Getmə...

Əl açıb içimnən sənə əllərim,

Əl uzat bircə yol bu ələ, getmə.

İçimdə atəş var, yanır ciyərim,

Üstümə bir ovuc su ələ, getmə!

Düşün, bu torpaqdan göy nə istəyir.

Yer nə istəyirsə, göydən istəyir...

Dinlə ürəyimi, gör nə istəyir,

Cavab ver gözümdə suala, getmə!..

Doğru cavab olsun, son ahım olsun,

Qoy səni sevməyim günahım olsun.

Danış dərdlərini, Allahın olsun,

Məni döndər suya, su elə, getmə!

Sakit İLKİN

Yardımlı

Ədəbiyyat qəzeti.- 2023.- 14 oktyabr, №39.- S.20.