Vasim Məmmədəliyev - 70

Dekabrın 20-də Qafqaz Müsəlmanları İdarəsinin konfrans zalında görkəmli Azərbaycan alimi, Qafqaz Müsəlmanları İdarəsi Elmi-Dini Şurasının sədri, əməkdar elm xadimi, akademik Vasim Məmmədəliyevin 70 illik yubileyinə həsr olunmuş "Parlaq zəka sahibi - böyük vətəndaş" mövzusunda elmi konfrans keçirildi.

Qafqaz Müsəlmanları İdarəsinin sədri, Şeyxülislam Allahşükür Paşazadə iclası giriş sözü ilə açdı. Sonra millət vəkili akademik Ziyad Səmədzadə, Respublika Baş nazirinin müavini, xalq yazıçısı Elçin Əfəndiyev, AMEA-nın birinci vitse prezidenti, akademik Arif Haşımov, BDU-nun rektoru, akademik Abel Məhərrəmov, Respublika Ağsaqqallar Şurasının sədri, millət vəkili Fəttah Heydərov, dünyaşöhrətli cərrah, görkəmli şərqşünas alim Cavad Heyət, akademik Teymur Bünyadov, Milli Məclisin Mədəniyyət Komitəsinin sədri, akademik Nizami Cəfərov, filologiya elmləri doktoru, professor Qəzənfər Paşayev, xalq artisti Arif Babayev və başqaları yubilyar haqqında ürək sözlərini dedilər, ona uzun ömür, elmi və pedaqoji fəaliyyətində yeni-yeni uğurlar arzuladılar.

Ədəbiyyat qəzeti.- 2012.- 28 dekabr.- S.3.