L'AMOUR

Sən olmayan şairin

yazılmayan şeirisən,

Sən qədər uca tut

Tanrı verdiyi vədi.

Ümidsizə sən elə

sonsuz ümid yerisən

əlçatmazsan əbədi.

Gecə işıqlarında

kəhkəşan su sayrışır,

Gölməçələr yağışla

sevişir damla-damla.

Heç xəyalıma gəlmir

nəinki yaxın düşüm,

Axan bir ulduz kimi

atan dırnağın olmaq.

Dünyaca sevənlərə

dünyada iki yaş var,

"Yalnız ikicə yaş var,

yalnız: həyat və ölüm”.

Sən elə, elə varsan

səninçün ölən yaşar,

Mən həyat yaşındayam,

səndə neçədi, gülüm?

Qardaşxan

Ədəbiyyat qəzeti 2024.- 24 fevral, №7.- S.25.