkişaf etmiş ölkələrində nəqliyyat-logistika sisteminə bu mənada xüsusi diqqət yetirilir. Azərbaycan da nəqliyyat-logistika sisteminin inkişafı istıqamətində son illərdə mühüm addımlar atıb. Azad edilmiş ərazilər isə bu istiqamətdə yeni imkanlar yaradır. Artıq məlumdur ki, azad olunan ərazilərdə 3 beynəlxalq hava limanı fəaliyyət göstərəcək. Füzuli aeroportu artıq təyyarələr qəbul edir. Zəngilan və Laçın hava limanlarıının da təməli qoyulub. Zəngəzur dəhlizinin faəliyyəti istiqamətində də Azərbaycan zəruri addımlar atır. Sözügedən dəhliz, nəinki Azərbaycanla Naxçıvan arasındakı nəqliyyat əlaqələrinin şaxələndirməsi, həmçinin Xəzər və Aralıq dənizindən başlayaraq Cənub Şərqi Asiya və Mərkəzi Asiya olmaqla Avropa arasındakı nəqliyyat-logistika xətti kimi fəaliyyət göstərəcək. O da məlumdur ki, azad olunmuş torpaqlarda 160 müxtəlif qiymətli metal yatağı var. Kəlbəcər, Laçın, Zəngilan, Tərtərdə qızıl, gümüş, civə, mis, qurğuşun, daş kömür, rəngli, dekorativ daşlar və digər yataqlar mövcuddur. Yeraltı ehtiyatlar içərisində qızıl yataqları mühüm əhəmiyyət kəsb edir. İndi onların istismarını əsl sahibi kimi Azərbaycan həyata keçirəcək. Bütün bunlar Azərbaycana yeni iqtisadi üstünlüklər qazandırır və ölkənin iqtisadi mövqelərini daha da gücləndirir. Məhz bundan irəli gəlir ki, Ermənistanın işğalçılıq siyasəti nəticəsində dağıdılmış ərazilərimizin ən müasir texnologiyalara əsaslanan quruculuq konsepsiyası əsasında bərpasına başlanılıb. Bu, həm də regionların inkişaf siyasətinin uğurlu icrasının daha bir təzahürüdür.
Tahir TAĞIYEV
Bakı Xəbər
2021.- 1 oktyabr.- S.12.