Novruz
simvollarının açması
Novruz
bayramı yazın müjdəçisidir.Bu bayram həm də
yeni ilin gəlişi kimi qeyd olunur. Şamaxı Astrofizika Rəsədxanasının
hesablamalarına görə, il martın 20-si saat 15:02-də təhvil
olunacaq.Novruz adət-ənənəsinin əsrlərdən
çıxan sınaqları haqda folklorşünas Məhəmməd
Məmmədov danışır:
–
Novruzu digər bayramlardan fərqləndirən cəhət nədir?
– Novruz xeyirxahlıq, həmrəylik, humanizm bayramıdır. Bu bayramda küsülülər barışır, insanlar bir-birinə köməklik edir.Novruz bayramı təbiətin 4 ünsürünün – suyun, odun, küləyin, torpağın oyanmasını təcəssüm etdirən bir bayramdır.Təbiətin oyanışı bir çox ölkələrdə qeyd olunur.Türk xalqlarında da həmçinin.Məsələn, Orta Asiyada martda, Rusiyada apreldə, Çində fevralda olur. Bu bayram Azərbaycanın təşəbbüsü, Əfqanıstan, İran, Qazaxıstan, Tacikistan, Türkmənistan, Türkiyə, Albaniya, Hindistan və Makedoniyanın həmmüəllifliyi ilə BMT tərəfindən “Beynəlxalq Novruz Günü” kimi elan edilib. Bu bir daha Novruzun dini deyil, təbiət bayramı olmasına işarədir.
1920-ci illərin əvvəllərində də dövlət tərəfindən milli bayram kimi qeyd olunurdu. Lakin 20-ci illərin sonunda Novruz sıxışdırılır.Ona dini bayram adı altında qəti qadağa qoyulur. Şıxəli Qurbanovun səyləri nəticəsində 1967-ci ildə Mərkəzi Komitə bu bayramın keçirilməsinə icazə verir.
– Kosa və keçəl
hardan gəlir?
– Çox vaxt biz keçəlin, kosanın
zahiri əlamətlərinə
fikir veririk. Keçəlin başında tükün olmaması qışın
əlamətidir.Keçini isə yazın əlaməti kimi görürük.Kosanın bolluq
gətirməsinə inam
var. Mənbələr göstərir
ki, kosa-kosa mərasimi icra olunarkən kənd camaatı istəyirdi ki, onlar ilk onun
evinə daxil olsun.İnanırdılar ki,
Kosanın ayağındakı
bolluq onların evlərinə gələcək.Övladı
olmayan şəxş
Kosa rolunda çıxış edirdisə,
inanılırdı ki,
onun övladı olacaq.Kosanın ətrafında
çoxlu adamların
fırlanması, Kosanın
kürkünü tərsinə
geyinməsi, zınqırovlu
kəmər taxması,
yaxud boynuna zınqırov asması onun müqəddəslər
dünyasına məxsusluğundan
xəbər verirdi.
Keçəl hiyləgər, kələkbaz
obrazdır.Fiziki cəfətdən
zəif olsa da, özünün ağlı ilə qəhrəmanın arzularına
çatmasında kömək
edən ironik obrazdır.Mərasimdə gülüş
əsas rol oynayır.Kosa və Keçəlin atmacalar deməsi, məzəli əhvalatlar danışması,
rəqs etməsində
hamı iştirak edir.Keçəlin zahiri çirkinliyinin arxasında
daxili gözəllik durur.“Xanım ayağa dursana,
çömçəni doldursana,
Kosanı yola salsana” deyilir.Sonra “Pay verənin oğlu olsun, verməyənin qızı olsun” ifadələri işlədilir.
– Novruz bayramı süfrəsində hansı
nemətlərin olması
vacibdir?
– İl təhvil olanda süfrəyə 7 nemət qoyulur: çörək, duz, üzərlik, güzgü,
su, yumurta və kömür. Bunların hər biri insanın
yaşaması üçün
önəm daşıyır.
Süfrəyə
mütləq plov qoyulur.Düyüyə müqəddəs
bir nəsnə kimi baxılır.Bu, məhsuldarlıq simvoludur.Həmin
gün ailənin bir yerə toplanması,
ailə üzvlərinə
başçı tərəfindən
hədiyyələrin verilməsi,
hətta qədimdə
bunu təzə paltar bayramı kimi qeyd edirdilər.Çünki
ailə başçısı
çalışırdı ki, hamı təzə
libasda yeni ilə sağlam şəkildə, ağırlıqdan
qurtarmış halda qədəm qoysun.
Novruz xonçasını cürbəcür şirniyyatlar
bəzəyir.Şirniyyatlar əcdadlarımızın astral təsəvvürləri ilə
bağlıdır.Hər birində
göy cismlərinin əlamətini görürük.Şəkərbura,
badambura aypara şəklində olur.Şorqoğalının
üzərinə sarı,
qırmızı rəngin
verilməsiylə günəşə
bənzədilir.Paxlava ulduzun
simvoludur.Alimlərin fikrincə
isə o rombu xatırladır.Romb da təbiətin qadınla bağlı olmasına işarədir.Romb həyat
ağacının mərkəzi
elementidir.
– Bəs, yumurta boyamaq
necə yozulur?
– Yumurta həyatın canlılığını, dünyanın
yaranışını özündə
əks etdirir. Yumurtanın müxtəlif rənglərə
boyanması ilin 4 fəslini özündə
təcəssüm etdirir.
Qırmızıya boyanmış
yumurta yayın, sarı payızın,
yaşıl-göy rəngli
yazın, boyanmayan qışın rəmzidir.
Yumurtanın dairəviliyi, qabığı
torpağı özündə
simvollaşdırır.Yumurtanın pərdəsi havanın, ağı suyun, sarısı isə odun simvoludur.
– Novruzun əsas atributlarından biri də səmənidir. Səməni
nəyə işarədir?
– Səməni bolluq, bərəkət rəmzidir.
Həm buğda, həm arpadan hazırlanır.Arpadan
hazırlanan daha çox təbiətin oyanışını bildirir.Səməni
həmişə müqəddəs
sayılıb.
Ailədə xoşbəxt olan, çoxuşaqlı qadının
rəhbərliyi altında
səməniylə bağlı
müxtəlif rəqslər
edilir, şeirlər oxunur, sevgi göstərilir.“Səməni saxla
məni, ildə göyərdərəm səni”
deməklə səməninin
bolluğa, yaşıllığa
işarə oluduğu
bildirilir.
Səmənidən hazırlanan səməni həlimi xəstəliklərə
şəfa verir.Səməni
övlad vermək funksiyası da daşıyır.Bir qadın
övladı olmayan gəlinlərin başı
üzərinə səməni
xonçası qoyur, digəri isə ordan su töküb
“ay bu səmənini göyərdən bu gəlini də göyərt” alqışı
deyir. Səməni 12 gün süfrənin baş tərəfində
saxlanılır, 13-cü gün
isə axar suya atılır. Onu zibilliyə atmaq yasaq sayılır.
Yaqut Tapdıqqızı
Baku post.-2013.-16 mart.-S.9.