Zəfər
nəğməsi
Müqəddəs
Qalib Üçlük!
Poema
IV bölüm
Vətən müharibəsindəki misilsiz tarixi qələbəmizi gerçəkləşdirən,
heç şübhəsiz,
rəşadətli əsgər
və zabitlərimiz, şəhid və qazilərimiz olmuşlar. Lakin bu qanlı-qadalı
ölüm-dirim savaşının
rəhbərliyini tam məsuliyyətilə
öz üzərinə
götürən dəmir
yumruqlu cəngavər
sərkərdəmiz İlham
Heydər oğlu Əliyevin qəhrəmanlığını,
ona siyasi, hərbi, psixoloji və digər müstəvidə
dayaq duran qardaş və dost ölkə olan Türkiyənin prezidenti dəyərli, sayın Rəcəb Tayyib Ərdoğanın səmimi,
dönməz qətiyyətini,
Pakistanın Baş Naziri dosta sədaqətli,
qədirbilən İmran
Xan Əhməd Niyazinin dayanıqlı dəyanətini və bu üç dövlət başçısının,
üç Ali Baş
Komandanın, bizim üçün üç
müqəddəs şəxsiyyətin
şanlı qələbəmizdəki
əvəzedilməz rollarını
da xususi olaraq vurğulamaq, qiymətləndirmək, təqdir
və tərənnüm
etmək hər birimizin mənəvi borcudur.
Təəssüflər olsun ki, müharibə bitən(!) gündən bu yana riyakar
və mənfur düşmənin
davranışı, sözü-sovu,
qapı-qapı sülənmələri,
dünyanın bəzi
dövlət rəhbərlərinin
sərsəm açıqlamaları
bu xəmirin hələ çox su aparacağından, lap elə hərbi yolun yenidən labüdləşə biləcəyi
ehtimalından xəbər
verir. Görünür,
ürəyiyumşaqlığa yol vermişik, Dəmir yumruğun son zərbini taxtabaş qafalara ölümcül həddə qədər endirməmişik, əfi ilanı ağır yaralı halda buraxmışıq...
"Zəfər
nəğməsi" poemasının
"Müqəddəs Qalib
Üçlük!" adlı
IV son bölümündə qəhrəmanlıqlarını ürəkdən gələn
ən səmimi duyğularla tərənnüm
etdiyim üç Ali şəxsə, həmçinin,
bəzi-para həyəcanlı
anlara diqqət yetirmələrini acizanə
təvəqqe etmiş,
düşüncə və
hisslərimi çatdırmışam...
Ulu Yaradan külli-aləmi,
bəni-adəmi Uca dərgahında hifz etsin, o cümlədən də bizə dost, qardaş olan Türkiyə ilə
Pakistan əhlini və
bizim başı bəlalı milləti!
Dünyaya gələn insan
Qazansın gərək ad-san.
Yaşamaq üçün şadman,
Hamıya
verin imkan,
Müqəddəs Qalib Üçlük!
Söykənin vətəndaşa
Darda dönsün qardaşa,
Silah alıb birbaşa,
Atılsınlar savaşa,
Müqəddəs Qalib Üçlük!
Xalqı
düzgün buyuran,
Bəxtiyar ölkə quran,
Nahaqqa yumruq vuran,
Millətə arxa duran,
Müqəddəs Qalib Üçlük!
Yumruq olduq bu səfər,
Sevindi hər bir əsgər,
Savaşda çaldı zəfər,
Ruhumuz tapdı təpər,
Müqəddəs Qalib Üçlük!
Xalqla dövlət qarışdı,
Millət
tamam barışdı,
Bəhsəbəslə yarışdı,
Cəbhə üçün çalışdı,
Müqəddəs Qalib Üçlük!
El güc verdi
dövlətə,
Ordu gəldi qüvvətə,
Sahib oldu qüdrətə,
Düşmən düşdü dəhşətə,
Müqəddəs Qalib Üçlük!
Şəhidlərin xatiri,
Qalmalıdır hey diri
Dürüst tutsaq tədbiri
Unudulmaz
heç biri,
Müqəddəs Qalib Üçlük!
Bir damla şəhid qanı,
Cənnət edər hər yanı,
Bütöv Azərbaycanı,
Türkiyə, Pakistanı,
Müqəddəs Qalib Üçlük!
Qaziyə
diqqət edən,
Arabir qonaq gedən,
Hal tutan, xoş söz deyən,
Süfrəsində şam yeyən,
Müqəddəs Qalib Üçlük!
Onlara qayğı gərək,
Ev-eşik, paltar-çörək,
Ən azı, duyan ürək,
Borcluyuq
çox şey verək,
Müqəddəs Qalib Üçlük!
Salim qalan veteran,
Hərəsi bir qəhrəman,
Kömək duraq hər zaman,
Hamısına deyək "Can!"
Müqəddəs Qalib Üçlük!
Qudursa haylar yenə,
Çıxacaq onlar önə,
Hücum
çəkib düşmənə,
Qıracaq dönə-dönə,
Müqəddəs Qalib Üçlük!
Rahat yuxu yatmayan,
Xalqa yalan satmayan,
Haqqa böhtan atmayan,
Xeyri şərə qatmayan,
Müqəddəs Qalib Üçlük!
Rüşvətxor talançılar
Dövləti gözdən salar,
İqtidar rüsvay olar,
Millət
pis günə qalar,
Müqəddəs Qalib Üçlük!
Varidatı müf yığan,
İkiayaq kərgədan,
Bilsin ki, qusacaq qan,
Qurulacaq
haqq-divan,
Müqəddəs Qalib Üçlük!
