Mustafa Rasimoğlu - 50

Hörmətli Mustafa Rasimoğlu!

Sizi- isdedadlı şairi yarıməsrlik yubileyiniz munasibətilə təbrik edirik.

Siz ötən əsrin 80-ci illərində ədəbiyyata gəlmisiniz. Şeirlərinizlə respublikanın müxtəlif mətbu orqanlarında, xüsusilə, “Ədəbiyyat qəzeti”ndə, “Azərbaycan”, “Ulduz” və s ədəbi orqanlarda çıxış etmisiniz,oxucuların diqqətini cəlb etmisiniz.

“Mənə ürək verin”, “Ürəklərə əkin məni”, “Məni haraylayır Gəmiqayası” adlı şeir kitablarınızı ədəbi ictimaiyyət maraqla qarşılamışdır.Şeirlərinizdəki vətənpərvərlik ruhu uzun müddət hərbi xidmətdə olmağınızla daha çox bağlı və həmahəngdir. Qarabağda və Qazaxda torpaqlarımızın qorunması uğrunda gedən döyüşlərin fəal iştirakçısı olmusunuz.Azərbaycan Yazıçılar Birliyinin üzvlük biletini səngərdə almısınız. Publisistik məqalələrinizin ruhunu da döyüşkənlik motivləri təşkil etməsi təsadüfi deyil.

Azərbaycan ordusunun mayoru olaraq təqaudə çıxmısınız.

Yazıçıların Qazax bölməsinin ədəbi orqanı olan “Sınıq körpü” jurnalının məsul katibi olmusunuz.

Siz Bakı Dövlət Universitetini bitirmisiniz. Hazırda əmək fəaliyyətinizi əsas iş yeriniz olan Azərbaycan Müəllimlər İnstitutunun Qazax filialında baş müəllim kimi davam etdirirsiniz.

Hörmətli Mustafa müəllim!

Siz yaradıcılığınızın və yaşınızın çiçəklənən dövrünə qədəm qoymusunuz.

Sizi bir daha yubileyiniz munasibətilə təbrik edir, sizə cansağlığı və yeni yaradıcılıq uğurları arzulayırıq!

Azərbaycan Yazıçılar Birliyi

Ədəbiyyat qəzeti.- 2014.- 14 fevral.- S.8.