Azərbaycan Yazıçılar Birliyi

Lənkəran bölməsinin yeni sədri

Bu gün Azərbaycan Yazıçılar Birliyinin Lənkəran bölməsində bölmənin yeni sədri Qafar Cəfərli əməkdaşlara təqdim edilib.

Pandemiya qaydalarına uyğun keçirilən tədbirdə AYB katibi Rəşad Məcid, yazıçı-dramaturq Hüseynbala Mirələmov, Lənkəran şəhər icra hakimiyyəti başçısının birinci müavini Möhübbət Babayev iştirak ediblər.

Bölməyə təyin olunan yeni sədr Qafar Cəfərli bildirmişdir ki, bölmədə təmsil olunan qələm adamlarının ədəbiyyatımızın inkişafına yeni töhfələr verməsində əlindən gələni əsirgəməyəcək.

Xatırladaq ki, yazıçı Qafar Cəfərli AYB sədrinin müvafiq əmri ilə 17 avqust 2020-ci il tarixindən bu vəzifəyə təyin olunmuşdu. Azərbaycan Yazıçılar Birliyinin Lənkəran bölməsinin bundan əvvəlki sədri şair İltifat Saleh idi. O, bir il öncə 84 yaşında vəfat etmişdi.

Ədəbiyyat qəzeti.- 2020.- 5 sentyabr.- S.14.