Uzaqda bir kənd var
Uzaqda bir
kənd var, çinarlı bir kənd,
Yoluna, izinə gözüm dikilər.
Cığırlı
dağlara atılan kəmənd
Suları qayadan, daşdan sökülər.
Zirvədən
yarıxan küləyi kimi,
Yorulub döşlərə döşənər
eniş.
Kişi
adamların ürəyi kimi,
əyət-bacaları genişdən-geniş.
Uzaqda bir
kənd var,
Dağətəyi
kənd,
Ulduzlu qoynuna ulduz tökülər.
Kəhər
nallarının şəklini çəkən,
Yoluna-izinə ay gümüş çəkər.
Nəvələr
diz üstə oturar, çökər,
Nənə
dillərində ev nağıllaşar.
Qarı
çalma kimi başına çəkər,
Saqqalı ağarar, kənd ahıllaşar.
Uzaqda bir
kənd var,
Müdrik
qocalar
Bir ocaq başından min yerə gedər.
Tüstünü
göylərə səpən bacalar
İstini çörəyə, saca bəxş edər.
Dilavər
çayları qına çəkilib,
Qoynunda çiləşən qızları anar.
Doğma
qızlarını bir qonaq bilib,
Təzə ad gözləyən ata, ana var.
Uzaqda bir
kənd var,
Nə səsim
çatır,
Nə də gücüm çatır yolunu keçim.
Bir ev var, qapısı gündoğanadır,
O
yurddan-yuvadan doğur günəşim.
O evin
yanından keçim deyə mən,
Hazıram
gözümlə od götürməyə.
Hazıram
bir kərə "of" da demədən
Xəlbirlə çaylardan su götürməyə.
Uzaqda bir
kənd var,
Dağlara
yaxın,
Uzaqda bir
kənd var,
Tutub buz onu.
Uzaqda bir
kənd var,
Gözümə
baxın,
Bəlkə ürəyimdə gördünüz onu.
Belədir
Dünyanın
ən uzun yolları qısa,
Nadanın sevinci xortdayıb gordan.
Sadə
erməninin günahı yoxsa,
Bu iyrənc naqislər törəyib hardan?!
Dilləri
uzanıb yalançılığa,
Həqiqət önündə söz aça bilmir.
Əlləri
uzanıb dilənçiliyə,
Qozbel süysününü düz aça bilmir.
Guya yerdə
uçan quşu əzməyə,
Guya ley etdilər qarğalarını.
Erməni
qan gördü,
Sözü
kəsməyə
Qırğına verdilər dığalarını.
Hər
yanı şil-kütdü, hər tərəfi kəm,
Bu görkəm aləmə ayıbdı, ayıb.
Teymurləngimizin
özü demişkən,
Onu yer üzündən silmədim hayıf.
İti-pişiyi
də quduzdu, quduz,
Dünyada insan yox, məxluq kəsdilər.
Burnunu hər
şeyə soxurdu donuz,
Burnunun ucunu dibdən kəsdilər.
Daha para
deyil bütövük, birik,
İndi hər ovcumuz döyüş yeridi.
Biz
uşağa "xortdan gəlir" deyirik,
"Türk gəlir" dedilər, uşaq kiridi.
Bir az oxşayırlar hələ adama,
Dil tökən idilər, çəngi idilər.
Heç
sağ olmasınlar, düz deyib, amma
Adımı həmişə türkdü dedilər.
Uşaqdan-böyüyə,
hamısı xəstə,
Bu qara yaranın səhəri yoxdu.
Bir yumruq
ucalıb başları üstə,
Hələ min yumruqdan xəbəri yoxdu.
Titrəyən
başları çıxıbdı səmtdən,
Əyri addımları laxdı elə bil.
Daha
yıxılıbdı yalan səhnədən,
Allah haqqı belədir.
Gözəl-gözəl
Qıyma
gözəlliyə baxa yad gözlər,
Saçını çiyninə yay, gözəl-gözəl.
Sən
köhnə yarama duz basdın, gözəl,
Görürsən, demirəm oy... gözəl, gözəl.
Üşüyə
bilməzsən, qaynar gözdəsən,
Qışda qar çiçəksən, yazı
gözlə, sən.
Özünü
nə zaman tapmaq istəsən,
Bağrımın başını oy, gözəl-gözəl.
Qaldın
arasında əyri, düzün də,
Mənə simsar oldun gözəl dözümdə.
Gözünu
yumanda qaldım gözündə,
Gözündən düşmədin, ay gözəl,
gözəl.
Utancaq
olmusan, neynək, olmusan,
Əlinnən üzünə ələk olmusan.
Xəbərin varmı ki, fələk olmusan?!
İndi
saydığını say, gözəl-gözəl.
Dünyam
nə gözəldi, varam səninlə,
Baş-başa da qoydun məni zəndilə.
Toyumuzdan
qabaq naz-qəmzən ilə,
Tutdun Məzahirə toy, gözəl-gözəl.
Kəndin kolxoz sevdası
Günəşim
sönməyib birdən-ikidən,
Günəş yandırmağa üfüq
qızarır.
Bu kəndin
şairi yazmır sevgidən,
Şəhərə tökülüb gözəl
qızları.
Şənlikdə
keçmişlər yığışır dilə,
O, belə
gəlmişdi, bu, belə getdi.
Təklər
hamılıqla, hamı elliklə
Beyinə vururdu birlik həsrəti.
Ambara
yığıldı yığım da, var da,
Acgözlər yığıma yerikləyirdi.
