Vasif Quliyev - 60

Hörmətli Vasif müəllim!

Sizi - tanınmış publisisti, tərjüməçini anadan olmanızın 60 illiyi münasibətilə təbrik edirik.

Siz orta təhsilinizi Xankəndində 4 saylı məktəbdə almısınız. Əmək fəaliyyətinə Xankəndində elektrotexnika zavodunda yığıcı-çilingər kimi başlamısınız. Azərbaycan Dövlət Universitetinin curnalistika fakültəsində təhsil almısınız.

Azərbaycan Dövlət Televiziya və Radio Verilişləri Komitəsində (1982-1984) çalışmısınız. Hazırda «Günəş» uşaq jurnalının baş redaktoru və «Şuşa» nəşriyyatının direktorusunuz.

Ədəbi yaradıcılığa tələbəlik illərindən başlamısınız. «Ucalığa gedən yol», «Maarif fədaisi», «Enək İsa bulağına», «Əgər şuşalısansa», «Dünənə uzanan cığır», «Ən yaxın dost», «Mənim babam kim olub», «Biz gedəsiyik, dünya qalası», «Yad et məni» və s. kitabların müəllifisiniz. Sizin fəaliyyətinizdə tərcüməçilik xüsusi yer tutur. Siz «Afrika nağılları», «Mafiya tarixi» (Q.Qular), «Qafqaz», (V.Veliçka) «Ermənilərin Azərbaycana köçürülməsi» (S.Qlinka), «Erməni alimləri və fəryad edən daşlar» (İ. Çavçavadze) və s. tərcümə kitablarınız nəşr olunmuşdur.

Hörmətli Vasif müəllim!

Sizi bir daha yubileyiniz münasibətilə təbrik edir, sizə uzun ömür, cansağlığı, yeni-yeni yaradıcılıq uğurları arzulayırıq.

Azərbaycan Yazıçılar Birliyi

Ədəbiyyat qəzeti.- 2014.- 31 yanvar.- S.7.