Azərbaycan Respublikasının Prezidenti

İlham Əliyev cənablarına

Hörmətli Prezident!

Əlli yaşınızın tamam olması münasibətilə Sizi səmimi-qəlbdən təbrik edirəm. Sizin taleyinizin xoşbəxtliyi ondadır ki, böyük bir insanın, unudulmaz Heydər Əliyevin ailəsində dünyaya gəlmiş, boya-başa çatmış, onun layiqli varisi kimi yetişmisiniz. Siz Moskvada ən mötəbər təhsil ocaqlarından birini bitirmisiniz, amma həyatda ən böyük məktəbiniz ulu öndərimizin Sizə verdiyi həyat və siyasət dərsləri olub. Heydər Əliyevin isə xoşbəxtliyi bir də ondan ibarət idi ki, dünyadan xalqı, vətəni üçün arxayın getdi, çünki amalını özü kimi inandığı oğluna etibar edirdi. Ümummilli liderimizin vəfatından keçən səkkiz il ərzində Siz onun bu etibarını, inamını tamamilə doğrultdunuz. Azərbaycanın rifahı, inkişafı üçün, dünyanın, zamanın bu mürəkkəb çağında bütün xarici və daxili təhlükələri uğurla dəf etmək yolunda Siz inamlı irəliləyişimizi təmin edirsiniz. Sizə mədəniyyətimiz, səhiyyəmiz, maarifimiz üçün səmərəli, çox önəmli işlər görən hörmətli Mehriban xanımla, övladlarınız və nəvələrinizlə birlikdə bol-bol ailə sevincləri, uzun ömür, cansağlığı arzulayıram. İnanmaq istəyirəm ki, gələcək ad günlərinizi azad Şuşamızda bayram edəcəyik.

Dərin hörmətlə, ANAR

Azərbaycan Yazıçılar Birliyinin sədri

22.12.2011

Ədəbiyyat qəzeti.- 2011.- 23 dekabr.- S.1.