Səməd Vurğun - 105

Bahar nə xoş gəlir,

ruha dad verir,

Xəyala, duyğuya

qol-qanad verir;

Var olsun şerimiz,

şairlərimiz! -

Hər gülə-çiçəyə

təzə ad verir…

Bahar, istəklimsən başdan, binadan;

Ən gözəl qızısan sən təbiətin.

Xoşbəxt yaranmısan xoşbəxt anadan;

Gözünün odusan şerin, sənətin, -

Ən gözəl qızısan sən təbiətin!

…Min il ömür sürək səninlə qoşa

Bir canda döyünən iki ürək tək;

Min il nəfəs verək torpağa, daşa, -

Nəsildən-nəsilə təzələşərək…

Səməd VURĞUN

Ədəbiyyat qəzeti.- 2011.- 1 aprel.- S.1.