Nəzakət Əzizova

Amansız ölüm istedadlı qələm yoldaşımız Nəzakət Əzizovanı aramızdan apardı.

Nəzakət Məhərrəm qızı Əzizova 1952-ci il sentyabr ayının 7-də Şərur rayonunun Çərçiboğan kəndində anadan olmuşdur. Burada 8 illik məktəbi, Şərur qəsəbəsində orta məktəbi bitirib 1969-cu ildə Bakıda tikiş fabrikində əmək fəaliyyətinə başlamışdır. 1972-1979-cu illərdə Bakı Dövlət Universitetinin filologiya fakültəsində təhsilini davam etdirmişdir. Eyni zamanda MEA-nın Mərkəzi Elmi Kitabxanasında, 2007-ci ildən ömrünün sonuna kimi Nizami adına Ədəbiyyat İnstitutunda aparıcı elmi işçi vəzifəsində çalışmışdır. filologiya elmləri üzrə fəlsəfə doktoru idi. Ədəbi fəaliyyətə orta məktəb illərində başlamışdır. İlk mətbu şeri 1969-cu ildə «Şərq qapısı» qəzetində dərc olunmuşdur. «Könlümün yükü», «Gözlərimin günahı», «Bənövşəli görüşlər», «Yarı yuxuda gördüm», «Hüseyn Cavid yaradıcılığında insan, iblis, Tanrı», «Hüseyn Cavid dramaturgiyasında qadınların tipləri və Cavidin məhəbbət konsepsiyası», «Nağıllar, hikmətlər, yuxu yozmaları», «Romantizm» kitablarının müəllifidir.

İstedadlı qələm yoldaşımız, səmimi təvazökar insan Nəzakət xanım Əzizovanın işıqlı xatirəsi qəlbimizdə yaşayacaqdır.

Allah rəhmət eləsin.

Azərbaycan Yazıçılar Birliyi

Ədəbiyyat qəzeti.- 2013.- 27 dekabr.- S.8.