RUSLAR ÖZ
TANKINI NİYƏ VURDU
(hekayə)
Ukraynalı üç qız əllərində bayraq, ölümlə üz-üzə –yolun ortasında dayanmışdılar. Birdən qarşıda rusların "Tiqr” tankı göründü. Qızlar bir-birinə qısıldı. Tank gəlib lüləsini qızların başı üstə saxladı. Dörd tankçı yerə atıldı:
–Kimsiniz, yolu niyə kəsmisiniz?! – Qışqırışdılar.
–Biz Ukraynayıq!
–Biz də böyük Rusiyayıq!
–Niyə "böyük”?!
–Çünki biz güclüyük!
–Deməli, güclü gücsüzə hücum eləməlidir?!
–Biz hücum eləməmişik!
–Bəs burda neyləyirsiniz?!
–Bəs siz?!
–Bura bizim vətənimizdir!
–Qorxmursunuz bizdən?!
–Biz heç bu günümüzdən,
sabahımızdan qorxmuruq!
–Bu gün-sabah nədi?!
–Bu gün – həyatdı, sabah – ölüm!
–Qoçaq qızlara oxşayırsınız! Adınız nədi?
–Mən – Mariopolam!
–Mən – İzyumam!
–Mən də – Ravno!
–Qəribə adlarınız
var. – Bir əsgər qaşlarını çatdı.
O biri isə:
–Şəhər adlarıdı
ki, bunlar!
–Xeyr...
–Mariopol, İzyum, Ravno... məgər şəhər adları deyil?!
–Xeyr!
–Bəs nədi?!
–Bu adların baş hərflərini yan-yana qoyun.
–MİR?!
– Rus əsgərləri
bərələ gözlərlə
bir-birinə baxdı.
–Bəli, "MİR”, yəni
"Sülh”?! – Günəş,
Torpaq, Hava, Su... – Qızlar hünərlə
cavab verdi.
Əsgərlər sakitcə dilləndi:
–Biz isə "Müharibə”yik!
–Deməli, sizə Günəş, Torpaq, Hava, Su lazım deyil!
–Niyə lazım deyil?!
–Axı siz "Müharibə”siniz!
–Nə olsun ki,
"Müharibə”yik?!
–Baxın, – qızlar yolun qırağında düşüb qalmış
rus əsgərlərinin
meyitlərini göstərdilər,
–Bunlar da dünənə qədər
"Müharibə” idi.
Artıq
sükutdular. İndi nə
Torpaq lazımdı bunlara, nə Günəş lazımdı,
nə Hava, nə Su. Heç bunlar da sizin
böyük Rusiyanıza
lazım deyil!
–Niyə lazım deyil?!
–Lazım olsaydı burda atılıb qalmazdılar ki.
Rus əsgərləri bu dəfə fikirli-fikirli bir-birinə baxdılar...
–Bilirsiniz, nə qədər meyitləriniz
küçələrin ortasında,
çöllərin düzündə
qalıb?! – Qızlar sözlərinə davam elədi. – Sabah siz də bunlardan biri olacaqsınız!
–Niyə?!
–Axı siz "Müharibə”siniz!
Rus əsgərləri
birdən komanda verilmiş kimi, dönüb tanka sıçradılar. Bir əsgər cəld kitelini soyundu, əynindəki ağ
köynəyi çıxardıb,
keçirtdi tankın
lüləsinə:
–Biz də Sülh istəyirik!
Qızlar
fərəhlə qışqırdı:
–Yaşasın Sülh!
Rus əsgərləri də sevinclə qışqırdı:
–Yaşasın Sülh!
Qızlar
əllərindəki bayrağı
bir az
da yuxarı qaldırdılar:
–Slava Ukraina!
Rus əsgərləri də onlara qoşuldu:
– Slava Ukraina!
Tank nəriltiylə geri
çevrildi. Yüz addım getməmişdi
ki, öz tankları ilə döş-döşə gəldi.
Atəş açıldı. Qızlar baxdı ki, ağ
bayraq qaldıran rus tankı alışıb yanır.
18-22.03.2022
Qəşəm İSABƏYLİ
Ədəbiyyat qəzeti.- 2022.- 9
aprel.- S.22.