Məqqi, Milli,

Molli, Mey

Məqqi, Milli, Molli, Mey

Çimərliyə gəlib ey.

Məqqi tapıb oxuyan

Qəşəng balıqqulağı.

Damağı çağ, kefi kök

Mahnıdan ləzzət alıb.

Bir dəniz ulduzuyla

Dost olub Melli burda.

Var ulduzun şüası

Bax beş barmaq boydadı.

Mollinin arxasınca

Əcaib məxluq qaçır.

Yıxılıb böyrü üstə

Göyə köpük buraxır.

Mey qaçdı burdan evə,

Əlində daş var idi.

Bu daş yertək balaca

Əslində çox iriydi.

Nə itirsək, deyirlər, -

Bax bizim ikimiz də.

Axtarırıq özümüz,

Tez tapırıq dənizdə.

Edvard Estlin Kamminqs(1894-1962) ABŞ

İngilis dilindən tərcümə edən: Şahin Xəlilli

Ədəbiyyat qəzeti.- 2023.- 27 may.- S.8.