Arximed

Sən istinad nöqtəsi axtarırdın,

Xızır peyğəmbər dirilik suyu.

İskəndərin dəlləyi də

Dərdini deməyə quyu…

Elə şey axtarırdın ki,Arximed,

Onu tapa bilməzdi insan.

Allah allahlığıyla

İstinad nöqtəsi tapmadığından

oldu laməkan…

Əgər o nöqtə tapılsaydı,

tapılacaqdı dirilik suyu.

Dəlləyə də heç

gərək olmayacaqdı quyu…

Özündə özünü tapsaydın,

O nöqtə özün idin,Arximed.

Dirilik suyu da

Xızır peyğəmbər.

Quyu da…

Bu sirr açılsa,

araya qan düşər.

Nə həyat olar,

nə bəşər!..

Xanəli Kərimli

Ədəbiyyat qəzeti.- 2012.- 9 noyabr.- S.4.