Böyük tur
Son payız günü
Lya minor
etüd
Yenə də
çapışır külək
atları,
Uçuşan
yollara şəfəq
yüklənib.
Tökülür havadan
payız notları,
Yarpaqlar
“Şur”, “Nəva” üstdə köklənib.
Yeləni yelkənə
dönmüş o küknar
Necə
də dərindən çəkir ahını.
Köksü körüklənən
tinlər, dalanlar
Ötür
fuqasını üsyankar
Baxın.
Son payız günüdür...bu
gün...son payız,
Qızılsaç
gözəllə vida
günüdür.
Quşların nəğməsi
fəslin son payı,
Payızın
bizimlə vida ünüdür.
...Hər dəfə
payızda düşünürəm
ki,
Qədrini
bilmədim baharın,
yayın.
Qarşıdan qış
gəlir... üşənirəm
ki,
Gələn son qismətdir,
ömrün son payı...
Dekabr - 2013
***
İl dolanır,
günlər gedir payıza…
Dağ
çayları qız
beli tək nazilir.
Zirvələrdə boz qarışıb bəyaza,
Bülbül
köçdü, gül
sərçəyə naz
edir.
Necə keçib
getdi yaz, heç bilmədik,
Yay
yandırdı, qızmarında
gülmədik.
Xəzəl xəzan
xalısında ilmədir,
O da qalıb ayaq altda əzilir.
Bu da ömür
örnəyidir, dərsidir,
Boz
sərçələr bülbüllərlə
bəhs edir.
Oxunan not yazısının
tərsidir,
Cır nəğmənin
de, nə bəmi, nə zili…
Dadı
bumu daddığın
son tikənin?!
Ömür adlı
hər bir saray tikənin
Zaman gəlir güc-qüvvəti tükənir…
Özgə
qazır ona son dar mənzili.
Oktyabr - 2011
***
Şair, əldən
düşdüm demə,
Eyzən
səni işdə görək.
Çörəyin ki, daşdan çıxır,
Gəmir
daşı, dişdə
görək.
Bal gizlənir hər çiçəkdə,
Həyat
şəhdi var pətəkdə.
Sallaşıb qalma
ətəkdə,
Səni
hər vaxt başda görək.
Tər çiçəkdən
dər incini,
Dərələrdə
dər dincini.
Kim unudar birincini,
-
Səni
zirvə, qaşda görək.
Sərrast de saytal
sözünü,
Yormasın
yollar dizini.
Elə yaşa
yol-rizini
Bu torpaqda, daşda görək.
İz qoyanın
izi itmir,
Ömür
bu dünyayla bitmir.
Demə, yüzə
hünər yetmir,
Kaş
səni Nuh yaşda görək.
Avqust - 2013
Dərbənd mövzusunda variasiyalar
Nə düşmüsən
dərbədər
Bərdədən
Dərbəndə qədər?!
Debertsendə nə
ölümün,
Qal elə Dərbənddə gəbər!
Dərbənddə ki, dərd dərdin,
Daha
orda nə dərdin.
Bədəl umma
Bərdədən,
Durma,
dəbər Dərbənddən.
Hər dərdim
bir qalamdı,
Od vurdun dərd qalandı.
Mərddi Dərbənddə
bəndəm,
Dərbənd
dərddə qalamdı.
Tərəyəm, tərə
bəndəm,
Təzəyə
bənd, zərə bəndəm.
Dərbənd sipərim
olsun
Zalımların
zərbindən.
Mart - 2014
***
göydə mələk olmağa
nə var ki, qardaş!
oğulsan düş aşağı,
yerdə mələk ol...
səmada masmavi
duman içində
pərqu buludların ağ döşəyində
salxım ulduz yanan
sirli boşluqda
gün kimi, ay kimi
mələk doğulur...
boğulur, göyün mələyi
yerdə boğulur!..
Avqust -
2003
Pikassovari
Pəncərəmdə damlalar
Süzülür
düzüm-düzüm.
Aynasından gözümə
Qəzəblə baxır
üzüm...
Dedim, dayan,
nəfəs dər,
İstəsən,
lap çək ahı.
(Bir sifəti nə qədər
Görmək
olar, ilahi?!)
Üzüldüm öz
üzümdən...
Başımda atəş
çaxdı!
Dün daddığım
üzümdən,
Gözümdən
çaxır axdı.
Fevral – 2014
Lirika
Bir ölkəni yaraladı
Tir-tir,
Kral Liri kəsib.
Mən də
iki paralanıb
Sevdim
səni lirikasız.
Sevdim səni
gül-çiçəksiz,
Əllərimin
yağırıyla.
Düşüb qoşa
yanaşı biz
Getdik
ömür cığırıyla.
Nə mən
sənə saray verdim,
Nə
sən məndən bağ istədin.
Hər səsinə
haray verdim,
Gördün
əlim göz üstədi.
Yoxdur qızıl
balığımız,
Arzulara
tez yetirsin.
