Xalq şairi Məmməd
Arazın
80 illik
yubileyi qeyd edildi
Noyabrın 29-da Mirzə
Fətəli Axundzadə adına Azərbaycan
Milli Kitabxanasında xalq
şairi Məmməd Arazın 80 illik yubileyinə həsr edilmiş
tədbir keçirilmişdir.
Mədəniyyət və
Turizm Nazirliyi və Milli Kitabxananın birgə təşkilatçılığı
ilə reallaşan tədbirdə rəsmi
nümayəndələr, elm və mədəniyyət
xadimləri iştirak etmişlər.
AzərTAc xəbər
verir ki, kitabxananın
foyesində “Məmməd Araz–80” elektron məlumat bazası və
“Poeziyamızın Məmməd Araz zirvəsi”
adlı kitab, qəzet və jurnal materiallarından ibarət sərgisi nümayiş etdirilmişdir.
Mərasimdə Məmməd
Arazın özünün səsləndirdiyi
şeirlərin və ulu öndər Heydər
Əliyevin şair haqqında söylədiyi
dəyərli fikirlərin əks olunduğu
videogörüntü nümayiş
etdirilmişdir.
Tədbirdə mədəniyyət
və turizm nazirinin müavini Vaqif Əliyev şairin həyat və
yaradıcılığından söhbət
açmışdır. O, Azərbaycanın vətənpərvər
şairi Məmməd Arazın 80 illik yubileyinin Prezident İlham
Əliyevin müvafiq sərəncamı
ilə qeyd olunmasını şairin yaradıcılığına verilən
ən böyük qiymət kimi dəyərləndirmişdir.
Milli Məclisin mədəniyyət komitəsinin sədri,
Azərbaycan Milli Elmlər
Akademiyasının müxbir üzvü, əməkdar elm
xadimi Nizami Cəfərov
Məmməd Arazı zəngin, həddi-hüdudu olmayan yaradıcılıq imkanlarına malik böyük Azərbaycan
şairi adlandırmışdır. Natiq, şairi Azərbaycanın klassik
poeziyasını, düşüncə tərzini yaşadan, dövlətçilik təfəkkürünü
təbliğ edən bənzərsiz söz
sərrafı kimi xarakterizə etmişdir.
Bildirilmişdir ki, Məmməd
Arazın zəngin yaradıcılığını Azərbaycanın
coğrafiyası və tarixinin simvolu adlandırmaq olar.
Tədbirdə ədəbiyyatşünas
alimlər, filologiya elmləri doktorları
Vaqif Yusifli, Buludxan Xəlilov, Milli Məclisi
deputatı, xalq şairi
Sabir Rüstəmxanlı və
başqaları Məmməd Arazın poeziyasının insanda heyrət doğurduğunu
vurğulamışlar.
Sakit təbiətli Məmməd Araz Vətənin dar
günündə qəddini düzəldir, sərtləşir
və millətini ayağa qalxmağa,
oğullarını alov dilli
ox olmağa səsləyir.
Məmməd Araz qələmi gah qəhrəman olub Vətən
uğrunda vuruşan
qılınca, gah da
ruhları oxşayan incə rübaba çevrilir.
Məmməd Araz poeziyası haqdan gələn
ilahi bir duyğunun, ilahi bir səsin, sözün məcmusudur.
Onun hər hansı bir
şeri, sözü bütün xalqa səslənir.
O, ömrü boyu Vətənin
keşiyində durmuş, Vətəndən,
onun vüqarlı dağlarından, büllur bulaqlarından, torpağından,
daşından yazıb-yaratmışdır.
Vurğulanmışdır
ki, dövlətimiz tərəfindən ədəbi
fəaliyyəti hər zaman yüksək
qiymətləndirilən Məmməd Arazın bədii tərcümələri
sayəsində Azərbaycan oxucusu dünya ədəbiyyatının bir sıra nümunələri ilə
tanış olmaq imkanı əldə etmişdir.
Tədbirdə əməkdar
artistlər - qiraət ustası Ağalar Bayramov şairin şeirlərini
səsləndirmiş, Firuz Səxavət
isə sözlərinə yazılmış mahnıları ifa etmişdir.
Tədbirin sonunda şairin ailəsi
adından Milli Məclisin deputatı,
yazıçı-publisist Aqil Abbas çıxış edərək tədbirin
təşkilatçılarına və
iştirakçılarına minnətdarlığını bildirmiş və şairlə bağlı
xatirələrini söyləmişdir.
Ədəbiyyat qəzeti.- 2013.- 6 dekabr.- S.8.