Əbədiyaşar Bəxtiyar Vahabzadə

“Respublika” qəzeti unudulmaz sənətkarın doğum günündə - 16 avqust tarixli sayında “Əbədiyaşar Bəxtiyar Vahabzadə” ümumi başlığı altında vaxtilə şairin özünün qələmə aldığı tərcümeyi-halını (“Avtobioqrafiyam”) ilk dəfə dərc etmişdir.

Materialın “Ədəbiyyat qəzeti”nin oxucuları üçün maraqlı olacağını nəzərə alıb çapını lazım bildik.

Əziz oxucular!

Azərbaycanın xalq şairi, akademik Bəxtiyar Vahabzadə 86 il əvvəl - 1925-ci il avqustun 16-da qədim tarixə malik Şəki şəhərində dünyaya göz açmışdır. O, ilk gənclik dövründən ömrünün sonunadək şair, ictimai xadim və müəllim kimi bütün istedad və bacarığı ilə xalqın, vətənin azadlıq və müstəqilliyinə, milli ədəbiyyatın, elm və mədəniyyətin inkişafına xidmət etmiş, zəngin irs yaratmışdır.

Bəxtiyar Vahabzadənin əziz xatirəsi ölkəmizdə həmişə ehtiramla yad ediləcəkdir. Onun əsərləri zaman-zaman ürəklərdə yaşayacaq, nəsildən-nəslə misilsiz ərməğan olacaqdır.

XX əsrin 80-ci illərində mənim xahişimlə Bəxtiyar Vahabzadənin yazdığı “Avtobioqrafiya”sının (tərcümeyi-halının) arxivimdə saxladığım əlyazma nüsxəsinin faydalı olacağını nəzərə alaraq bu əziz gündə onu gənc şairlərə, ədəbiyyat həvəskarlarına, müəllimlərə və tədqiqatçılara ən dəyərli hədiyyə kimi təqdim edirəm.

Teymur ƏHMƏDOV,

professor

16 avqust 2011-ci il

Ədəbiyyat qəzeti.- 2011.- 19 avqust.- S.1.