Sayad Mustafaoğlu - 75

Hörmətli Sayad Mustafaoğlu!

Sizi - Azərbaycanın tanınmış şairi və dövlət işçisini 75 illik yubileyiniz münasibətilə təbrik edirik. Siz 1939-cu il martın 10-da Qazax rayonunun Kəmərli kəndində anadan olub, Kəmərli orta məktəbini və Azərbaycan Politexnik İnstitutunu (indiki İnşaat Mühəndisləri Universiteti) bitirdikdən sonra tikinti təşkilatlarında və uzun illər bank sistemində (Azərbaycan Dövlət Bankı, Beynəlxalq Bank) məsul vəzifələrdə çalışmış və hazırda çalışmaqdasınız.

Ədəbi yaradıcılığa altmışıncı illərdən başlamısız. "İncə dərəm", "İki yolun ayrıcında", "Mənim fəxrim fərəhimdi", "Yurd yeri" kitablarının müəllifi, "Üç övlad anası İncə dərəsi" poeziya almanaxının yaradıcısı, məsləhətçisisiniz. Bir sıra ədəbi-publisistik yazılarınız ədəbi ictimaiyyətin marağına səbəb olub.

Hörmətli Sayad müəllim! Siz Azərbaycan Yazıçılar Birliyinin üzvü, Prezident mükafatçısı, Rəsul Rza adına Beynəlxalq mükafatın laureatı, Türkiyə ədəbi ödülünün sahibisiniz.

Gözəl ailə başçısı, el ağsaqqalı, eləcə də rəğbətə layiq qələm sahibi kimi sizə cansağlığı və yaradıcılıq uğurları arzulayırıq.

Azərbaycan Yazıçılar Birliyi

Ədəbiyyat qəzeti.- 2014.- 14 mart.- S.7.