Kulis.az-ın “İlin hekayəsi”

müsabiqəsinin qalibləri açıqlandı

Bu günlərdə “APA Media Group”da Kulis.az internet dərgisinin təşkil etdiyi “İlin hekayəsi müsabiqəsinin qaliblərinin mükafatlandırılması mərasimi keçirilib

Kulis.az-ın Baş redaktoru Ulucay Akif açdı, münsiflər heyətinin üzvlərini, iştirakçıları, qonaqları salamladı, müsabiqə haqqında ümumi məlumat verdi.

Sonra "APA Group"un rəhbəri Vüsalə Mahirqızı çıxış edərək, müsabiqə haqqında təəssüratlarını bölüşdü.

Flora Kərimova: Bəzənib şəhid ailələri ilə görüşməyin!

Reper Noton: “Meyxana Azərbaycanın sərvətidir” – Müsahibə

Əbdülrəzzaq Qurna: “Nobeli afrikalı olduğuma görə verməyiblər” - Müsahibə

Ədəbiyyat qəzetinin Baş redaktoru Azər Turan söz aldı. O da müsabiqənin vacibliyini xüsusi vurğulayaraq yarışma haqqında fikirlərini bildirdi.

Şair Baba Vəziroğlu çıxış edərək müsabiqə iştirakçılarına və təşkilatçılara təşəkkürünü çatdırdı.

Münsiflər heyətinin üzvü və tənqidçi-ədəbiyyatşünas Elnarə Akimova hekayələr haqqında öz fikirlərini bölüşərək, yarışmanın ədəbiyyat adına ciddi hadisə olduğu vurğuladı.

Münsiflər heyətinin digər üzvü, yazıçı Fəxri Uğurlu çıxış edərək müsabiqə haqqında öz fikirlərini qonaqlarla bölüşdü.

Daha sonra münsiflər heyətinin növbəti üzvü tənqidçi Əsəd Cahangirə söz verildi. O da müsabiqənin müasir Azərbaycan nəsrinə faydalarından söhbət açdı.

Çıxışlardan sonra mükafatlandırma mərasimi başladı.

Üçüncü yerin qalibi – Bircəyə mükafatı müsabiqənin münsifi, tənqidçi Əsəd Cahangir, ikinci yerin qalibi Sənan İsmayılova münsif və yazıçı Fəxri Uğurlu təqdim etdi.

Birinci yerin qalibi Fəridəyə mükafatını münsif və tənqidçi, ədəbiyyatşünas Elnarə Akimova təqdim etdi.

Sonda qaliblərlə xatirə şəkli çəkildi.

Xatırladaq ki, müsabiqə noyabrın 15-dən elan olunmuşdu, əsər qəbulu dekabrın 10-dək davam etdi. Müsabiqədə 209 iştirakçının hekayələri Kulis.azda yayımlandı.

Hekayələr anonim şəkildə münsiflərə təqdim olunaraq qiymətləndirilib. Fəxri Uğurlu, Əsəd Cahangir, Elnarə Akimova, Maral Yaqubovadan ibarət münsiflər heyəti əvvəlcə 20-liyi, daha sonra 20-lik əsasında 10-luğu müəyyən etdilər.

Eyni zamanda Kulisin xüsusi mükafatına görə, onlayn səsvermə keçirildi, ən çox səs toplayan Nihat Pirin hekayəsi qalib seçildi.

Mükafat fondu aşağıdakı kimidir:

Birinci yer – 1000 manat

İkinci yer – 800 manat

Üçüncü yer – 500 manat

Ədəbiyyat qəzeti.- 2022.- 15 yanvar.- S.26.