Əbülfət Mədətoğlu - 55

Hörmətli Əbülfət müəllim!

Sizi - istedadlı şairi 55 yaşınızın tamam olması münasibətilə təbrik edirik.

Siz 1959-cu ilin yanvarın 1-də Dağlıq Qarabağın Xocavənd rayonunun Tuğ kəndində anadan olmusunuz. Orta məktəbi başa vurduqdan sonra Azərbaycan Dövlət Universitetinin tarix fakültəsində təhsilinizi davam etdirmisiniz (1981-1986). Əmək fəaliyyətinizə «Təşviqatçı» jurnalında korrektor vəzifəsi ilə başlamısınız. Sonralar «Araz», «Qarabağ», «Azərbaycan ordusu» qəzetlərində müxbir işləmisiniz.

Bədii yaradıcılığa orta məktəb illərindən başlamısınız. İlk şeriniz «Araz» Füzuli rayon qəzetində dərc edilmişdir. «Səməni nəğməsi», «Nilufər çiçəyi», «Dərdini danışan adam», «Nişanə», «Zəhmli polkovnik», «Qəhrəman İbad» və s. kitablarınız çap olunub. Bu gün də yaradıcılığınızı davam etdirirsiniz. Mətbu orqanlarda müntəzəm çıxış edirsiniz.

Hörmətli Əbülfət Mədətoğlu!

Sizi bir daha yubileyiniz münasibətilə təbrik edir, sizə uzun ömür, cansağlığı, yeni-yeni yaradıcılıq uğurları arzulayırıq.

Azərbaycan Yazıçılar Birliyi

Ədəbiyyat qəzeti.- 2014.- 17 yanvar.- S.6.