2022-ci ilin
Nobel laureatı seçilən
nasiri tanıyaq
Anni Erno (Annie Ernaux) tam adı-soyadı
Anni Terez Blanş Düşen olan fransız nasiri və pedaqoqudur.
1 sentyabr
1940-cı ildə Normandiyanın
şimalındakı Lilbonn
şəhərində anadan
olub. Əvvəlcə, özəl
katolik məktəbdə,
sonra isə Ruan Universitetinin filologiya fakültəsində
təhsil alıb.
16 yaşından
şəxsi gündəliklərini
yazmağa başlayan
Anni sonradan həmin qeydlər əsasında özünün ilk romanını
qələmə alsa
da, onu çap etdirməyə bir gərək duymayıb.
1964-cü ildə
Filipp Erno ilə ailə qurub və Ansi
şəhərinə köçüb.
Bu nikahdan onun iki oğlu dünyaya
gəlib.
1970-ci illərdə
yazar Ansi-le-Vye və Pontuaz
şəhərlərindəki ibtidai və orta məktəblərdə
dil-ədəbiyyat fənnini
tədris edib. Bir müddət sonra isə Distansiyalı Təhsil üzrə Milli Mərkəzdə ixtisasına
uyğun işlə təmin olunub.
1980-ci illərin əvvəllərində ərindən
boşanan və həmin vaxtdan etibarən Serji şəhərində məskunlaşan
yazar ədəbi yaradıcılığa daha
sıx şəkildə
bağlanıb.
Təkcə "Abort" romanını çıxmaq
şərtilə, onun
bütün əsərlərində
avtobioqrafik elementlər
daha geniş yer tutmaqdadır.
1974-cü ildə
işıq üzü
görən ilk romanı
- "Boş şkaf"
ona şöhrət qazandırıb.
Yazarın digər
romanları isə aşağıdakılardır:
"Boş gündəliklər…" (1977), "Donmuş qadın"
(1981), "Başqa bir
qadın" (1988), "Yalın
ehtiras" (1992), "Jurnal
qapağı" (1993), "Xəcalət" (1997), "Gecədən
kənara çıxmadım
ki mən" (1997), "Abort" (1999),
"Təmiz havada yaşamaq" (2000).
Uğurlu ədəbi
yaradıcılığına görə o, bir sıra ədəbi ödüllərə, 2022-ci ildə
isə ədəbiyyat
üzrə Nobel mükafatına
layiq görülübdür.
Nobel Komitəsinin Anni Ernonun
laureat seçilməsilə
bağlı açıqlamasında
deyilir:
"Şəxsi
yaddaşa yadlaşmanı,
ona kənardan göstərilən kollektiv
basqını və bunun köklərini ortaya çıxararkən
sərgilədiyi böyük
cəsarətə və
barışmazlığa görə".
2008-ci ildə fransız rejissoru Patrik-Mario Bernar Anni Ernonun "Başqa bir qadın" romanı əsasında bədii film çəkib.
"İllər"
romanına görə
A.Erno 2008-ci ildə həm Marqerit Duras, həm də Fransua Moriak mükafatlarına layiq görülüb. Həmin
il o, bütün yaradıcı
fəaliyyətinə görə
"Fransız dili ödülü"nü, 2017-ci ildə isə Marqerit Yursenar adına mükafatı qazanıb.
2014-cü ildən
A.Erno Serji-Pontuaz
Universitetinin fəxri doktorudur.
Oxuculara ilk bölümünü
təqdim etdiyim "Atamın yeri" romanı 40 il öncə,
1983-cü ildə Parisdəki
"Gallimar" nəşriyyatında
çap olunub və sonrakı il Fransanın nüfuzlu ədəbi ödüllərindən
sayılan Renodo mükafatına layiq görülüb.
Ədəbiyyat qəzeti. – 2024. – 4 may, ¹ 16. – S. 46.