Qeybdən gələn səsdir:
Var yığmaq boş həvəsdir!
Dünya
malı əbəsdir,
Beş arşın kəfən bəsdir,
Müqəddəs Qalib Üçlük!
Yaşayış dərd-azardı,
Dünya
sanki bazardı,
Hamı
ondan bezardı,
Hatəm
nələr bacardı...
Müqəddəs Qalib Üçlük!
Saflıq
marşı çalınsın,
Haram əldən alınsın,
Tez büdcəyə salınsın,
El malına qatılsın,
Müqəddəs Qalib Üçlük!
Əməyə verin qiymət,
Çəkilən halal zəhmət,
Hamıya
verər sərvət,
Vətənə bolca nemət,
Müqəddəs Qalib Üçlük!
Qoymasın məmur minnət,
Xalq üçündür hökumət,
Göstərsin elə xidmət,
Qazansın sayğı, hörmət,
Müqəddəs Qalib Üçlük!
Üçlükdə "Birlik" quran,
Bədxahları susduran,
Bir oturub, bir duran,
Zərbəni güclü vuran,
Müqəddəs Qalib Üçlük!
Dünyada gücdü hakim,
Güclüyə dinmir heç kim.
Yara bağlayan həkim,
Sağaldan sübhan-rəhim,
Müqəddəs Qalib Üçlük!
Köhnə tarixi silin,
Rusiyanı dost bilin,
Övladıyıq bir elin,
Bir torpağın, bir çölün,
Müqəddəs Qalib Üçlük!
İngilislər bu dəfə,
Ucaldılar şərəfə,
Düz vurdular hədəfə,
Durdular haqq tərəfə,
Müqəddəs Qalib Üçlük!
Sərbəstləşib get-gəliş,
Nizamlanır hər bir iş:
Ünsiyyətdə dirçəliş,
İqtisadi yüksəliş,
Müqəddəs Qalib Üçlük!
Hədəfimiz Turandı,
Kitabımız Qurandı,
Üçlüyün dostluq andı,
Bəşər oğlu insandı,
Müqəddəs Qalib Üçlük!
Dərmandı saf havası,
Təklə-Məkan ovası,
Turanın ilk yuvası,
Qalibiyyət davası...
Müqəddəs Qalib Üçlük!
Məcbur
olduq köçməyə,
Yeni sular içməyə,
Əkib,
səpib, biçməyə,
Təzə yurdlar tikməyə,
Müqəddəs Qalib Üçlük!
Min il boyu köç etdik,
Yurdlar saldıq, yol getdik,
Ağ dənizə düz yetdik,
Şükr, nə batdıq,
nə itdik,
Müqəddəs Qalib Üçlük!
Yol açın Naxçıvana,
Nur saçın siz cahana,
Örnək olun İrana,
Nəfəs verin Turana,
Müqəddəs Qalib Üçlük!
Düşmənlər ara
qatır,
Nə dincəlir, nə yatır,
Aləmə yalan satır,
Turana böhtan atır,
Müqəddəs Qalib Üçlük!
Bərk
tutun Qarabağı,
Həzm
etmir uduzmağı,
Şitəngən it uşağı,
Görmür siz kimi dağı,
Müqəddəs Qalib Üçlük!
Xudam əcəb verib pay,
Qonşu
düşüb bizə
hay,
Zatı
qırıq, əsli zay,
Günümüz olub ah-vay,
Müqəddəs Qalib Üçlük!
Qaynayıb qazan daşır,
Düşmənin ağlı çaşır,
Açıq-aşkar sataşır,
Qudurub həddin aşır,
Müqəddəs Qalib Üçlük!
Qatil
Robert sülənir,
Yad ellərdə küllənir,
Yazıq-yazıq dillənir,
Silah-sursat dilənir,
Müqəddəs Qalib Üçlük!
Cəllad
Serj batıb yasa,
Yanını basa-basa,
Quyurcuxur
yarasa,
Göstərir tasa-pasa,
Müqəddəs Qalib Üçlük!
Terrorçuya çəkin dağ,
Gözlərinə damsın ağ,
Qalmasın bir xain sağ,
Arınsın ana torpaq,
Müqəddəs Qalib Üçlük!
Xan Arazın dərdi var,
Bu dərdi kim
unudar?!
Gecə-gündüz hey çağlar,
Ayrılıq deyib ağlar,
Müqəddəs Qalib Üçlük!
Təbriz
batıb kədərə,
Çəkəmmir dəli nərə,
Qanmı töksün boş yerə?!
Mədət verin bir kərə,
Müqəddəs Qalib Üçlük!
Azərbaycan şadlanır,
Qol açıb qanadlanır,
Qarabağ abadlanır,
Yenə
cənnət adlanır,
Müqəddəs Qalib Üçlük!
Güneyin günü qara,
Yurdumuz olub para,
Hicrandan
gəldik zara,
Sağalmazmı bu yara,
Müqəddəs Qalib Üçlük?!
Pislikdə yox əliniz,
Hədyan
deməz diliniz,
Salehdi əməliniz,
Halaldı təməliniz,
Müqəddəs Qalib Üçlük!
Çiçəklənsin yurdumuz,
Ulasın
boz qurdumuz,
Qanamasın burnumuz,
Qüvvətlənsin ordumuz,
Müqəddəs Qalib Üçlük!
Abuzərəm, dastanım
Sona çatdı, ay canım,
Var olun, qəhrəmanım:
İlham,
Tayyib, İmranım,
Müqəddəs Qalib Üçlük!
Moskva, 18.02.2021
Abuzər TURAN
Ədəbiyyat qəzeti.- 2021.-
6 mart.- S.11.