Gənc Tamaşaçılar Teatrında

     

İyunun 14-də Azərbaycan Dövlət Gənc Tamaşaçılar Teatrında Naxçıvan Dövlət Dram Teatrının quruluşunda Adil Babayevin ümummilli lider Heydər Əliyevin xatirəsinə həsr olunmuş "Koroğlunun Çənlibelə qayıdışı" tamaşası təqdim olundu.

Böyük şairimiz Hüseyn Cavidin "Kəssə hər kim tökülən qan izini, - Qurtaran dahi odur yer üzünü" fikriylə səsləşən əsərdə öz xalqının, vətəninin tarixi inkişafında əvəzsiz xidməti olan ulu öndərin siyasi uzaqgörənliyi, yenilməz əzmi və inamı incə cizgilərlə əks olunub, ümumi düşmənlərimizin xəyanəti və məkri damğalanıb, ümummilli liderə olan sonsuz xalq sevgisi ifadə olunub.

Tamaşanın sonunda əsərin müəllifi Adil Babayev söz alaraq pyes üzərindəki işindən danışdı, əsərin tamaşaya qoyulmasına göstərdiyi köməkliyə görə Naxçıvan Ali Sovetinin sədri Vasif Talıbova, Bakı Metropolitenin rəisi Tağı Əhmədova və Naxçıvan Dövlət Musiqili Dram Teatrının rəhbərliyinə dərin təşəkkürünü bildirdi.

 

 

S.Əsgərli

 

Ədəbiyyat qəzeti. - 2011. - 17 iyun. - S.6.