Naxçıvan

5 dekabr tarixdə Hüseyn Cavidin Naxçıvandakı ev muzeyində şair-daramaturqun vəfatı günü ilə əlaqədar "Anım günü" keçirilmişdir.

Tədbir iştirakçıları böyük şair-dramaturq Hüseyn Cavidin məqbərəsini ziyarət edərək gül-çiçək dəstələri qoymuşlar.

Sonra tədbir şair-dramaturqun ev muzeyində davam etmişdir. Tədbiri giriş sözü ilə ev muzeyin direktoru Bəhruz Axundov açaraq qeyd etmişdir ki, xalqımızın ümummilli lideri Heydər Əliyev Azərbaycana rəhbərliyinin birinci hakimiyyəti dövründə, kommunist rejiminin çox çətin vaxtlarda, Kremldəki nüfuzundan istifadə edərək çox cəsarətli addım ataraq görkəmli şair-dramaturqun nəşinin doğma vətəninə gətirilməsinə nail olmuşdur. O qeyd etdi ki, hələ sovet tarixində belə hadisə olmamışdı. Hələ heç bir repressiya qurbanı şimal cəhənnəmindən qurtularaq Vətəninə dönməmişdi.

Tədbirdə Turan Cavid Qadın Mərkəzi İctimai Birliyinin sədri Sevda Cəfərova, Naxçıvan Dövlət Universitetinin müəllimi, şair Xanəli Kərimli, yazıçı-publisist Əbülfəz Əsgərli, Cəlil Məmmədquluzadənin ev muzeyinin direktoru Yaqut Mehdiyeva və H.Cavidin ev muzeyinin baş mühafizi Məsmə Hacıyeva çıxış etmişlər.

Tədbirin sonunda muzeyin ekspozisiyasındakı yeni tərtibat verilmiş "Repressiya" otağına baxış oldu.

Pakizə Qasımova

Hüseyn Cavidin Naxçıvandakı ev muzeyinin əməkdaşı

Ədəbiyyat qəzeti.- 2012.- 7 dekabr.- S.2.