Nəfəsindən öyrəndim

Nəfəsindən öyrəndim

Necə gedib gəlməyi.

Ruhunda yaşamağı,

Dodağında ölməyi.

Dodağın atəş gülü,

Onda ölüm də gözəl.

Yuxusunda eşq görür,

Adın dilimdə, gözəl.

Fitrətində nə var ki,

Bir izahı yox eşqin.

Oxun sığala gəlməz,

O görünməz ox eşqin.

Nəfəsindən öyrəndim,

Sevda nədir, bilməyi.

Öyrəndim bir can üçün

Mən dirilib ölməyi.

Xanlar HƏMİD

Lerik

Ədəbiyyat qəzeti.- 2023.- 14 oktyabr, №39.- S.21.