GECƏN XEYİRƏ QALSIN, GÜLÜM

Yatağın

iyun buludutək

yumşaq və bəyaz olsun,

yuxuda yolunu

eşqin yanından sal,

bir çay kənarında,

söyüd kölgəsində

ayaqları suya qoy,

əlində,

Bursa malı,

bir tişə,

səhərə qədər

ümidlərini yon.

Bir də məni düşün

yuxunda,

yəni,

yumşaq, bəyaz

iyun buludunu,

yəni, çay kənarını,

yəni, söyüd kölgəsini,

yəni, yonduğun ümidlərini.

Və gecən

xeyirə qalsın, gülüm.

Nevzat TEKİN

Ədəbiyyat qəzeti.- 2017.- 23 sentyabr.- S.17.