Nə mənası var

Taleh tərəqqidən salsa insanı

Atılıb-düşməyin nə mənası var?!

Bir bulaq gözündən qurusa əgər,

Min yerdən eşməyin nə mənası var?!

Yüz yerdən yamaq vur, yüz yerdən bəzə,

Sabah köhnələcək bugünkü təzə.

Talehin hökmüylə tutulan gözə

Qızıldan çeşməyin nə mənası var?!

Əhməd, el misalın unutma sən də:

"Daş qurbətə düşər yük əyiləndə".

Zərdən şeş istəsən, yek gətirəndə

Qovrulub bişməyin nə mənası var?!

Ayrım Əhməd

Ədəbiyyat qəzeti.- 2014.- 4 aprel.- S.3.