Mövlud Süleymanlı - 70
Respublika Baş nazirinin müavini, xalq
yazıçısı Elçin qələm
dostu, xalq
yazıçısı Mövlud
Süleymanlıya 70 yaşı münasibətilə təbrik
teleqramı göndərmişdir. Teleqramda
deyilir:
"Əziz
Mövlud!
Səni
- müasir ədəbiyyatımızın
görkəmli nümayəndəsini anadan
olmağının yetmiş illiyi münasibətilə ürəkdən təbrik
edirəm.
Sən bu
"70" rəqəmini həm nüfuzlu
bir sənətkar, həm də mərd və
səmimi insan kimi
alnıaçıq qarşılayırsan və mənim üçün çox xoşdur "70 rəqəmi"nin
sanbalına baxmayaraq bu
gün sən yenə də eyni gənclik həvəsi ilə
yazıb-yaradırsan.
Sən
ədəbiyyata öz dəst-xəttinlə
gəldin, oxucular o dəst-xəttə
görə səni dərhal qəbul etdi
və bir yazıçı kimi sevdi. O məxsusi "Mövlud Süleymanlı dəst-xətti"
bu gün də səninlədir
və o da
"70"-in həmin sanbalına baxmayaraq qətiyyən qocalmayıb, bu gün də təzə-təravətlidir.
Əziz
dostum! Səni bir daha ürəkdən təbrik edir,
sənə uzun ömür,
cansağlığı, xoşbəxtlik arzulayıram. Yeni-yeni əsərlərinlə bizi sevindirəcəyinə isə heç bir şübhə
yoxdur.
Elçin
17.04.13"
Ədəbiyyat qəzeti.- 2013.- 26 aprel.-
S.4.