Axtarışlar

Üzeyir bəy Hacıbəylinin "Molla Nəsrəddin"də daha bir felyetonu

M.F.Axundov adına Azərbaycan Milli Kitabxanasının arxivindəki son araşdırmalarım nəticəsində Ü.Hacıbəylinin "Molla Nəsrəddin" dərgisində dərc olunmuş "On il" adlı yeni bir felyetonu da üzə çıxdı. İndiyə qədər heç yerdə öz əksini tapmayan bu felyetonda Üzeyir bəyin dönə-dönə vurğuladığı və yaradıcılığı boyu mübarizə apardığı qadın azadlığı məsələsindən bəhs edilir.

"On il" felyetonu "Molla Nəsrəddin" dərgisinin 7 noyabr 1927-ci il tarixli 45-ci sayında "Bir nəfər" imzası ilə çap olunmuşdur. "Bir nəfər" təxəllüsü Ü.Hacıbəylinin müxtəlif illərdə yazdığı mətbu əsərlərində istifadə edilmiş 67 imzasından biridir.

Üzeyir bəyin "On il" felyetonu milli mətbuatımızın tərəqqisində müstəsna xidmətləri olan mahir publisistin qələmindən çıxan dəyərli yazılardandır. Ona görə də bu felyetonu hörmətli oxucularımıza təqdim edirik. İnanırıq ki, "On il" Üzeyir bəy Hacıbəylinin 125 illik, milli mətbuatımızın 135 illik yubileylərinə ərmağan kimi ən gözəl töhfələrdən biri olacaq.

Səadət Qarabağlı

Ədəbiyyat qəzeti.- 2010.- 18 iyun.- S.2.