Lələtəpə dastanı
Lələtəpə bir qayıdış,
bir qurtuluş dastanıdır,
300 illik bir savaşın bəlkə də baş dastanıdır.
Lələtəpə - tariximin sınan,
dönən nöqtəsidir,
Azərbaycan varlığının
Yer üzünə diktəsidir.
Lələtəpə - sevdamızı
süsləyəcək zəfər
tacı.
Lələtəpə - qalibiyyət eramızın
başlanğıcı!
300 ildi qüvvədəydi
imperator vəsiyyəti,
Qüvvədəydi millətimin müsibəti,
əziyyəti.
300 ildi gözləri kor, dili laldı
həqiqətin,
Buxovunda çırpınırdıq kor
düyümlü bir lənətin.
Şaxələnib xəyanətin, cinayətin
budaqları,
Parçalanıb, qəsb edilib Azərbaycan torpaqları.
Sarayları, məscidləri, qəbirləri
darmadağın
Ana yurdum İrəvanın,
Zəngəzurun, Qarabağın.
300 ildir ölüm, zindan, sürgün, talan, qırğın, qada;
Başımıza açılmayan nə qaldı ki, bu dünyada?!
Namərd
qonşu qabığında
sığmır göyə,
sığmır yerə,
Xəyalları lövbər salır dənizlərdən dənizlərə.
Məqam
gəzir, fürsət
tapır tarixin hər dönəmində,
Azğınlaşır məlun şeytan məsum mələk görkəmində.
Qırır, kəsir körpələri,
qadınları, ahılları,
Əməli bu, dilindəsə soyqırımı nağılları.
Bu qurbanlıq ədasıyla
şöhrət tapır,
dövlət qurur,
Evlər
yıxır, canlar alır, yurdlar-yuvalar uçurur...
300 ildir davam edir
bu xəyanət, bu cinayət!
Və nəhayət
Qəzəbinə, nifrətinə yığılan
xalq,
Bir sevdaya düyümlənən,
Bir yumruğa sıxılan xalq,
- Dayan! - dedi.
Varlığında tarixlərdən
daşıb gələn
bir həyəcan,
Əməlində haqdan, xalqdan qaynaqlanan təmkin, iman,
Qətiyyəti, cəsarəti nəsillərdən
miras alan
Bir sərkərdə, Baş
Komandan:
- Dayan! - dedi.
Addımından yer titrəyən,
nərəsindən göy
sallanan,
İnsan
oğlu idrakının
son gücüylə silahlanan,
Vətən, torpaq sevdalısı
bir müəzzəm,
modern ordu
"Bilsin dünya, varlığımla qoruyacam
mən bu yurdu,
- Dayan!" - dedi.
Bağrındakı yaraları bir-bir sökdü, bir-bir açdı,
Tarix köpdü, tarix daşdı:
- Dayan! - dedi.
Təbiət də bu savaşda, təbiət də bir təlaşda,
Yer də, göy də, dağ da, daş da:
- Dayan! - dedi.
Məzarında çevrilənlər yetər dedi, yetər, yetər.
Qisas qalmaz qiyamətə,
- Dayan! - dedi.
Şəhadətə qoşan ruhlar bədənlərdən
fışqıraraq,
Qan-qırmızı qışqıraraq,
- Dayan! - dedi.
- Dayan! - dedi Azərbaycan
- Dayan! -
Dayan!
300 illik bu axına!
300 illik bu tauna!..
Düşmən şaşqın, düşmən
dəli,
Üzərinə məhşər gəlir.
Od püskürür
dörd bir yanı,
Torpaq yanır,
səma yanır.
Göy üzündə təyyarələr,
Yer üstündə nələr,
nələr...
Toplar, tanklar, BTR-lər,
Zireh dələn, beton dələn,
Məsafədən məsafəyə
Hədəfi tam birdəfəyə
Vuran raket mərmiləri
Silkələyir göyü-yeri.
Modern ölüm dühaları
-
Dronları - İHA-ları,
Göy üzünün qorxuları
-
Yeni zenit qurğuları,
Uçaqsavar, raketsavar -
Ən
modern, ən son silahlar
Atəş açır, ölüm
saçır;
Düşmən dönür, düşmən
qaçır
Bölük-bölük, axın-axın,
Sıraları darmadağın,
Yaratdığı mif dağılır
Bitir "miatsum"
nağılı.
Düşmən şaşqın, düşmən
dəli,
Hər tərəfdən
üzgün əli.
Nə kömək var, nə həyan var,
Yoxa çıxıb havadarlar
-
Böyük beşlər, böyük
üçlər
İmperiyalar, supergüclər.
