Şairin xatirəsi

Yanvarın 6-sı XX əsr Azərbaycan ədəbiyyatının görkəmli nümayəndəsi, unudulmaz şairimiz Mikayıl Müşfiqin xatirə günüdür.

Bu münasibətlə elm adamlarının, ədəbiyyat və incəsənət xadimlərinin iştirakı ilə şairin Bakının İnşaatçılar prospektindəki abidəsi önündə anma mərasimi keçirilib.

Yasamal rayon İcra Hakimiyyətinin təşkilatçılığı ilə keçirilmiş tədbirdə şairin həyat və yaradıcılığından söhbət açılıb.

Mərasimdə çıxış edənlər cəmi 29 il ömür sürmüş görkəmli poeziya ustasının əbədiyyət haqqı qazandığını vurğulamışlar.

Xalq yazıçısı Gülhüseyn Hüseynoğlu M.Müşfiqin tərcümə ilə də məşğul olduğu, onun tanınmış xarici ölkə şairlərinin əsərlərindən tərcümələrinin - şeir və poemaların bu gün də sevilə-sevilə oxunduğunu demişdir.

Ədəbiyyat qəzeti.- 2012.- 13 yanvar.- S.2.