Zəncirli
itlər də qarqaralarda,
Ölçülü Azadlıq sürütləyirdi.
Oxlu
başayaqlar zəmi urası,
Külək bərk əsəndə göyə sovruldu.
Torpağa
yıxıldı bülbül yuvası,
Oğru siçanların kefi duruldu.
Kimlər
o günlərə hayıl-mayıldı,
Bekara vaxt idi, o vaxt bekara.
Kolxoz
kitabçası kimlik sayıldı,
Pasport verilmirdi kolxozçulara.
Qalmadı
kolxozun nə izi-tozu,
Onu pay
bölənlər tezbazar etdi.
Dirəkdə
yellənən kolxoz radiosu
Daha dillənməyib, intihar etdi.
Məmməd Arazın
milyonçular küçəsi
Pulun bir
üzü də qızıl külçəsi,
Burda hər adamın milyon suçu var.
Gözün
aydın olsun,"Əmi"m küçəsi,
Sənin küçənin də milyonçusu var.
Həyat
axardadı bir ayrı yöndə,
Sular sel olanda məcrada azır.
Piyada
milyonçu heykəlinin də,
Ağ atlı göydələn başından
basır.
Varlılar
evindən boylanır varın,
Parıltı alışır hər otağından.
Həbs
üçün yol alan cinayətkarın
Baxır pəncərəsi barmaqlığından.
Biri o
birindən qalmır geridə,
Bir ev dikələndə, biri ucalır.
Heyrət
edənlərin heyrətləri də,
Küçədən tərpənmir, donuxub qalır.
Demişdin,
başından düşəcək papaq,
Sözümə baxmadı, o yenə baxdı.
Bu yerdə
Kərəmi tutur ağlamaq,
Ağlayır, hayıf ki, göz yaşı yoxdu.
İstilər
görmüşük, boran-qarlıdır,
Doğru havalar da dönük çıxdılar.
Məmməd
Araz adlı küçə varlıdır,
Varlılar ona da şərik çıxdılar.
Adını
çəkdilər milyona sarı,
Guya ki, girdilər haqqı-sayına.
Tez-tez dəyişəndi
küçə adları,
Adın yazılıbdı Araz çayına.
Göyərir
Göydən
ruzi səpir yağış,
Yerdən
neçə pay göyərir.
Adam
qalır yeddi qarış,
Ağacından boy göyərir.
Döyükəndi
yolu azan,
Nə bilsin, gedir güdaza?!
Dəlixana,
boş qalmazsan!
Qorxma, neçə səy göyərir.
Yükün
altında çökərsən,
Dərdi açmayıb, bükərsən.
Ay
yazıq, köhnə nökərsən,
Axı təzə bəy göyərir.
Yarpaqları
külək sayır,
Saydığını fələk sayır.
Ayaq altda
qalan çayır,
Saralsa da göy göyərir.
Uzaq
görmək yaxınındı,
Tikan namərd toxumudu.
Göz
yaşı dərd toxumudu,
Səpildikcə, hey göyərir.
Qanad
çalan yazdı, quşlar,
Pərvazlanan sözdü, quşlar.
Mamırlayan
qara daşlar,
Göyərir, gömgöy göyərir.
Məktub
Gülümsəyə-gülümsəyə,
Buyursalar müntəzirsən.
Toz edəndə
silim deyə,
Əli dəsmallı gəzirsən.
Yollar bizə
verdi dözum,
Çıxdın yeriş yarışına.
Hədəf
yol çəkməkdi, ərzin,
Bu başından o başına.
Təbəssümün
duz yerinə
Dadlı edir, xörəkləri.
Güvənc
atan öz yerinə,
Sən özün ol, güvənc yeri.
Şirin
bala, gözüm dolub,
Gülməyimə
bir him ara.
Məzahirlə
qılınc olub,
Qalxana dön, bacılara.
Göy üzünə açıb qanad,
Uçuşunla iz sərirsən.
Deyəmmirsən evdə bir ad,
Hamını düz göstərirsən.
Okeandı sağın, solun,
Üzüb tullan qaşqasına.
Sənin sonbeşik titulun
Düşə doğma, başqasına.
Səfərə çıxır həvəsim,
Arzum göylərdə dincəlir.
Mənə yaxın olan səsin
İndoneziyadan gəlir.
Denən
Eşitdim ki, məni soruşursanmış,
Deyəsən, dinməyə qalmayıb üz də.
Hər tərəf tutulub, ay
canıyanmış,
Nə ürəyimdə yer var, nə evimizdə.
Eyhamlı baxışlar elə süzdü ki,
Utanıb, sinəmə qısıldı ürək.
Filankəs əlimi elə üzdü ki,
Köksümdən sap ilə asıldı
ürək.
Ağaran qarın da çiçəklənməyə
Novruzgüllərindən təmənnası
var.
Solan gül gəzməyə
çıxmışam niyə,
Tutaq ki, tapacam, nə mənası var?!
Üfürdüm
boz külü, göyə sovruldu,
Altından qor çıxdı, alışdı
tabım.
Deyəsən,
gizlindən açıq yol saldı,
Yetdi ünvanına zərfsiz məktubum.
Deyəsən, üstündə qəlbimdən
iz var,
Bu məktub yolunu azıbdı, demə.
Məni
qana salma, ailəmiz var,
Məktubu Məzahir yazıbdı, demə.
Məzahir Hüseynzadə
Ədəbiyyat qəzeti 2024.- 18 may, №18.- S.23.