“Qobustan” dərgisinin Cənubi Azərbaycan sayı işıq üzü gördü

 

QobustanSənət Toplusunun Qış sayı çapdan çıxıb.

Kulis.az xəbər verir ki, dərginin bu sayı Cənubi Azərbaycan ədəbiyyatı, mədəniyyəti, incəsənətinə həsr olunub.

Dərginin baş redaktoru, yazıçı-dramaturq Pərvin Nurəliyeva Cənubi Azərbaycan mövzusununQobustanüçün ənənəvi doğma olduğunu qeyd edib: “Ötən il Azərbaycan Yazıçılar Birliyinin XIII Qurultayından sonra İdarə Heyətinin toplaşdığı ilk Plenumda belə qərara alındı ki, dərigimizin bu il üçün bir sayı Cənubi Azərbaycan mövzusuna həsr olunsun. Təxminən bir ilə yaxın müddətdə bu yolda araşdırmalar aparıb, müəlliflərlə müzakirələr edib, bu sayı hazırladıq artıq oxucularımızın ixtiyarına verdik. Əlbəttə, bu elə dərin ağrılı mövzudur ki, bir sayda onu əhatə etmək mümkünsüzdür. Daha əvvəllər dərginin Cənub sayları nəşr edilib. İndi əlimizdə olan maraqlı məqalələr var ki, növbəti saylarımızda da yer alacaqlar”.

Reklamınızı SmartBee ilə effektiv edin.

Müharibəyə səbəb olan meyvə - Vüsal Bağırlı

Azərbaycanlı prodüserin filmi Rusiyada təqdim ediləcək - VİDEO

Rac Kapur onun üçün piano çalmışdıKinomuzun Gülnazı

Dərginin bu sayında Cənubi Azərbaycan ədəbiyyatı, musiqisi, rəssamlığı, xalçaçılığı, memarlığı, kinosu haqqında müxtəlif sevilən müəlliflərin esse məqalələri yer alıb... Həmçinin bu saydaSöz gənclərdəlayihəsi çərçivəsində üç ayrı yazı oxuculara təqdim olunub. Bu dəfə gənclərNurəngiz Gün yaradıcılığında Cənub ağrıları”, “Cənubi Azərbaycan - kinoda”, “Mərziyyədən Nərgizəmövzularında apardıqları araşdırmaları qələmə alıblar. Layihədə iştirak edən yüzdən çox gəncin 20-nin komanda işinin nəticəsi dərgi səhifələrini bəzəyib.

Qeyd edək ki, “Qobustandərgisinin gələn il üçün ilk nömrəsi TürkiyəninTürk ədəbiyyatıdərgisi ilə qarşılıqlı razılaşma əsasındaTürkiyə özəl sayıolaraq oxuculara təqdim ediləcək.

 

Ədəbiyyat qəzeti. - 2023. - 16 dekabr, ¹ 48-49. - S. 23.