Var qaraca balağımız,
De, allah bərəkət versin.
Qış böyüyər
camış olar,
Çəkib
bazara sataram.
Cibim pul-parayla dolar,
Sənə təzə
don alaram...
...Qaldı o uzaq
ölkəyə,
Düşdü
Kral Liri kasıb.
Havalandı yazıq
qoca,
Bacarmadı lirikasız...
Avqust -
2013
Cəbr-həndəsə dərsləri
Həyat misal-məsəllidir,
Suallardır
bizi çapan.
Həlli çox
az təsəllidir,
Xoşbəxtdirmi cavab
tapan ?!
Bu tərəzi, bax,
bu qapan,
Çıx dur
lap üstündə dayan.
Biri tələ, biri qapan...
Çəkənə
hər sirrin əyan.
Ömür cəbr
dərsi imiş,
Yaxşı
bilənlər qazanır.
Yeddini vur
ona, yetmiş,
Sonra
da yüzə uzanır.
Həndəsə də
var, tərsimi,
Mən
hər şeyi tərsə qandım.
Çox vaxt
o cəbr dərsinin
Cəbrinə dözmədim,
yandım...
Fevral -
2014
Böyük tur
Bir ömrü mən bax gör
nəyə sərf elədim:
Xırdalayıb
hər bir sözü hərf elədim.
Nə qazandım
bu sevdada tərk elədim,
Xiridaram,
xəzinəyəm, yatıram.
Çalar tapdım,
rənglər tutdum hər söz- səsdən,
Nə dedimsə
yavaş dedim eyzən qəsdən.
Bu gün yenə
asta-asta elə pəsdən
Nəğmə
ötən kamançayam,
ya taram.
Bəyənməyən oldu məni, həm bəyənən,
Əsilzadə bir
ozanam, mən bəy, əyan...
Çətin qandı
ötəriyə boyun
əyən,
Hər
min qəlbdən yüz
ürəyə yatıram.
Mən şöhrəti
asan yolla qazanmadım,
Boş
alqışa şellənmədim,
qızınmadım.
Yalan- şayən bəzək vurub yazammadım,
Bəd
gözlərə batan
oxam, ya tirəm.
Ömür ötdü,
qarşıdadır yaxın
qürub...
Zirehimdi,
çaşdırmasın sizi
qürur.
Yaşlaşsam da,
dizdə təpər,
yenə məğrur
Qaya
üstdə dağ qoçuyam, ya turam.
Tur dediyin türk sözüdür,
rus boqatır,
Böyük turdur,
bahadırdı, qüvvətli
tur.
Dil dirrikdi, mən cuvaram, sən geri dur,
Hər
tağımda istərəm
dürr yetirəm.
Doğma sözə
olmuşam mən eyzən möhtac,
Hər
bəladan tək bir sözü bildim əlac.
Söz ki,
düşdü, gizlətməyə
nə ehtiyac,
Gecələr də
dilim altda söz yatıram
Astarım yox,
içdən-çöldən bir üz-avand,
Arzularım
tülək-tərlan, qartal
qanad.
Tərk etmədi
təni cavan istək, inad,
İnadla da
istəyimə yetirəm!...
Mart - 2014
***
Qışda qar
üstündə, yayda
qumluqda
Əyri
bir çubuqla cızdın adımı.
Mən isə
eşqinlə yanan köksümdə
Qızmar
bir qarmaqla qazdım adını.
Yaz qarı əritdi, qumu sovurdu,
Adımdan
bir əsər, bir iz qalmadı.
Mənimsə köksümdə
vaxtın çovğunu
Heç
bircə hərfi də silib çalmadı.
Gözümdə, fotolent
əksin yox sanı...
Gülüb-ağlayanda
qətrə göz yaşı.
Şəklini nagahan
aşkarlar ani
Yenə
də göynəyər
qəlbimin başı...
`
...Bu sevgi dünyası,
eşq aləmində
İndi
dəbdə deyil məntək kişilər.
Heç kimin
işi yox yad ələmində,
“Krutoy” oğlanlar gəzir dişilər.
Odur ki, bu
dəbdən düşmüş
xislətlə
Özüm
də bilirəm, gülməliyəm mən.
Neynəmək, görünür
bu xasiyyətlə
Sonadək yaşayıb,
ölməliyəm mən...
İyun
- 2013
Tilsim
Ürəyimin bir
tel simi
Heç
unutmur bir tilsimi.
Mənə əsir
düşdüyün gün
O könüllü təslimini.
Bacarmıram daha
dedin...
Dözəmmirəm
bu əzaba.
Nə istəyirsiniz
edin...
Mənimki
qaldı Allaha.
Öyündüm asan
şikarla,
Amma məni sən ovladın! -
O ümidsiz etibarla
Sən ovçunu
buxovladın...
Yanvar -
2014
Çingiz Əlioğlu
Ədəbiyyat qəzeti.- 2014.-
16 may.- S.4.