Hüseyn Cavid-130

Hüseyn Cavidin anadan olmasının 130 illiyi ilə əlaqədar şair-dramaturqun Naxçıvandakı ev muzeyində "Müasir dövr və Cavid yaradıcılığı" adlı dəyirmi masa təşkil olunmuşdur.

Tədbiri giriş sözü ilə muzeyin direktoru Bəhruz Axundov açaraq Azərbaycan xalqının ümummilli lideri Heydər Əliyevin Azərbaycana rəhbərliyinin birinci hakimiyyəti dövründən görkəmli şair-dramaturqa göstərdiyi diqqət və qayğıdan söhbət açmış, bu diqqət və qayğının bu gün də uğurla davam etdirildiyini bildirmişdir.

Sonra mövzu ətrafında çıxışlar və müzakirələr davam etmişdir.

Cavid yaradıcılığının müasir və aktuallığı barədə yazıçı-publisist Əbülfəz Əsgərli, Cəlil Məmmədquluzadə adına Naxçıvan Dövlət Musiqili Dram Teatrının direktoru, xalq artisti Kamran Quliyev, filologiya üzrə fəlsəfə doktorları Əbülfəz Əzimli, Kamal Camallı, Elbəyi Maqsudov və Lütviyyə Əsgərzadə, Naxçıvan Bəstəkarlar Birliyinin sədri Şəmsəddin Qasımov, xalq rəssamı Hüseynqulu Əliyev və teatrşünas Əli Qəhrəmanovun iştirakı ilə çıxışlar və müzakirələr olmuşdur.

Tədbirdə Naxçıvan Muxtar Respublikası mədəniyyət və turizm nazirinin müavini Məhəmməd Həsənov yekun sözü söyləmişdir.

Tədbirin sonunda yeni guşə -3 bölmələr və eksponatlarla zənginləşmiş muzey ekspozisiyasına baxış olmuşdur.

Pakizə Qasımova,

H.Cavidin Naxçıvandakı ev

muzeyinin əməkdaşı

Ədəbiyyat qəzeti.- 2012.- 19 oktyabr.- S.2.