Göyə çıxıb, yerə
batıb,
Harda ölüb, harda yatıb
Ştatlardan üzübəri
Səpələnmiş lobbiləri?!
Nələr olur, nələr bitir? -
Çalxalayır interneti.
Bu nə sürət, bu nə təlaş,
Ekranlarda
fləş, fləş,
Yeni-yeni,
diri-diri
Son dəqiqə xəbərləri
Titrlərdə gəlir-gedir:
Azərbaycan hücum edir!
Düşmən şaşqın, düşmən
dəli,
Heybətindən tutqun dili.
Bu kükrəyən, asan-kəsən,
Fırtınalar kimi əsən,
"Can Qarabağ" nidasıyla,
Vətən, millət sevdasıyla
Sədlər aşan, cəbhə
yaran,
Ölümə meydan oxuyan
O ruhdumu, o candımı,
Tarix yenə
oyandımı?
Hələ neçə illər
qabaq
Fitnələrə dayanaraq
Xocalıda qətl etdiyi,
Soyqırımı törətdiyi
O millət, o xalqdımı
bu,
Tanrıdımı, haqdımı bu?
Dözdü, durdu, dirçəldimi,
Yenə özünə gəldimi?
Heç
olacaq bir işdimi,
Hər şey belə dəyişdimi?
Hardan çıxdı bu silahlar,
Bilmədiyi bir sirmi var?
Hardan gəldi bu güc,
səbat,
Bu intizam, bu təşkilat?
Gözləyirdi neçə ildi,
Yenə də əmin deyildi.
Bu məsələ ağır,
çətin,
Təkbaşına bir millətin
Çəkəcəyi bir yükdümü?
Dünya beşdən böyükdümü?
...Lazım idi bu qələbə,
Lazım idi bu Vətənə.
Həyat
verən qan kimiydi
Qan itirmiş
bir bədənə.
Lazım
idi bu qələbə
-
Lazım
idi Lələtəpə!
Lələtəpə bir qayıdış, bir qurtuluş dastanıdır,
300 illik bir savaşın bəlkə
də baş dastanıdır.
Lələtəpə - tariximin sınan, dönən nöqtəsidir,
Azərbaycan varlığının Yer
üzünə diktəsidir.
Lələtəpə - sevdamızı süsləyəcək
zəfər tacı.
Lələtəpə - qalibiyyət eramızın başlanğıcı!
Lələtəpə, Lələtəpə,
Hələ ilkdir, hələ
təpə...
Vulkanları püskürəcək,
Ucalacaq,
dağ olacaq!
Düşmənlərin sinəsində
Özü boyda dağ olacaq!
300 ildir zülmün yaşı!
300 ildir haqq savaşı!
300 illik zülmün, qəsbin
Son saatı, dəqiqəsi,
saniyəsi
Lələtəpə zirvəsində
bitdi getdi.
300 illik xəyanətin,
cinayətin təntənəsi
Lələtəpə kölgəsində
itdi getdi!
Bundan sonra düz 300 il
Zaman bizə işləyəcək,
Tarix bizə çalışacaq!
Dünya buna alışacaq.
Bu əbədi həqiqəti
Biryolluq
qonşu millətin
Anlamalı hər fərdi
ki...
Lələtəpə göstərdi ki,
Torpaqdan
pay olmayacaq,
Azərbaycan durmayacaq!
O torpaqlar alınacaq,
Sinəsində yeni, gözəl
Yurd-yuvalar salınacaq.
Boylarımız boylanacaq,
Soylarımız soylanacaq,
Haqqı
əzən millətlərin
Nəsilləri əziləcək!
Haqqı
kəsən millətlərin
Nəsilləri kəsiləcək!
Zaman-zaman,
dönəm-dönəm
Türkün böyük vətənindən
Torpaq alıb verdikləri,
Forpostları gördükləri
"Yazıq", "kiçik"
qardaşları,
"Buruq", "incik" qardaşları
Yer eləyib qudurduqca,
Durub üzünə durduqca,
Xəyanətin bıçağını
Hiss etdikcə kürəyində,
Ədalətin göz dağını
Yaşadıqca ürəyində,
Qovulduqca,
atıldıqca,
Ən həyati mövqeləri
Okeanın o tayına satıldıqca,
300 ildir dost bildiyi
Kəsildikcə ona qənim,
Pyotrun nəvələri
Biləcək ki,
Dostu kimdir, düşməni kim!
Bundan sonra düz 300 il
Zaman bizə işləyəcək,
Tarix bizə çalışacaq!
Arzu Əsəd
Ədəbiyyat qəzeti.- 2019.-
22 iyun.- S.5.