Todur Zanet

Tanınmış qaqauz şairi, nasir, dramaturq, alim, ictimai xadim. Qaqauz Milli Himninin müəllifi, "Ana sözü" qəzetinin yaradıcısı və baş redaktorudur. Təqdim edilən şeirlər "Korlaşmış atəş" kitabındandır.

Məndə bir Vətən var

Məndə bir Vətən var,

Anamla atam var,

Bir millətəm:

Həm evəm,

Həm çox dəyərli ərəm.

Dua

Allahım,

İstəyirəm dövlətim olsun,

İllərlə yaşasın, millətim olsun!

Var olsun Ana Dilim - bir dilim deyil,

Bir bütün kimi olsun -

Dünən, bu gün və hər gün,

Həm indi, həm də sonra,

Əsrlərin sonrasında,

Əbədi!

Amin!

***

Sənə "Gəl, qal!" demək

Düşünürsən asandır?

Amma "Çıx, get!" demək

Bundan daha çətindi, eləmi?

***

Sevmənin də, sevilmənin də bir dəyəri var,

Amma bu biləninmi qisməti, biməyəninmi?!

***

Səni heç belə sevdilərmi?

Yanında diz çöküb durdularmı?

Sevdadan, duyğudan əlini öpdülərmi?

İllər keçəndən sonra aradılarmı?

"Səni sevirəm!" dedilərmi, söylədilərmi?

Ba-ğırr-dı-larr-mı???

Bir mahnı

Çöldə gördüm maralı

Yamaclardan aralı,

Bir yar seçdi özünə

Bəbəkləri qaralı.

***

İpsiz bağladın məni özünə,

Necə dönüm bundan sonra evimə?

Məlum, şübhəsiz ki, burda qalaram

Bircə dəfə baxsan mavi gözümə.

Təqdim etdi: Səlim Babullaoğlu

Ədəbiyyatı qəzeti.- 2018.- 15 dekabr.- S.5.