"Komediyalar və nəsr"

Böyük Azərbaycan yazıçısı, filosof və ictimai xadim Mirzə Fətəli Axundzadənin zəngin yaradıcılığı təkcə vətənimizdə deyil, dünyanın bir çox ölkələrində də müxtəlif dillərə tərcümə olunur, tədqiq edilir, sevilə-sevilə oxunur.

Ölkəmizin Macarıstandakı səfiri Vilayət Quliyev Azərbaycan Yazıçılar Birliyinin sədri Anara məktubunda səfirliyin təşəbbüsü ilə Mirzə Fətəli Axundzadənin "Komediyalar və nəsr" kitabının macar dilində nəşri barədə məlumat verir.

Nəfis şəkildə çap olunmuş kitabda tərcüməçi-türkoloq Kenessey Marianın ön sözü, həmçinin Respublikamızın Macarıstandakı səfiri Vilayət Quliyevin Azərbaycan dramaturqu və filosofu M.F.Axundzadə barədə geniş məqaləsi dərc olunmuşdur.

Ədəbiyyat qəzeti.- 2013.- 25 yanvar.- S.2.