Ata

Marş səsi gəlirdi.

Yatağında qığıldayırdı

Şəhid qızı.

İlk dəfə sevməyə başlayanda

Atasının şəklini sevəcək.

Şəkilə danışacaq,

Şəkilə ağlayacaq.

Hələ dünyanı sevirdi,

Böyüyüb söyəcək deyə...

Canım anam,

Canım ana Vətən,

Ah, atam,

Ax, Tanrım...

Himn səsi gəlirdi.

Uzaqdan baxırdı Tanrı,

Yaxına gələ bilmirdi.

Bilirdi -

dünya yaranandan

atasız uşaqların

Onu sevmədiyini

bilirdi.

Lənkəran

Anar SEYİDAĞA

Ədəbiyyat qəzeti.- 2023.- 14 oktyabr, №39.- S.19.