Bir ovuc kədərin ərsəyə gətirdikləri...

Tanınmış şair-publisist Faiq Balabəylinin bu günlərdə çap olunan yeni şeirlər kitabı "Bir övuc kədər” adlanır.

Qaynarinfo xəbər verir ki, kitab şair, Azərbaycan Yazıçılar Birliyinin katibi Səlim Babullaoğlunun ön sözü ilə açılır.

Kitabda bir ovuc kədərin yaratdığı nələr yoxdur ki: Yaradana müraciət, Şuşa heyrəti, ömrün kəndə keçməyən tərəfi, dəniz eşqi, övlad sevgisi və ən əsası da SEVGİ... Sözün böyük mənasında sevgi... O sevgi ki, bir ovuc kədərin əhatəsindsə Faiq Balabəyliyə bu kitabı yazdırıb:

Üzümü söykəməyə gövdəndə yer gəzirəm,

Budaqların qol kimi sarmaşmır daha mənə.

Qaranlıq dərə bilib, ovcumda əl gəzirəm,

Qoşa əlin ovucu qaranlıq kaha mənə.

İlahi, rəhm eyləmə, qoy uzansın bu ömür,

Yaş olan yanaqların tamı, duzu, bilinsin...

...Faiq Balabəylinin yaradıcılığında həmişə ön sırada olan VƏTƏN bu kitabda da öz yerindədir. Vətən otuz il Şuşasız qalanda da:

Hər gün istədim ki,

Durub dolanam başına.

Başını tapa bilmədim,

Ayağına döşəndim...

"Qanun” nəşriyyatında çap olunan kitabın redaktoru Əsəd Qaraqaplan, korrektoru Aytəkin Həmidli, dizaynerləri Səbinə Aydın və Kənan Eynullayevdir.

Ədəbiyyat qəzeti. - 2024.- 20 iyul, №27.- S. 23.