Firidun müəllim

Mən universitetin filologiya fakültəsinə daxil olanda Firidun Hüseynov həmin fakültənin dekanı idi. Onun bizə tələbə biletini təqdim etdiyi həyəcanlı dəqiqələr indiyə qədər yadımdadır. Və o da yadımdadır ki, gərgin imtahan günlərindən sonra biz birinci kurs tələbələri özümüzü dünyanın ən xoşbəxt insanları hiss edərək hərəkətlərimizdə bir az yuxarıdan getsək də, Firidun müəllim tamamilə sakit idi, illərlə həsrətində olduğumuz tələbə biletini bizə elə laqeyd verirdi ki, sanki onu xoşlamadığı bir işə vadar eləmişdilər… Bir-iki il keçdikdən, biz təhsilə başladıqdan (və dekanımızın xarakterinə bələd olduqdan) sonra anladım ki, Firidun müəllim heç də laqeyd adam deyilmiş, sadəcə, təntənəni sevmirmiş.

…Firidun Hüseynovun dünyadan nə qədər erkən getdiyini mən çox sonralar, onun tərcümeyi-halını bir daha nəzərdən keçirərkən bütün ağrı-acısı ilə anladım. Sən demə tələbə olduğumuz illərdə bizə Mirzə Cəlil, Sabir, Firidun bəy Köçərli yaşda və müdriklikdə! Görünən hörmətli müəllimimiz qırx yaşlarında imiş.

Nizami CƏFƏROV

AMEA-nın müxbir üzvü

Ədəbiyyat qəzeti.- 2013.- 15 noyabr.- S.6.