Yovan Zmay (Serbiya)

Saat

Gəldi kiçik qardaşım,

Stol üstünə baxdı.

Gördü ki, saatımız

Çıqqıldayır havaxtdı.

Götürməkçün saatı

Tez irəli yeridi.

Bu dəfə də əlində

"Tk-tak... tik-tak" deyirdi.

Kiçik qardaşım dedi:

-Yəqin süd istəyir bax.

Elə buna görə də

"Tik-tak... tik-tak" - deyir bax.

Bir kasa süd gətirdi,

Saldı südə saatı.

-Gördün, səsini kəsdi,

Doyub deyə, nə yatır.

Tərcümə edən: Qəşəm İsabəyli

Ədəbiyyat qəzeti.- 2018.- 7 iyul.- S.29.