Teymur Kərimli - 60
Bu günlərdə AMEA-nın kiçik akt salonunda Nizami adına
Ədəbiyyat İnstitutunun direktor mavini, AMEA-nın müxbir üzvü, filologiya üzrə elmlər doktoru,
professor Teymur Kərimlinin
60 illik yubileyi keçirildi. Yubiley tədbirini
giriş sözü
ilə açan AMEA-nın vitse-prezidenti, Ədəbiyyat İnstitutunun
direktoru, akademik İsa Həbibbəyli Teymur
Kərimlinin həyat və fəaliyyətinə bir nəzər salmaqla onun ədəbiyyatşünaslığımızdakı
yerinə, mövqeyinə xüsusi dəyər
verdi. Yubilyarın klassik
ədəbiyyatımızın tədqiqindəki zəhmətini
yüksək qiymətləndirən İ.Həbibbəyli onun həm də şair kimi şeirlərindən, publisist
kimi məqalələrindən bəhs etdi. Vurğuladı
ki, universal bilgi sahibi olan T. Kərimli eyni zamanda istedadlı şair, alovlu publisistdir.
T. Kərimlinin həyat
və yaradıcılığına
geniş məruzə
çevrəsində yanaşan
professor Vaqif Arzumanlı
onu şərqşünas,
mətnşünas, naşir,
şair və publisist kimi dəyərləndirdi. Xüsusi vurğuladı
ki, T.Kərimli
1990-cı ildən bəri
Ədəbiyyat İnstitutunda
klassik ədəbiyyatın
ağırlığını öz çiynində gəzdirən zəhmətkeş
və təvazökar
bir alimdir.
Bakı Slavyan
Universitetinin rektoru,
AMEA-nın müxbir üzvü, professor Kamal
Abdulla T.Kərimlinin Nizami
Gəncəvi, Füzuli,
Nəsimi, Cavidlə bağlı elmi araşdırmalarını yüksək
dəyərləndirərək onun təkcə Azərbaycanda deyil, xarici ölkələrdə
də tanınan alimlərdən olduğunu
vurğuladı. Natiq klassik ədiblərimizdən
gələn "Mirzə"
sözünün klassikanın
tədqiqi ilə məşğul olan T. Kərimliyə çox yaraşdığını da
söylədi…
Akademik Vasim
Məmmədəliyev çıxışında
qeyd etdi ki, T.Kərimlinin həqiqətən klassik irsin öyrənilməsində
böyük zəhməti
var. Bu yöndə tədqiqatlar
tələb edir ki, heç olmasa fars
dilini biləsən. Mən onu alqışlayır, elmi-ədəbi fəaliyyətində
yeni-yeni uğurlar diləyirəm.
AMEA-nın müxbir üzvü, millət vəkili Rafael Hüseynov "alimin bayramı elmin bayramıdır" deyə
çıxışına başladı. Qeyd etdi
ki, T.Kərimli 60 illik bir ömrə
sığışmayası işləri ilə əvəzsiz alim, maraqlı şəxsiyyətdir.
O, fərqli düşünmək
istedadına malik, orijinal, özünəməxsus
dəst-xətti olan alim, şair, publisistdir.
F.ü.elmlər doktoru,
millət vəkili Jalə Əliyeva da öz çıxışında
25 ildən bəri tanıdığı T.Kərimlinin
hər kəsə, xüsusən hər bir ziyalıya örnək ola
biləsi dəyərli
məziyyətlərindən, elmi-ədəbi yaradıcılığından
məhəbbətlə danışdı.
AMEA folklor İnstitutunun direktoru, f.ü.elmlər doktoru,
professor Muxtar İmanov
(Kazımoğlu) T.Kərimli
üçün klassik
ədəbiyyatın bir
əxlaq məktəbi
olduğunu vurğuladı. Qeyd etdi ki, onun
klassiklərə yanaşma
metodu tamamilə yeni nəzəri modellərdə özünü
göstərir. Bəzən
də T.Kərimlinin xarakterindən irəli gələn baməzə,
yumorlu yanaşmalar tədqiqat predmetinin çətinliyini ram edir.
Yubiley tədbirində çıxış edənlərdən
AYB-nin katibi Arif Əmrahoğlu, Aybəniz Kəngərli,
Elnarə Akimova, Abuzər Bağırov və
b. T.Kərimlinin bu yaşa qədərki fəaliyyətindən
ürək dolusu danışaraq ona möhkəm cansağlığı ilə
müşayiət olunan uzun
ömür və yaradıcılıq
uğurları arzuladılar.
Bu arada xalq
şairi Nəriman Həsənzadənin və
ədəbiyyatşünas alim Vilayət Quliyevin T.Kərimliyə ünvanlanmış
təbrikin mətni də oxundu.
Sonda T.Kərimli bütün
iştirakçılara öz təşəkkürünü
bildirib bioqrafik essesi ilə məclisə yekun
vurdu.
A.
Savalan
Ədəbiyyat
qəzeti.- 2013.- 15 noyabr.- S.8.