Fevral ayının 7-10-u arasında İtaliyanın Milan şəhərində Cüzeppe Verdi Konservatoriyasının professoru Davide Qualtleri tərəfindən hazırlanmış, Azərbaycan şairlərinin şeirlər kitabının təqdimatı keçiriləcək. Təqdim edilən şeirlər əsasən Qarabağ mövzusundadır. Hər şeir Azərbaycan dilində olduğu kimi çap edilib, italyan dilində tərcüməsi də verilib. Şeirlərin bir çoxuna italyan bəstəkarları tərəfindən musiqi bəstələnib. 2013-cü ildə kitabın hazırlanması ilə birbaşa məşğul olan italyan həmkarlarımız iki dəfə Azərbaycanda olublar. Bir dəfə də kiçik bir heyətlə biz Milan Konservatoriyasında müəllim və tələbə heyəti ilə görüş keçirmişik. Hazırlanan kitabdakı şeirlərdən nümunələr səsləndirmişik. Əlbət ki, kitab haqqında geniş məlumatı İtaliyadakı təqdimatdan qayıdandan sonra oxuculara təqdim edəcəyik.

Fırlanıram vals,vals,vals!

Otaq fırlanır tamam fırlanır

Zaman fırlanır, yaman fırlanır

Damarlarımda al qan fırlanır

Ayaq yorulmaz vals,vals, vals

Mənim başımda dəli fikir tək

Yerin başına fırlanır külək

Fırlanıram mən bu yer fırlanır

Ürəyimdə bir şeir fırlanır

Deyir məni yaz

deyirəm olmaz

Fırlanıram vals,vals,vals.

Əldə piyalə

Musiqi xoşdur

Yer də sərxoşdur, göy də sərxoşdur

Fırlanır aləm

sərxoş olub qəm

Ha bir də bir də

vals olan yerdə başsız da keçər

ayaqsız olmaz

fırlanıram vals, vals, vals!

***

Al gir di valzer, valzer, valzer!

Gira la sala tutt’attorno gira

e poi piu forte, alle mie

vene gira

rosso il mio sangue

e si mai stanchi i piedi

al gir di valzer, valzer,

valzer!

E come folle idea nella mia mente,

qual vento che intorno a terra gira,

ed io con lui, giu nel mio cuor

pur gira al verso una piccola poesia.

Mi chiede: scrivimi!

ma scriverla non posso!

Al gir di valzer, valzer, valzer!

Al brindisi m’appresso

di musica piacevole ,

ebbro di terra e cielo,

poi tutto il mondo gira

e m’apro alla tristezza.

Dai, su!, ancora un'altra volta.

Laddove suona un valzer

puoi si obliar la mente

ma ferme devi aver le gambe,

al gir di valzer, valzer, valzer!

Fikrət Qoca

Tərcümə edəni: Davide Gualtieri

Ədəbiyyat qəzeti.- 2014.- 31 yanvar.- S.6.